I MARAKUSU 1:20 - Wunta Mempori

²⁰ Mompari-pari Ira i Yesu moboi ira onaemo ka dobintao amado, i Sebedeu, a laro bangka saru mia mentinambodo ka do'amba tumonda Ira.

I MARAKUSU 1:20 ပူးပေါင်းရင်းမြစ်များ

1 Mokole 19:20

Ka i'amba i Elisa bintao sapino atuu ka ipelulu tumondao i Elia, ipotae, ”I'eheakunemo ari woo-woo ira amaku ka ineku, ka ku'amba tumonda komiu.” Sumangki i Elia, ”Lakomo, ka u'amba mekule hangano hapa anu kuweweuomo ndi omue.”

I MATIU 10:37

Ba isema mehohawao ama ke ineno laluaopo sekono ndi Ongkue, nahi pototono ndi Ongkue; ka ba'isema mehohawao anano tama ke beine laluaopo sekono Ongkue, nahi pototono ndi Ongkue.

I MARAKUSU 1:19

Ka mansa-Do motilaloakono i Yesu pelempaa-Do nahi olai, Dokitao i Yakobu, anano i Sebedeu, ka i Yohane, pepaekompono, kontongaado mokomoikoo buanido a laro bangka.

I MARAKUSU 1:21

Mehawe iramo i Kapenau. Mansano mompu'u oleo Saba, Ondae i Yesu mompari-pari mewinso a laro raha tepumpua ka mompaguru.

I MARAKUSU 10:29

Sumangki Ira i Yesu, ”Kupauakomiu, menteeano sompo mia anu hangano Ongkue ka hangano Lele Mawongkoa ka ibintao rahano, pepaekompono tama ke pepaekompono beine, ineno ke amano, luwuno anano ke lereno,

I LUKASI 14:26

”Tewala asa mia aiwa ndi Ongkue ka nahi o'aliaakono amano, ineno, beineno, anano, pepaekompono tama ke beine, maupo penaano onaeno, nahi ta polio gagi ana guru-Ku.

I LUKASI 5:11

Ka umarido mewuatakono bangkado a ntuwu wita, domebintaomo luwuakoano, ka do'amba tumonda Ira i Yesu.

2 KORINTI 5:16

Onaemo pu'uno nahi kimengkitao maupo te'asa mia montonda pompewowolono mia. Ka tewala hori kami kumita Ira i Kerisituu montonda pompewowolono mia, kanandio-andio nami kimengkita Ira mbo'u kanatuu.

Winali 33:9

Onae anu motae mongkona ama ka ineno, ’Nahi kuperio ira.’ Onae anu nahi behe tumo'ori ira pepaekompono ka nahi perio ira anano. Sine to Lewi mpekariao pau-Miu ka mpe'ini a mpedandia-Miu.