Imama 26:3 - Wunta Mempori

³ Tewala mentuwu komiu montonda pompakosi-Ku ka kongko mpe'ini a parenta-Ku saru meweweuo,

Imama 26:3 ပူးပေါင်းရင်းမြစ်များ

Nehemia 1:9

Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Peluarakoa 23:25

Sine omiu asalakono mpesomba ndi Ondae i Ue, Ue Alamiu, asalakono Ondae i Ue Ira rumonsoo kaangamiu ka inuamiu. Aku moko'olaio haki inso ndi omiu.

Yesaya 1:19

Tewala mebehe komiu mpetenunu, komiu mpongkaa hasili moiko inso a wita andio.

Yesaya 30:23

Ka i'amba Ondae i Ue Ira mompotiiakono usa a inii anu rinawomiu i wita, ka roti hasilino wita atuu ta mo'ahi ka hadio ntu'u. I tempo atuu pinotuwumu ira mpongkaa ewo a ntonga mpada anu malua;

Yeremia 11:4

anu Kuparentaako iramo uempu'umiu i tempono Kuwawa ira mpeluarako inso i wita Masiri, inso a awu pompokolonoa labu. Pau-Ku: Rongeomo pinau-Ku ka weweuomo luwuno anu Kuparentaakomu, asalakono kogagi bawaa-Ku ka Ongkue gagi Ue Alamu.

Imama 19:25

A nta'u ko'olima ka i'amba moiko impokaa wuano, kai mentiniangiako hasilino. Ongkuemo Ue, Ue Alamiu.

Sakaria 8:12

Hangano, Aku morawo rodoa. Keu anggoro ta mewua, wita ta mehasili ka langi ta mompowee uwoi tontoruno. Luwuno atuu Aku weeako ira toreano tongku andio gagi tiado.

Maleaki 3:10

Wawaomo luwuno tia hopulu atuu a laro raha ponaapa arataa, ka ihina pepatindaa kaanga a raha-Ku ka a rahako Akumo, pau-Do Ueno luwuakoano, nde nahi Aku umungkahiakomiu luwuno pentangoano langi ka umuwuakomiu ronso hadio ntu'u.

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.