Imama 4:31 - Wunta Mempori

³¹ Sine luwuno taba asalakono iponsiao, kana taba pinonsia inso a mpesomba tekadudui, ka i'amba sando mpesomba tumunuo i wawono meda pontunua pesomba anu woono mokomawongkoo aroa-Do i Ue. Ba kanandanio sando mpesomba moweweu pesintuwuano mia atuu, ranta kai pohawe te'oninino halano.

Imama 4:31 ပူးပေါင်းရင်းမြစ်များ

Imama 4:26

Sine luwuno taba asalakono itunuo a wawo meda pontunua pesomba, kana koa mbo'u tabano pesomba tekaduduia. Kanandiomo sando mpesomba moweweuakono mia atuu pesintuwua a halano, ranta kai pohawe te'oninino halano.

Imama 4:35

Sine luwuno tabano iponsiao, kana taba pinonsia inso a bimba pesomba tekaduduia, ka i'amba sando mpesomba tumunuo i wawono meda pontunua pesomba i wawono pesomba ndi Ondae i Ue anu tinunuako api. Kanandiomo sando mpesomba moweweuakono mia atuu pesintuwua a hala anu wineweuno, ranta kai pohawe po'oninia hala.

Imama 1:9

Ihi kompono ka witino asalakono wino'ohiako uwoi ka sando mpesomba tumunuo luwu i wawono meda pontunua pesomba, gagi pesomba tinunu anu woono mokomawongkoo aroa-Do i Ue.

Imama 1:13

Ihi kompono ka witino asalakono wino'ohiako uwoi. Luwuno dompesombaakono sando mpesomba ka tinunu i wawono meda pontunua pesomba. Onaemo pesomba tinunu, pesomba tinunuako api anu woono mokomawongkoo aroa-Do i Ue.

Peluarakoa 29:18

Ka i'amba luwuno bimba atuu, asalakono tunuo a wawo meda pontunua pesomba. Onaemo pesomba tinunu, pesomba anu mo'ahi woono ndi Ondae i Ue, pesomba anu tinunu a api tia-Do i Ue.

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

IBARANI 10:14

Nde hangano aasa koa pesomba Dopokosompo iramo anu pinokomempori-Do ranta nahina tampulaano.

IBARANI 10:12

Sine Ondae, mansa-Do mesombaakono butu aasa pesomba hangano hala, mentoro Ira ranta nahina tampulaano i koana-Do Ue Ala,

IBARANI 9:12

ka mewinso Iramo pohona a laro po'ianga mempori ranta nahina tampulaano komba saru mowawa reano bimba lakino ka reano ana nsapi, sine saru mowawa rea-Do Ondae-Do. Ka saru atuu mohawe Iramo tepotolaa anu nahina tampulaano.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

Yesaya 53:10

Sine po'ehe-Do i Ue piregoo, mokomahakio. Tewala sumangano pineweengako gagi pesomba pontolosi sala, onae ta kumitao inuleno, tinuwuno ta melai, ka po'ehe-Do i Ue ta mokoweweuo.

Yesaya 42:21

Dopemoikoomo i Ue hangano moleo-Do ka ipinokomengkaa langkaino ntu'u ka marambano pompaguru-Do;

Ayubi 42:8

Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Esera 6:10

ka dowela mpopesombaako pesomba anu mokomawongko Ira Ue Alano asa wawo langi, ka mekakaiako ira mokole saru luwuno anano.

Imama 8:21

Sine ihi kompono ka witino wino'ohi a uwoi. Ka i'amba i Musa tumunuo luwuno bimba laki atuu a meda pontunua pesomba. Onaemo pesomba tinunu anu woono mompokomawongko, asa pesomba tinunu ndi Ondae i Ue, kana parenta-Do i Ue ndi Musa.

Imama 4:19

Luwuno taba asalakono iponsiao inso a nsapi atuu ka itunuo i wawono meda pontunua pesomba.

Imama 1:17

Asalakono isopio manu-manu atuu a mpu'u panino sine si teponsia. Ka i'amba sando mpesomba tumunuo i wawono meda pontua pesomba i wawono keu anu kontongaano melanga. Onaemo pesomba tinunu, pesomba tinunuako api anu woono mokomawongkoo aroa-Do i Ue.”

Imama 2:2

Ka i'amba pesomba atuu iwawao a luwuno anano i Haruni, luwuno sando mpesomba atuu. Sando mpesomba mo'ala inso a mpesomba atuu asa raku tarigu, lana ka luwuno dupa, ka i'amba tumunuo luwuno atuu i wawono meda pontunua pesomba gagi pepopoto'ori, pesomba tinunuako api anu woono mokomawongkoo aroa-Do i Ue.

Imama 2:9

Sando mpesomba asalakono monsiao tiano pepopoto'ori inso a mpesomba kaanga atuu, ka i'amba tumunuo i wawono meda pontunua pesomba gagi pesomba tinunuako api anu woono mokomawongkoo aroa-Do i Ue.

Imama 5:6

Onae asalakono mompesombaako mbo'u ndi Ondae i Ue, gagi pontolosi sala hangano hala atuu, asa bimba ke bembe waino gagi pesomba po'onini hala. Kanandiomo sando mpesomba moweweuakono pesintuwua mia atuu hangano halano.

Imama 5:10

Manu-manu ko'orua asalakono pinatinda gagi pesomba tinunu menunu saru atora. Kanandiomo sando mpesomba moweweuakono mia atuu pesintuwua hangano hala anu iweweuomo, ranta kai pontarima te'oninino halano.

Imama 14:18

Lana anu torea a pelengkaeno asalakono inaao a uluno mia anu ta pinokomanasa nahi mokoburu. Kanandiomo sando mpesomba moweweu pesintuwua tiano mia atuu i aro-Do i Ue.

Imama 15:15

Sando mpesomba asalakono mesombaakono, anu asa gagi pesomba po'onini hala ka anu asa mbo'u gagi pesomba tinunu. Kanandiomo sando mpesomba moweweu pesintuwua tiano mia atuu i aro-Do i Ue hangano uwoino.

Imama 19:22

Sando mpesomba asalakono moweweu pesintuwua tiano mia atuu mompake bimba lakino pesomba pontolosi sala ndi Ondae i Ue, hangano hala anu iweweuomo, ranta kai pohawe te'oninino halano atuu.

Podoaa 15:25

Sando mpesomba asalakono moweweu pesintuwua tiado luwuno bawaa Isaraeli, ranta ka dompohawe te'oninino hala. Hangano mongkona atuu gagi nahi pine'inungako, ka Ondae mbo'u mpowawa iramo luwuno pesomba gagi pesomba tinunu ndi Ondae i Ue, saru pesomba po'onini hala i aro-Do i Ue hangano anu nahi pine'inungako atuu.