Imama 4:3 - Wunta Mempori

³ ka tewala anu moweweu hala atuu sando mpesomba anu inurapi, ranta kai pokontehala ira bawaa, onae asalakono mompesombaako ndi Ondae i Ue asa sapi laki mongura anu nahina tataano gagi pesomba po'onini hala, hangano hala anu iweweuono atuu.

Imama 4:3 ပူးပေါင်းရင်းမြစ်များ

2 Tawarika 29:21

Domewawao opitu sapi lakino, opitu bimba lakino, opitu ana bimba ka opitu bembe lakino gagi pesomba po'onini hala a nsomborino mokole, po'ianga mempori ka Yehuda. Iparenta ira sando mpesomba, inuleno i Haruni ka dompesombaakono a wawo meda pontunua pesomba ndi Ondae i Ue.

Esera 8:35

I tempo atuu, luwuno mia anu mpekule inso a mpontawaa, anu mpekule inso a pontadia, mpopesombaako ira pesomba tinunu ndi Ondae Ue Alado to Isaraeli: sapi lakino hopulu ka orua tiano luwudo to Isaraeli, bimba lakino sio pulu ka onoo, ana bimba pitu pulu ka opitu, luwuno gagi pesomba tinunu tia-Do i Ue; ka hopulu ka orua mbo'u bembe lakino gagi pesomba po'onini hala.

Peluarakoa 29:14

Sine bauno sapi atuu saru kulino ka ta'ino, tunuomo kai pingko i bungkuno pekemaa. Onaemo pesomba po'onini hala.

Peluarakoa 29:21

Po'alamo tedei rea inso a meda pontunua pesomba ka tedei inso a lana po'urapi, ka u'amba tumawisiakono i Haruni ka a sangkano, a luwuno anano ka a sangkado. Hangano onae, memporiomo i Haruni ka sangkano kanatuu koa mbo'u luwuno anano ka sangkado.

Peluarakoa 29:7

Umarino atuu, asalakono kau alao lana po'urapi kau siwuiakono a wawo uluno umurapio.

Peluarakoa 30:10

I larono asa nta'u pohona i Haruni asalakono moweweu pesintuwua i wawono tandu-tanduno. Onae asalakono moweweu pesintuwua a meda pontunua pesomba atuu i larono asa nta'u pohona saru rea pesomba po'onini hala, pesomba pesintuwua ranta hawe ia inulemiu. Meda pontunua pesomba atuu tedoa mempori ndi Ondae i Ue.”

Yehesikieli 40:39

A laro bansalano pewowa langkai atuu hinao orua meda i asambalino i ndi'ai ka orua meda i asambalino raane, ponsumbelea pesomba tinunu, pesomba po'onini hala, ka pesomba pontolosi sala.

Yehesikieli 43:19

weeako iramo sando mpesomba to Lewi inso a inuleno i Sadoki asa sapi lakino mongura tiano pesomba po'onini hala, hangano ondaemo anu moiko umpeda ndi Ongkue ka dompoweweu pesombaa, kanandiomo pau-Do Ue Ala.

Yehesikieli 44:27

A oleo ipewinso mbo'u a mpo'ianga mempori, a kintala i larono, ta moweweu pesomba a mpo'ianga mempori, onae asalakono mompesombaako pesomba po'onini halano, kanandiomo pau-Do Ue Ala.

Imama 1:10

Tewala pesombano anu tinunu inso a asa bawaa bembe bimba, moiko atuu bembe ke bimba, asalakono ipesombaakono anu lakino ka nahina tataano.

Imama 1:3

Tewala pesombano anu tinunu inso a nsapi, asalakono ipesombaakono anu lakino ka nahina tataano. Asalakono iwawao a mpewowano Kema Tepotowoa, kai moiko i aro-Do i Ue.

Imama 16:11

I Haruni asalakono mompesombaako sapi lakino anu ta gagi pesomba po'onini halano onaeno ka moweweu pesintuwua tiano ka somborino. Asalakono isumbeleo sapi lakino atuu.

Imama 16:3

Kanandiomo i Haruni ba tamewinso i larono po'ianga mempori atuu, iwawao asa sapi laki mongura anu ta gagi pesomba po'onini hala ka asa bimba laki anu ta gagi pesomba tinunu.

Imama 16:5

Inso a bawaa Isaraeli onae asalakono mo'ala orua bembe lakino ta gagi pesomba po'onini hala ka asa bimba lakino ta gagi pesomba tinunu.

Imama 16:6

Ka i'amba i Haruni asalakono mompesombaako sapi lakino anu ta gagi pesomba po'onini halano ka kanandiomo ta gagi pesintuwua tiano ka somborino.

Imama 4:14

tewala hala anu wineweudo atuu domento'orio, asalakono bawaa mpopesombaako asa sapi laki mongura gagi pesomba po'onini hala. Sapi atuu asalakono domewawao i arono Kema Tepotowoa.

Imama 4:23

ka tewala hala anu iweweuomo atuu pinauako ndi onae, asalakono iwawao asa bembe lakino anu nahina tataano gagi pesomba.

Imama 4:28

ka tewala hala anu wineweuno atuu pinauako ndi onae, asalakono iwawao asa bembe waino anu nahina tataano gagi pesomba hangano hala anu wineweuno atuu.

Imama 4:5

Sando mpesomba anu inurapi atuu asalakono mo'ala asa ntia inso a reano sapi atuu, ka i'amba wawao i larono Kema Tepotowoa.

Imama 5:6

Onae asalakono mompesombaako mbo'u ndi Ondae i Ue, gagi pontolosi sala hangano hala atuu, asa bimba ke bembe waino gagi pesomba po'onini hala. Kanandiomo sando mpesomba moweweuakono pesintuwua mia atuu hangano halano.

Imama 6:18

Sompo tama i olono anano i Haruni, asalakono mengkaano. Onaemo asa pompakosi ndi omiu ranta inulemiu anu nahina tampulaano. Onaemo atuu tiamiu inso a luwuno pesomba ndi Ongkue anu tinunuako api. Sompo mia anu tepodanggi saru luwuno pesomba atuu gagi mempori.”

Imama 8:12

Ka i'amba montawa tedei inso a lana po'urapi atuu a wawo uluno i Haruni ka umurapio kai pokomemporio.

Imama 9:2

Ipotaeakono i Haruni, ”Alaomo tiamu asa sapi mongura gagi pesomba po'onini hala ka asa bimba lakino gagi pesomba tinunu, oruano nahina tataano umarino atuu pesombaakonomo i aro-Do i Ue.

Imama 9:3

A nto Isaraeli asalakono pauako ira kanandio: Ime'alaomo asa bembe lakino gagi pesomba po'onini hala ka asa ana nsapi ka asa bimba tinuwuno asa nta'u anu nahina tataano gagi pesomba tinunu.

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

Podoaa 8:8

Umarino atuu asalakono dome'alao asa sapi lakino mongura saru pesomba kaangano inso a ntarigu moiko ntu'u, sinaloako lana. Omue mbo'u asalakono mo'ala asa sapi lakino mongura anu susua weweua pesomba po'onini hala.

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

IBARANI 5:3

anu asalakono onae mompesombaako pesomba hangano hala, komba butu tiado bawaa, sine tiano koa mbo'u koroino.

IBARANI 9:12

ka mewinso Iramo pohona a laro po'ianga mempori ranta nahina tampulaano komba saru mowawa reano bimba lakino ka reano ana nsapi, sine saru mowawa rea-Do Ondae-Do. Ka saru atuu mohawe Iramo tepotolaa anu nahina tampulaano.