Imama 4:32 - Wunta Mempori

³² Tewala pesomba anu winawano asa bimba gagi pesomba po'onini hala, asalakono iwawao anu waino ka nahina tataano.

Imama 4:32 ပူးပေါင်းရင်းမြစ်များ

Peluarakoa 12:3

Pauako iramo luwuno bawaa Isaraeli: Ia tanggala hopulu wula andio, asalakono sompo mia mo'ala asa ana bimba tiano sompo sombori, montonda pepe'etuado.

Peluarakoa 12:5

Moiko impo'ala ana bimba ke bembe, sine asalakono anu nahina tataano, lakino, metinuwu asa nta'u.

Yesaya 53:7

Onae binobarasai, sine ipo'ineeo koroino pinokomahaki ka nahi pepau kana ana bimba anu winawa a mposumbelea; kana ineno bimba anu beebe i arodo mia anu megontio wuluno, nahi pebeeli.

Imama 1:3

Tewala pesombano anu tinunu inso a nsapi, asalakono ipesombaakono anu lakino ka nahina tataano. Asalakono iwawao a mpewowano Kema Tepotowoa, kai moiko i aro-Do i Ue.

Imama 4:28

ka tewala hala anu wineweuno atuu pinauako ndi onae, asalakono iwawao asa bembe waino anu nahina tataano gagi pesomba hangano hala anu wineweuno atuu.

Imama 5:6

Onae asalakono mompesombaako mbo'u ndi Ondae i Ue, gagi pontolosi sala hangano hala atuu, asa bimba ke bembe waino gagi pesomba po'onini hala. Kanandiomo sando mpesomba moweweuakono pesintuwua mia atuu hangano halano.

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

I YOHANE 1:36

Ka mansano kumita Ira i Yesu telalo, ipotae, ”Kita Iramo Ana bimba-Do Ue Ala!”

EPESU 5:27

ka ikanandio bawaa Donaao i aro-Do ka imaramba nahina tataano ke tengkuru ke pengkenano, sine ka imempori bawaa ka nahina tataano.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

1 PETURU 2:22

Nahi Dotehala, ka pompopo'oo nahina a laro nganga-Do.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.