Imama 26:9 - Wunta Mempori

⁹ Aku mewolili ndi omiu ka weweu komiu mpe'ana'ue saru tetiangi hadio, ka mokorosoo pedandia-Ku saru omiu.

Imama 26:9 ပူးပေါင်းရင်းမြစ်များ

Tegagia 1:28

Ondae Ue Ala rumonso ira, ka mepau ndi ondae, ”Ipo'ulemo ka itetiangi hadio! Buketiomo ka pokopetuuduomo tolino! Ipabawaimo luwuno bou a ntahi, manu-manu i laro meene ka luwuno kodehora melele a wita.”

Tegagia 17:20

Mongkona i Sumaila, Kurongeomo po'emamu. Kuronsoo, weweuo ka ipo'ule ka tedoa hadio. Ndi onae pine'anaako hopulu ka orua mokole, ka Aku weweuo gagi tongku anu langkai.

Tegagia 22:17

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.

Tegagia 26:4

Aku weweuo inulemu hadio kana anano wula i langi. Aku weeako ira inulemu luwuno wita andio, ka hangano inulemu luwuno tongku i tolino ira mpohawe ronso.

Tegagia 28:14

Inulemu ira megagi kana awu wita hadiono, ka omue kotesiarawo te'alaako i sabaano oleo, i sumooano oleo, i utara ka i selata ka hangano omue saru inulemu luwuno suku i wawontolino ira mpohawe ronso.

Tegagia 28:3

Po'ineeomo Ondae Ue Ala anu Tedoa Pabawa rumonsoko, weweuko mo'ule ka weweuko gagi hadio, ranta ka ugagi tepumpuno luwuno tongku.

Tegagia 48:4

saru mepau ndi ongkue: Ongkuemo anu weweuko mo'ule, ka weweuko tetiangi hadio, saru gagi tepumpuano luwuno tongku. Aku meweengakono wita andio a inulemu ka dompe'ueo ranta nahina tampulaano.

Tegagia 6:18

Sine, Aku moweweu pedandia-Ku saru omue. Omue komewinso a laro bangka atuu: omue meronga saru luwuno anamu, beinemu ka beinedo luwuno anamu.

1 Mokole 3:8

Tetenaa-Miu andio mo'ia i tonga-tongado bawaa-Miu anu Ibiniki iramo, bawaa anu langkai anu nahi pinokodoa ka nahi pinokotasere hadiodo.

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

Nehemia 2:20

Kusangki ira, kupotae, ”Ondae Ue Alano asa wawo langi, Ondaemo anu weweu kami mpokoweweuo! Omami, luwuno tetenaa-Do mpepatinda kamimo kami mpowangu. Sine omiu nahina tiamiu ka nahi komiu merinambe i Yerusale!”

Nehemia 9:23

Ipokogagio anado kana hadiono anano wula i langi. Iwawa ira a wita anu Itenaako ira uempu'udo kadompewinsokio ka mpetorokio.

Po'unde-unde 107:38

Doronso ira onaemo ka dontetiangi hadio ntu'u, ka luwuno pinotuwudo Doweweuo nahi makura.

Po'unde-unde 89:3

Menteeano kupotae: Pompehohawa-Miu anu nahi bali winangu ranta nahina tampulaano; petenunu-Miu nahi telelu kana langi.

Peluarakoa 1:7

To isaraeli mpe'ana ue ka nahi pinokodoa hadiodo. Ondae ntetiangi hadio ka tedoa mokongkongiri donte'ule, onaemo wita atuu bukeako ondae.

Peluarakoa 2:25

Ondae Ue Ala mensiroi ira to Isaraeli atuu, ka Doperio ira.

Peluarakoa 6:4

sine Kurongeomo mbo'u mperaipido to Isaraeli anu mempine'atado to Masiri, ka Ku'inio pedandia-Ku.

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

Yeremia 23:3

Ongkue isa'a pumpu ira anu ntebinta inso a bawaano bembe bimba-Ku inso a luwuno wita ba isua Kusiarawo ira. Aku wawa ira mpekule a mpada pakambiado. Ka do'amba mpo'ule ka ntetiangi hadio.

Yeremia 23:4

Aku mompotoroako ira puu mpompakambi anu ta pakambi ira, onaemo ka nahi ira medoito mbo'u ke ntededengke, ka nahi ta hina maupo te'asa anu ta tetadi, kanandiomo pau-Do i Ue.

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Yehesikieli 16:62

Aku mokorosoo pedandia-Ku saru omue. Ka omue kotumo'orio nine Ongkuemo Ue.

Yehesikieli 36:9

Hangano kitaomo, Umpeda Aku ndi omiu ka merio komiu; komiu me'inangga ka pinorawoi inii.

Imama 26:15

tewala nahi mentondao pompakosi-Ku ka aroamiu nte'osa rumongeo atora-Ku, ka nahi meweweuo luwuno parenta-Ku ka melimpaio pedandia-Ku,

I LUKASI 1:72

ka Dopopokitao pompehohawa-Do a uempu'uto ka rumambeo pedandia-Do anu mempori,

Winali 28:11

Ondae mbo'u i Ue Ira mokohadioo ntu'u moikoa a laro mpe'anakaamiu, hasilino pinotuwumiu ka hasilino witamiu, i wita anu dinandi-Do i Ue saru sumpa ndi ondae uempu'umiu Ira weeakomiu.

Winali 28:4

Rinonsoomo pe'anakaamiu, hasilino witamiu ka hasilino pinotuwumiu, onaemo ana nsapimiu ka pe'anaado asa bawaa bembe bimbamiu.

Winali 7:13

Ira mehohawa komiu, rumonso komiu, ka mokohadio komiu. Ira rumonsoo inulemiu ka hasilino witamiu, gandu ka anggoro saru lanamiu, ana nsapimiu, ka asa bawaa ana bembe bimbamiu, i wita anu dinandi-Do saru sumpa ndi ondae uempu'umiu Ira weeakomiu.

IBARANI 8:9

komba kana pedandia anu Kuweweuomo saru uempu'udo, i tempono Ku'inio kaedo wawa ira mpeluarako inso i wita Masiri. Hangano nahi dompetenunu a mpedandia-Ku, ka nahi Kutarima ira,” kanandiomo pau-Do i Ue.