I MARAKUSU 1:27 - Wunta Mempori

²⁷ Mengkohali-hali ira luwu, onaemo ka domempopauo, dompotae, ”Hapa ndio? Aasa pompaguru wo'ohu. Ondae mepauako pabawa. Maupo onitu nsa'o Doparenta ira ka domentondao.”

I MARAKUSU 1:27 ပူးပေါင်းရင်းမြစ်များ

I MATIU 15:31

Ka mengkohali-hali iramo mia hadio atuu mengkitao mia beebe mepau, mia tiimpa karu tompa, mia luuka melempa, mia morawu mongkita, ka dome'unde-unde Ira Ue Alado to isaraeli.

I MATIU 8:9

Hangano ongkue andio mia pinosongkaako ka i totoku hinao sorodadu. Tewala kupotaeakono asa sorodadu atuu: Lako! asalakono onae lumako, ka a asa mia mbo'u: Aiwa! Asalakono onae aiwa, ke a ataku mbo'u: Anggaomo andio! Asalakono i'anggao.”

I MATIU 9:33

Ka mansano linuarako onitu nsa'o atuu, mokompepauomo mia beebe atuu. Ka mengkohali-hali iramo mia hadio, dompotae, ”Anu kanandio napi dohori mia mpokita i Isaraeli.”

I MARAKUSU 1:26

Onitu nsa'o atuu nggumenggetoo mia atuu, ka kontongaano meraali meroku onae meluarako inso ndi onae.

I MARAKUSU 1:28

Ka i'amba rongaomo telele mongkona Ondae i asa wawo wita Galilea.

I MARAKUSU 10:24

Mengkohali-hali ira ana guru-Do merongeo pinau-Do atuu. Sine Dosombuo mbo'u i Yesu, ”Ana-Ku luwu-luwu, motungko ntu'u mewinso a laro Poparentaa-Do Ue Ala.

I MARAKUSU 10:32

Ondae i Yesu kontongaa-Do a mpelempaa saru ana guru-Do melako i Yerusale ka Ondae i Yesu i arono. Ana guru-Do mensalalaro ka mia mbo'u anu mentonda Ira medoito. Pohonapo mbo'u Dopoboi ira i Yesu ana guru-Do anu hopulu ka orua ka Dopompu'u pauako ira hapa anu ta gagi a ngkoroi-Do,

I MARAKUSU 16:5

Ka do'amba mpewinso a laro ngkaburu ka domengkitao aasa mangalitau anu melemba meloe mopute mentoro i koana. Ntededengke ira ntu'u,

I MARAKUSU 16:6

sine ipotaeako ira mangalitau atuu, ”Si medoito! Inungkemiu Ondae i Yesu to Nasare, anu pinaso a ngkeu pinotamba atuu. Mewangu Iramo. Nahi Dokongko i ndi'ai. Kitao! I ndi'aimo dopombole Ira.

I MARAKUSU 7:37

Ntekokodoho ira ka mengkohali-hali ka dompotae, ”Luwuakoano Dopokogagio moiko, anu mobongo Dopokogagio ka iporonge, anu bebe Dopokogagio ka ipepau.”

I LUKASI 4:36

Ka luwuno mia mengkohali-hali, ka do'amba mpepau-pau pada ondaedo, dompotae, ”Mongkokongiri ntu'u pau andio! Hangano bukeako roso ka pabawa Dotena ira onitu nsa'o ka onaemo ka dompeluarako.”

I LUKASI 9:1

Onaemo ka Dopoboi ira i Yesu hopulu ka orua ana guru-Do, ka Do'amba moweeako ira roso ka pabawa ka domempabawai ira onitu nsa'o ka dompokotompao luwuno haki.

WINEWEUDO TINENA 17:19

Ka do'amba mewawao i arono terisoa Areopagu ka dompotae, ”Moiko koake kimento'orio pompaguru wo'ohu hapa anu pinagurumu andio?