Imama 3:6 - Wunta Mempori

⁶ Tewala pesombano ndi Ondae i Ue, pesomba tekaduduia onaemo asa bawaa bembe bimba, lakino ke waino, asalakono ipesombaakono anu nahina tataano.

Imama 3:6 ပူးပေါင်းရင်းမြစ်များ

Yesaya 60:7

Luwuno bembe bimbano i Kedari ta tepumpu ndi omue, luwuno bimba lakinono i Nebayoti ta tepatinda tiano pesombamu; luwuno ta pinesombaako a wawo meda pontunua pesomba ndi Ongkue gagi pesomba anu Kupemoikoo, ka Aku mokomaroao raha mempori-Ku.

Imama 1:10

Tewala pesombano anu tinunu inso a asa bawaa bembe bimba, moiko atuu bembe ke bimba, asalakono ipesombaakono anu lakino ka nahina tataano.

Imama 1:2

”Pepaumo a nto Isaraeli ka pauako ira: Tewala asa mia inso i olomu ta mompowe pesombano ndi Ondae i Ue, asalakono pesomba anu komiu mpesombaakono atuu inso a mpinotuwu, ke sapi ke asa bawaa bembe bimba.

Imama 19:5

Tewala komiu mpopesombaako pesomba tekaduduia ndi Ondae i Ue, asalakono impesombaakono kanandio, ka i'amba Dopekonokomiu i Ue.

Imama 22:20

Luwuno anu hinao tataano si mpesombaako, hangano atuu nahi Dotarima komiu i Ue.

Imama 23:19

Ka i'amba asalakono mpesombaakono asa bembe lakino gagi pesomba po'onini hala ka orua bimba umuruno asa nta'u gagi pesomba tekaduduia.

Podoaa 15:5

Meronga pesomba tinunu ke pesomba sinumbele atuu, asalakono impesombaakono mbo'u asa ntia opaa hini anggoro gagi pesomba tinawa, a sompo bimba anu pinesombaako.

Podoaa 6:14

Asalakono ipesombaakono gagi pesomba ndi Ondae i Ue asa bimba lakino tinuwuno asa nta'u anu nahina tataano ta gagi pesomba tinunu ka asa bimba waino tinuwuno asa nta'u anu nahina tataano ta gagi pesomba po'onini hala, ka asa bimba lakino anu nahina tataano ta gagi pesomba tekaduduia,

WINEWEUDO TINENA 4:27

Hangano menteeano mpepumpu iramo a laro ngkota andio i Herode ka i Pontiu Pilatu saru luwuno tongku ka suku tongku Isaraeli umewai Ira i Yesu, Tetenaa-Miu anu mempori, anu inurapi-Miu,

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

EPESU 1:10

gagi pepatinda haweno tempo ka ipino'asa ndi Ondae i Kerisituu gagi Tadulakono luwuakoano, moiko anu i suruga maupo anu i tolino.