Imama 7:30 - Wunta Mempori

³⁰ Asalakono kaeno onaeno wawao luwuno pesomba tinunu ndi Ondae i Ue. Asalakono iwawao tabano saru radano, kai tinande radano atuu gagi pesomba tinande ndi Ondae i Ue.

Imama 7:30 ပူးပေါင်းရင်းမြစ်များ

Po'unde-unde 110:3

Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

Imama 10:14

Rada pesomba tinande ka pa'a pesomba pinesusua atuu, asalakono imengkaano meronga luwuno anamu tama ka beine a mpo'ianga anu nahi mokoburu, hangano luwuno imewineeako gagi anu pinakosi tiamu ka luwuno anamu inso a luwuno pesomba tekaduduido to Isaraeli.

Imama 10:15

Pa'a pesomba pinesusua ka rada pesomba tinande atuu asalakono domewawao saru tabano luwuno pesomba tinunu atuu, kai pinesombaako gagi pesomba tinande i aro-Do i Ue. Onaemo asa pompakosi ndi omiu ka luwuno anamiu hawe nahina tampulaano kana parenta-Do i Ue.”

Imama 3:14

Inso a hapa anu ipesombaako atuu, gagi pesomba ndi Ondae i Ue anu tinunuako api, asalakono ipesombaakono taba anu walungio ihi kompo ka luwuno taba anu metako a ihi kompo atuu,

Imama 3:9

Inso a mpesomba tekaduduia atuu, gagi pesomba ndi Ondae i Ue anu tinunuako api, asalakono ipesombaakono tabano, luwuno ikino anu mentaba asalakono tinotopi umpeda wuku ntorukuno, ka taba anu walungio ihi kompo, saru luwuno taba anu metako a ihi kompo atuu,

Imama 8:27

Luwuno inaao a pelengkaeno i Haruni ka a pelengkaedo luwuno anano ka luwuno pinesombaako gagi pesomba tinande i aro-Do i Ue.

Imama 8:29

I Musa umalao radano bimba atuu ka ipesombaakono gagi pesomba tinande i aro-Do i Ue. Onaemo anu hinaweno i Musa gagi tiano inso a bimba laki pesomba poronsoa atuu, kana parenta-Do i Ue ndi Musa.

Imama 9:20

luwuno taba atuu domenaao i wawono radano orua pesomba atuu. Ka i'amba i Haruni tumunuo luwu taba atuu a wawo meda pontunua pesomba.

Imama 9:21

Rada ka pa'a koanano atuu ipesombaakono i Haruni gagi pesomba tinande i aro-Do i Ue, kana parentano i Musa.

Podoaa 6:20

Ka i'amba sando mpesomba tumandeo luwuno atuu i aro-Do i Ue gagi pesomba tinande. Luwuno atuu gagi anu mempori a sando mpesomba, saru rada pesomba tinande ka pa'a pesomba pinesusua. Umarino atuu ka i'amba mia anu meweengakono tumuwuno ndi Ondae i Ue atuu moiko ipo'inu anggoro.”

Podoaa 8:11

i Haruni asalakono mopokita ira to Lewi gagi pesomba pinopokita i aro-Do i Ue inso i olodo to Isaraeli, ka dompepatinda me'anggao anggaa tia-Do i Ue.

I YOHANE 10:18

Nahina maupo te'asa mia umalao inso ndi Ongkue, tendeano Kupeweengakono montonda po'ehe-Ku Ongkue-Ku. Ongkue pabawa meweengakono ka pabawa wali umalao. Onaemo andio anggaa anu tinarima-Ku inso ndi Ondae Ama-Ku.”

2 KORINTI 8:12

Hangano tewala inso i aroamiu mompowee, asalakono pompoweemiu ta tinarima, tewala pompoweemiu atuu me'empehiako hapa anu hina ndi omiu, komba me'empehiako hapa anu nahina ndi omiu.

Winali 18:3

Ndiomo tiado sando mpesomba inso a bawaa, inso ndi ondae anu mpopesombaako pesomba sinumbele, moiko sapi maupo bimba: pa'a i arono, orua aseno, ka kompo tongono, asalakono wineeako sando mpesomba.