Imama 7:18 - Wunta Mempori

¹⁸ Tewala a oleo ko'otolu bau pesomba tekaduduia atuu da kinaa, nahi Dotarimao i Ue mia anu mompesombaako ka pesomba atuu nahi rineke, tendeano gagi asa anu mokoburu, ka mia anu kumaano asalakono itembio salano onaeno.

Imama 7:18 ပူးပေါင်းရင်းမြစ်များ

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Yesaya 65:4

anu mpentoro a ngkaburu ka mperato a laro ngkunepo; anu mpongkaa bau boe ka uwoino bau mokoburu kongko a laro ngkawalido;

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yeremia 14:10

Kanandiomo pau-Do i Ue mongkona tongku andio, ”Ondae tedoa mensanaa mpelakopi ka nahina umontoo karudo. Onaemo pu'uno nahi Dopemoiko ira i Ue. Kanandio-andio Ira rumambeo salado ka humuku ira hangano halado.”

Yeremia 14:12

Maupo domempuasa, nahi Aku merorongeakono peboolido. Maupo dompopesombaako pesomba tinunu ka pesomba kaanga, nahi Aku memoiko ira. Tendeano Aku mokopingkoako ira ponai, saru mokoninggoa ka haki lele.”

Yehesikieli 18:20

Mia anu moweweu hala, onaemo anu asalakono mate. Ana nahi ta metonda tumembio salano amano ka ama nahi ta metonda tumembio salano anano. Mia mentee ta tumarimao wua menteeno, ka mia mosa'o gauno ta tumembio poko'ariano pinogauno anu mosa'o.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Imama 10:17

”Tembio nahi imengkaano pesomba po'onini hala atuu a mpo'ianga anu mempori? Kombake atuu anu tedoa mempori ka Doweeakomiu i Ue kai meliahakono salado bawaa atuu ka impoweweu pesintuwua tiado i aro-Do i Ue?

Imama 10:19

Ka i'amba motaeomo i Haruni ndi Musa, ”Lano mentee, a oleo andio umariomo dompesombaakono pesomba po'onini hala ka pesomba tinunudo i aro-Do i Ue, sine anumo kanatuu anu kupembasaio. Tewala a oleo andio kukaano pesomba po'onini hala, ta koa moiko ke a pongkita-Do i Ue?”

Imama 11:41

Luwuakoano kondehora melele anu mpebawaa i wawo wita, onaemo mokoburua si mengkaano.

Imama 17:16

Sine, tewala onae nahi lomboo sangkano ka nahi wo'ohiakono uwoi koroino, onae ta tumembio salano onaeno.”

Imama 19:5

Tewala komiu mpopesombaako pesomba tekaduduia ndi Ondae i Ue, asalakono impesombaakono kanandio, ka i'amba Dopekonokomiu i Ue.

Imama 20:17

Tewala asa tama mo'ala pepaekompono beine, anano amano ke anano ineno ka dopewowali, onae atuu asa mo'o'anua. Ondae asalakono pinokotampula i arodo luwuno mia pe'asa tongkudo. Mia atuu isungkeomo anuno pepaekompono beine, ka onae asalakono tumembio salano onaeno.

Imama 20:19

Si sungkeo anuno pepaekompo beine inemu ke pepaekompono beine amamu, hangano anuno pepaekompo onaeno anu inungkahino. Asalakono dotembio ondaedo salado.

Imama 22:16

hangano ondae ta mokomanasaako ira salado to Isaraeli anu asalakono tinolosi, tewala mpongkaa ira luwuno pesomba memporido. Menteeano Ongkuemo Ue anu mokomempori ira.”

Imama 22:23

Sine asa sapi ke bimba anu ondau lahi ke owowa kae ka karuno, moiko ipesombaako gagi pesomba a moleono aroa, sine nahi pinesombaako gagi pesomba pontanga.

Imama 22:25

Maupo inso a ngkaedo mia hawe si mpesombaakono kondehora kanatuu gagi pesomba ndi Ondae Ue Alamiu, hangano luwuno masolaomo ka hinao tataano. Nahi Ira tumarima komiu i Ue hangano luwuno pesomba atuu.”

Imama 5:17

Tewala asa mia moweweu hala, nahi pokoto'orio ka iweweuo asa i olono anu inonto-Do i Ue, manasa onae sala ka asalakono itembio salano.

Imama 7:19

Tewala bau atuu ikonao anu mokoburu si kinaa, sine asalakono tinunu ranta kai pingko. Sompo mia anu morina moiko ipongkaa bau pesomba.

Amosi 5:22

Maupo impesombaakono ndi Ongkue luwuno pesomba tinunu ka pesomba kaangamiu, nahi Kubehe, ka pesomba tekaduduiamiu onaemo pinotuwu anu mewalo, nahi Aku kumitao.

Maleaki 1:10

Ande-andeno hinao i olomiu anu tondoo pewowa ranta omiu nahi mpopolanga api a meda pontunua pesomba ndi Ongkue nahina pengkonaano. Nahi Aku tumarima komiu, pau-Do Ueno luwuakoano, ka nahi Aku mbo'u behe tumarimao pesomba inso a ngkaemiu.

Maleaki 1:13

Mpotae komiu, ”Kitao, ndio butu mompokomasusa!” ka mempasinggiri Aku, pau-Do Ueno luwuakoano. Omiu mpowawa kondehora rinontu, kondehora anu tiimpa karu ka anu mahaki. Onaemo atuu anu winawamiu gagi pesomba. Aku memoikooke tumarimao inso a ngkaemiu? pau-Do i Ue.

Podoaa 18:27

Pesomba atuu ta rineke gagi pesomba pinesusuamiu, mengkena kana gandu inso a mposesaa ka mengkena kana hasilino pomporo'i anggoro.

I LUKASI 16:15

Ka Do'amba motaeako ira, ”Omiu mpokomenteeo koroimiu i arodo mia, sine Ondae Ue Ala tumo'orio aroamiu. Hangano hapa anu tinudu langkai a mia, Do'o'aliaakono Ue Ala.

ROMA 4:11

Ka tondonino petindi atuu itarimao gagi petondoni menteea me'empehiako pompe'ala-ala anu pinopokitano se'eluno napi petindi. Kanandiomo ka ipokogagi amado luwuno mia mpompe'ala-ala anu nahi dompetindi, ka menteea pinototoi ndi ondae,

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.