Imama 3:16 - Wunta Mempori

¹⁶ Luwuno atuu asalakono itunuo sando mpesomba i wawono meda pontunua pesomba gagi kaanga kana pesomba tinunuako api gagi woo anu mompokomawongko. Luwuno taba onaemo tia-Do i Ue.

Imama 3:16 ပူးပေါင်းရင်းမြစ်များ

Tegagia 4:4

i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i Ue merioo i Abeli saru pesombano atuu,

2 Tawarika 29:35

Umarino atuu hadio ntu'u pesomba tinunu, saru luwuno taba pesomba tekaduduia ka pesomba tinawa a luwuno pesomba tinunu atuu. Kanandiomo pesombaa i raha-Do i Ue wali wineweu.

2 Tawarika 7:7

Ka i'amba i Salomo mokomemporio tongano kintala i arono raha-Do i Ue, hangano i tu'aimo ipompesombaako pesomba tinunu ka tabano pesomba tekaduduia, hangano meda pontunua pesomba mala anu wineweuno i Salomo nahi te'ula pesomba tinunu, pesomba kaanga ka luwuno tabano pesomba.

Peluarakoa 29:13

Umarino atuu alao luwuno taba anu tumutuwio ihi larono ka asa ntia ateno anu lalu moiko, orua wua horino ka tabano anu metako ndi onae. Tunuomo luwu a wawo meda pontunua pesomba.

Peluarakoa 29:22

Alaomo taba inso a bimba atuu, ikino anu mentaba, tabano anu tumutuwio ihi laro kompono, asa ntia ateno anu lalu moiko, orua wua horino ka taba anu metako ndi onae saru pa'a ngkoanano. Hangano bimba lakino atuu pesomba a poronsoa.

Yesaya 53:10

Sine po'ehe-Do i Ue piregoo, mokomahakio. Tewala sumangano pineweengako gagi pesomba pontolosi sala, onae ta kumitao inuleno, tinuwuno ta melai, ka po'ehe-Do i Ue ta mokoweweuo.

Yehesikieli 44:15

Sine, luwuno sando mpesomba to Lewi inso a inuleno i Sadoki anu mpo'angga a mpo'ianga mempori-Ku tempono to Isaraeli mepansia inso ndi Ongkue, ondaemo anu ira me'umpeda ndi Ongkue mpoweweu pesomba ka mpo'angga i aro-Ku pompesombaako ndi Ongkue taba ka rea, kanandiomo pau-Do Ue Ala.

Imama 17:6

Sando mpesomba asalakono ipesiwuiakono reano a meda pontunua pesomba anu-Do i Ue i arono pewowano Kema Tepotowoa ka tumunuo tabano gagi woono anu mokomawongko Ira i Ue.

Imama 4:26

Sine luwuno taba asalakono itunuo a wawo meda pontunua pesomba, kana koa mbo'u tabano pesomba tekaduduia. Kanandiomo sando mpesomba moweweuakono mia atuu pesintuwua a halano, ranta kai pohawe te'oninino halano.

Imama 4:31

Sine luwuno taba asalakono iponsiao, kana taba pinonsia inso a mpesomba tekadudui, ka i'amba sando mpesomba tumunuo i wawono meda pontunua pesomba anu woono mokomawongkoo aroa-Do i Ue. Ba kanandanio sando mpesomba moweweu pesintuwuano mia atuu, ranta kai pohawe te'oninino halano.

Imama 8:25

I'alao tabano, ikino anu mentaba, luwuno taba anu metako a ihi kompono, taba anu umapiio ate, orua wua horino saru tabano ka pa'a koanano.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

I MATIU 22:37

Sumangki Ira i Yesu ndi onae, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano pompewowolomu anu mentee.