Imama 26:41 - Wunta Mempori

⁴¹ ka Ongkue mbo'u umewai ira ka wawa ira a witano iwalido ke tewala lembuino aroado anu motea atuu metuunduomo ka dome'owahio salado,

Imama 26:41 ပူးပေါင်းရင်းမြစ်များ

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

2 Tawarika 12:12

Hangano mokole me'urumako, tetadiomo tekuda-Do inso ndi onae, ranta nahi Doropuo luwu. Metiangi mbo'u da hinawe luwuakoano anu moiko i Yehuda.

2 Tawarika 32:26

Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia.

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 33:23

Sine onae nahi pe'urumako i aro-Do i Ue kana i Manase, amano me'urumako. Tendeano i Amoni laluaopo mbo'u hadio salano.

Esera 9:13

Unarino luwuno anu pinembasai mami hangano wineweu mami anu mosa'o ka sala mami anu langkai, Omiu, oo Ue Ala mami, nahi pohuku menunu saru hala mami, tendeano ka Ipowee kami pompehohawa ka Ikadudui kami luwuno mia andio,

Esera 9:15

Oo Ue, Ue Alado to Isaraeli, Omiu tedoa mentee, hangano da ipo'inee kami mentuwu gagi mia tepotola, kana anu gagi kanandio-andio. Kitaomo, omami mpe'aro ndi Omiu saru sala mami, kahinaano a laro nteweweu kanandio nahina mia mokompentade i aro-Miu.”

Nehemia 9:33

Moleo Komiu a luwuakoano anu umalu kami. Menteano metenunu Komiu a wineweu-Miu ka omamimo anu mpoweweu hala.

Po'unde-unde 39:9

Ipotola akumo inso a luwuno polimpa'iku, si pokogagi aku tetewehiano mia monge-monge!

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Yeremia 4:4

Tindiomo aroamu ndi Ondae i Ue, ka liahakonomo kulino anuno, hei to Yehuda ka palilino Yerusale, ka si tekuda-Ku montiu kana api, ka melanga nahi tepepate, hangano luwuno wineweumu anu mosa'o!”

Yeremia 6:10

Ndi semake asalakono aku mepau ka mompowee pepopoto'ori, ka dobehe mporonge? Mentee ntu'u, birino tetutuwi, nahi domporonge! Mentee ntu'u, pau-Do Ue gagi po'unde-unde, nahi dompe'eheo!

Yehesikieli 14:23

Ira meweweu komiu ntetarero, tewala imengkitao peleludo. Komiu mento'orio nine komba hina pepu'uano Kuweweuo luwuno anu Kuweweuomo a ngkota atuu, kanandiomo pau-Do Ue Ala.”

Yehesikieli 20:43

I ra'ai komiu merambeo luwuno pelelu ka wineweumiu anu kumokoburutio koroimiu. Komiu memokokowuere mengkitao koroimiu hangano luwuno wineweumiu anu mosa'o.

Yehesikieli 44:7

Omiu mpo'inee ira mia mehawe anu nahi dopetindi ka maupo nahi dompetindi aroa mpewinso a laro po'ianga mempori-Ku ranta Domengkokoburutio Raha-Ku tempono impopesombaako kaanga-Ku, onaemo taba ka rea, kaanga-Ku atuu. Hangano kanatuu saru luwuno wineweumiu anu mokoburu imehapuomo pedandia-Ku.

Yehesikieli 44:9

Onaemo pu'uno, kanandiomo pau-Do Ue Ala: Nahina maupo te'asa mia inso a luwuno mia hawe anu nahi petindi ke maupo nahi petindi aroano, moiko ipewinso a laro po'ianga mempori-Ku, humbee sompo mia hawe anu kongko i tonga-tongado to Isaraeli.

Yehesikieli 6:9

I ra'ai, i tonga-tongano luwuno tongku, ba isua domewinawa gagi mia tinawa, luwuno mia anu tola inso i olomiu ira merambe Aku, tempono Kupokomahakiako ira ntu'u aroado anu mponsosabo atuu, anu me'olai iramo inso ndi Ongkue ka melimbao matado anu wela mponsosabo saru mentonda ira lahumoado. Ondae isa'a mekokowuereakono mengkitao mosa'oa anu wineweudo ka kumitao luwuno wineweudo anu mokoburu.

Imama 26:24

manasa Ongkue mbo'u umewai komiu ka Ongkue-Ku humuku komiu meluka pepintu hangano halamiu,

Imama 26:28

manasa Ongkue mbo'u ta lansara umewai komiu ka Ongkue-Ku humuku komiu meluka pepintu hangano halamiu.

Podoaa 5:7

Asalakono imangakuakono hala anu wineweuno atuu, umowahio luwu pontolosi saru tumiangio asa ntia olimano, ka i'amba meweengakono a mia ba ndi sema ipoweweu sala.

I MATIU 23:12

Ka ba isema mompelangka-langkai, onae ta pine'uru-uru ka ba isema anu me'urumako, onae ta pinelangkai.

I LUKASI 14:11

Hangano ba isema melangkaio koroino, onae ta pinokongkodei a ba isema me'urumako, onae ta pinelangkai.”

I LUKASI 18:14

Kupauakomiu: Mia andio mekule i rahano gagi mia anu Dopementeeo Ue Ala ka mia mehano atuu naahi. Hangano ba isema melangkaio koroino, onae ta pine'uru-uru ka ba isema me'urumako onae ta pinelangkai.”

WINEWEUDO TINENA 7:51

Hei mia anu memotea ulu ka anu nahi petindi aroa ka biri, omiu wela me'ewaio Penaa Mempori, mengkena kana uempu'umiu, kanandio koa mbo'u omiu.

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

Winali 10:16

Onaemo pu'uno imebaliomo aroamiu ka siimo mbo'u impe'ulu watu.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

KOLOSE 2:11

Ndi Ondae mentinindi komiumo, komba petindi anu wineweuno mia, sine pontindi-Do i Kerisituu, onaemo pololohia koroi anu tehala,