Imama 3:3 - Wunta Mempori

³ Inso a mpesomba tekaduduia atuu asalakono ipesombaakono taba anu walungio ihi kompo ka luwuno taba anu metako a ihi kompo atuu gagi pesomba ndi Ondae i Ue anu tinunuako api,

Imama 3:3 ပူးပေါင်းရင်းမြစ်များ

Po'unde-unde 119:70

Aroado pudu-pudu kana tetutuwiako taba, sine ongkue ineheakono Songka-Miu.

Peluarakoa 29:13

Umarino atuu alao luwuno taba anu tumutuwio ihi larono ka asa ntia ateno anu lalu moiko, orua wua horino ka tabano anu metako ndi onae. Tunuomo luwu a wawo meda pontunua pesomba.

Peluarakoa 29:22

Alaomo taba inso a bimba atuu, ikino anu mentaba, tabano anu tumutuwio ihi laro kompono, asa ntia ateno anu lalu moiko, orua wua horino ka taba anu metako ndi onae saru pa'a ngkoanano. Hangano bimba lakino atuu pesomba a poronsoa.

Powadi 23:26

Hei anaku, weeakunemo aroamu, po'ineeomo matamu sanaakono luwuno pesalaaku.

Yesaya 6:10

Iweweuomo aroano tongku andio motea ka birido mobea moronge ka matado metako tepusu, kasi domengkitaakono matado ka merongeakono birido ka mpokonto'oriakono aroado, ka do'amba mpepokule ka gagi tompa.”

Yehesikieli 36:26

Aku moweeakomiu aroa anu wo'ohu ka penaa anu wo'ohu ilaro aroamiu. Aku tumadio inso a ngkoroimiu aroa anu motea ka moweeakomiu aroa anu molusa.

Yehesikieli 44:15

Sine, luwuno sando mpesomba to Lewi inso a inuleno i Sadoki anu mpo'angga a mpo'ianga mempori-Ku tempono to Isaraeli mepansia inso ndi Ongkue, ondaemo anu ira me'umpeda ndi Ongkue mpoweweu pesomba ka mpo'angga i aro-Ku pompesombaako ndi Ongkue taba ka rea, kanandiomo pau-Do Ue Ala.

Imama 1:12

Ka i'amba sumampao montonda tiano, saru uluno ka tabano, luwuno i'atorao sando mpesomba i wawono keu anu kontongaano melanga i wawono meda pontunua pesomba.

Imama 1:8

Luwuno anano i Haruni, luwuno sando mpesomba atuu asalakono me'atorao luwuno batuno pesomba atuu, saru uluno ka tabano i wawono keu anu kontongaano melanga i wawono meda pontunua pesomba.

Imama 16:25

Asalakono kai tunuo tabano pesomba po'onini hala i wawono meda pontunua pesomba.

Imama 3:16

Luwuno atuu asalakono itunuo sando mpesomba i wawono meda pontunua pesomba gagi kaanga kana pesomba tinunuako api gagi woo anu mompokomawongko. Luwuno taba onaemo tia-Do i Ue.

Imama 3:2

Asalakono inaao kaeno a wawo uluno pesomba atuu, ka isumbeleo i arono pewowa Kema Tepotowoa. Ka i'amba luwuno anano i Haruni, sando pesomba atuudo asalakono mesiwuiakono reano liimbu a meda pontunua pesomba.

Imama 3:4

saru orua wua horino ka tabano anu metako i horino ka taba anu umapiio ate umpeda wua horino atuu asalakono iponsiao.

Imama 4:10

mengkena kana anu pinonsia inso a nsapi pesomba tekaduduia. Sando mpesomba asalakono tumunuo luwu i wawono meda pontunua pesomba tinunu.

Imama 7:30

Asalakono kaeno onaeno wawao luwuno pesomba tinunu ndi Ondae i Ue. Asalakono iwawao tabano saru radano, kai tinande radano atuu gagi pesomba tinande ndi Ondae i Ue.

Imama 7:5

Sando mpesomba asalakono itunuo luwu a wawo meda pontunua pesomba gagi pesomba tinunu ndi Ondae i Ue. Onaemo pesomba pontolosi sala.

Imama 9:10

Taba, wua hori ka taba umapiio ate inso a mpesomba po'onini hala atuu itunuo a wawo meda pontunua pesomba, kana parenta-Do i Ue ndi Musa.

I MATIU 13:16

Sine me'uraomo matamiu hangano mongkita ka birimiu hangano moronge.

I MATIU 15:8

Tongku andio mpelangkai Aku a wiwido, kahinaano aroado olai inso ndi Ongkue.

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

ROMA 6:6

Hangano tomento'orio, nine mia laanoto pinasoomo a ngkeu pinotamba, ka itetadi pabawano koroi ntehalato, ka si tontepe'ata mbo'u a hala.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

1 Samueli 2:15

Tendeano, se'eluno napi tinunu taba pesomba, haweomo tinenano sando mpesomba, ka ipotaeakono mia anu mowawa pesombano, ”Poweeakono sando mpesomba bau raramiano, hangano nahi behe montarima bau anu ninahu, butu koa anu momata.”