Imama 6:2 - Wunta Mempori

² ”Tewala asa mia moweweu hala ka melelu nahi petenunu ndi Ondae i Ue kai pompopo'oo pe'asa miano mongkona sangka anu pine'ala-alaako ndi onae, ke pinepenaa ndi onaeke anu rinontuno; ke tewala onae momporo'i mpe'asa miano,

Imama 6:2 ပူးပေါင်းရင်းမြစ်များ

Tegagia 26:7

Tempono mia a mpo'ianga atuu mpesikeno mongkona beineno, motaeomo, ”Onae pepaekompoku,” hangano doitono pauo, ”Onae beineku,” hangano ipewowoloo, ”Ba mansa dompepate aku palili a mpo'ianga andio hangano i Ribeka, nde tekosi rupano.”

Po'unde-unde 51:4

Ipokomorina akumo luwu inso a nsalaku, ka inso a halaku Ipokomempori akumo!

Powadi 24:28

Si gagi sakosii a mpe'asa miamu nahina pu'uno, ka mompopo'ooako wiwimu.

Powadi 26:19

kanatuumo mia anu mompopo'oo pe'asa miano ka motae, ”Ongkue butu memae-mae.”

Yesaya 21:2

Aasa pongkita anu mongkokongiri pinaleleomo ndi ongkue, ”Puu porontu morontu, puu ponsolangi monsolangi! Lakomo, hei Elami, kaduomo, hei Madai! Luwuno pompemasusaa hangano onae Aku mokompenaa-naao.”

Yesaya 33:1

Masolakomo ntu'u, hei anu monsolangi anu napi sinolangi, ka omue, hei puu mporuntu anu napi rinontu! Tewala umarikomo monsolangi, omue isa'a kosinolangi; tewala omue umari morontu, omue isa'a korinontu.

Yeremia 9:5

Anu asa mia mopo'oo anu susua, ka nahina maupo te'asa mia mepau mentee; domempokoleleoomo elodo mepau megaupi; ondae mpokomokendoo koroido mpoweweu anu saala.

Yehesikieli 40:46

Bolongko anu i arono me'aro i utara, onaemo tiado sando mpesomba anu mpo'angga a meda pontunua pesomba. Ondae inuleno i Sadoki ka butu koa ondae inso a inuleno i Lewi anu moiko umpeda ndi Ondae i Ue moweweu pesomba.”

Imama 1:3

Tewala pesombano anu tinunu inso a nsapi, asalakono ipesombaakono anu lakino ka nahina tataano. Asalakono iwawao a mpewowano Kema Tepotowoa, kai moiko i aro-Do i Ue.

Imama 19:11

Si mponako, si mpegaupi, si mpopopo'oo pe'asa miamiu.

Imama 5:15

”Tewala asa mia moweweu nahi petenunu ka nahi pe'inungako moweweu hala mongkona asa anu mempori ndi Ondae i Ue, anu gagi tolosino salano asalakono ipompesombaako ndi Ondae i Ue asa bimba lakino anu nahina tataano inso a asa bawaa bembe bimba, anu pinonaako olino montonda sikala, sikala a mpo'ianga mempori gagi pesomba pontolosi saala.

Imama 5:19

Onaemo pesomba pontolosi saala; mia atuu tedoa saala ndi Ondae i Ue.”

Imama 6:1

Ondae i Ue mepau ndi Musa,

Amosi 8:5

Omiu anu mpopewowolo, ”Te'ipiake itampula wula wo'ohu, ka imoiko tompo'asa gandu? Te'ipiake ilalo oleo Saba, ka imoiko tompo'asa tarigu saru mpokongkodeio ponsa'u efa, mokolangkaio mobeano sikala, moweweu molengku mompake pontimba nahi mentee'

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

WINEWEUDO TINENA 5:4

Tempono nahi inasa wita atuu, kombake atuu omue mpiha me'ueo, ka mansano inasa, kombake olino atuu a laro mpabawamu koa mpiha? Tembio ka upontoo i laro aroamu wineweu kanatuu? Omue komba mogaupi mia, sine gumaupi Ira Ue Ala.”

EPESU 4:25

Onaemo pu'uno imentadiomo pegaupi ka isinggemo mpepau mentee a mpe'asa miamiu, hangano pada kitamo parewa ngkoroi.

KOLOSE 3:9

Siimo mbo'u imemambe gaupi, hangano imelohuomo mia laanomiu saru peleluno,

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.