Imama 4:4 - Wunta Mempori

⁴ Asalakono iwawao sapi atuu a mpewowa Kema Tepotowoa, i aro-Do i Ue, ka i'amba numaao kaeno a wawo uluno sapi atuu ka isumbeleo i aro-Do i Ue.

Imama 4:4 ပူးပေါင်းရင်းမြစ်များ

2 Tawarika 29:23

Ka do'amba mewawao luwuno bembe lakino pesomba po'onini hala i arodo mokole ka bawaa. Domenaao kaedo a wawo luwuno bembe atuu.

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

Danieli 9:26

Umarino nomo pulu ka orua meluka opitu tempo atuu asa mia anu inurapiomo ta tinadi, kahinaano nahina salano. Palilino asa mokole anu ta hawe, ta mokotampulao kota ka po'ianga mempori atuu, sine mokole atuu ta mate a laro lolowi. Hawe a tampulaano wawontolino ta hina peteaa ka poropua kana anu pinakosiomo.

Imama 16:21

I Haruni asalakono numaao orua kaeno a wawo uluno bembe lakino anu da tuwu atuu ka i wawono uluno bembe atuu imangakuakono luwuno salado to Isaraeli saru luwuno pe'ewado, maupo hapa mbo'u halado. Asalakono ipopotembiakono luwuno atuu a wawo uluno bembe lakino atuu ka i'amba motolao a mpada one molalo asa mia anu mepatindaomo atuu.

Imama 4:15

Luwudo mia memota'u bawaa asalakono menaao kaedo i wawo uluno sapi laki atuu i aro-Do i Ue, ka i'amba sapi atuu asalakono sinumbele i aro-Do i Ue.

Imama 4:29

Ka i'amba asalakono inaao kaeno a wawo uluno pesomba po'onini hala ka sumumbeleo pesomba po'onini hala atuu a mpo'iangano pesomba tinunu.

Imama 8:14

Sapi laki pesomba po'onini hala winawa umpeda, ka i'amba i Haruni ka luwuno anano menaao kaedo a wawo uluno sapi laki pesomba po'onini hala atuu.

Podoaa 8:12

Mansano domenaao to Lewi kaedo a wawo uludo sapi mongura atuu, asalakono anu asa wineweu gagi pesomba po'onini hala ka anu susua gagi pesomba tinunu tia-Do i Ue moweweu pesintuwua tiado to Lewi.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,