Luwuno atuu asalakono itunuo sando mpesomba i wawono meda pontunua pesomba gagi kaanga kana pesomba tinunuako api gagi woo anu mompokomawongko. Luwuno taba onaemo tia-Do i Ue.
Luwuno anano i Haruni asalakono mentunuo i wawono meda pontunua pesomba, i wawono pesomba tinunu anu kontongaano tinunu i wawono api, gagi pesomba tinunuako api anu woono mokomawongkoo aroa-Do i Ue.
Toreano asalakono ikaano i Haruni saru luwuno anano, kinaa kana roti nahi peragi i asa po'ianga anu mempori. Asalakono domengkaano i kintalano Kema Tepotowoa.
Sando mpesomba anu mesombaakono pesomba po'onini hala atuu, onaemo anu kumaano. Asalakono pesomba atuu ikaano i asa po'ianga mempori, a kintalano Kema Tepotowoa
Hangano rada pesomba tinande ka pa'a pesomba pinesusua Ku'alaomo inso a luwuno pesomba tekaduduia anu winawado to Isaraeli ka Kuweeakonomo sando mpesomba i Haruni ka luwuno anano. Onaemo pompakosi anu Doweweuo a nto Isaraeli ranta nahina tampulaano.”
I Musa umalao radano bimba atuu ka ipesombaakono gagi pesomba tinande i aro-Do i Ue. Onaemo anu hinaweno i Musa gagi tiano inso a bimba laki pesomba poronsoa atuu, kana parenta-Do i Ue ndi Musa.
Maupo andio tiamiu: pesomba pinesusua inso a pompoweedo anu susua, tewinso luwuno pesomba pinopokitado to Isaraeli. Luwuno atuu Kuweeakomu, luwuno anamu tama ka beine anu pe'asamu. Onaemo asa pompakosi anu nahina tampulaano. Sompo mia anu morina inso a luwuno ihino rahamu moiko ikaano.
Nahi imento'orioke, nine ondae anu mpompekakaako a mpo'ianga mempori mpohawe pepotuwudo inso a mpo'ianga mempori atuu ka nine ondae anu mpompekakaako meda pontunua pesomba, mpohawe tiado inso a meda pontunua pesomba atuu?