Imama 23:2 - Wunta Mempori

² ”Pepaumo a nto Isaraeli ka potaeako ira: Luwuno oleo langkai anu pinakosi-Do i Ue asalakono kai mento'orio gagi tepotowoa mempori. Luwuno oleo langkai anu Kupakosio onaemo kana tudano andio.

Imama 23:2 ပူးပေါင်းရင်းမြစ်များ

Imama 23:37

Onaemo atuu luwuno oleo langkai anu pinakosi-Do i Ue, anu asalakono imento'orio gagi tepotowoa mempori kai mpopesombaako pesomba tinunu ndi Ondae i Ue, onaemo pesomba tinunu ka pesomba kaanga, pesomba sinumbele ka luwuno pesomba tinawa, montonda hadiono anu pinakosi sompo oleono.

Imama 23:4

Ndiomo luwuno oleo langkai anu pinakosi-Do i Ue, luwuno oleo tepotowoa mempori, anu asalakono imento'orio menunu saru tempo anu pinakosi.

Yoeli 2:15

Puuriomo tawuwua i Sioni, pesusuaomo oleo puasa, paleleomo tepumpua langkai.

Hosea 2:11

Aku rumopuo keu anggorono ka keu arano, mongkona teweweu atuu ipotae, ’Luwuno andio tamboku, anu domeweeakune mia pinehohawaku!’ Aku weweuo gagi tobu, ka luwuno kondehora i tonga mpada ta kumaano.

Po'unde-unde 81:3

Wuatakonomo penani, po'uniomo rebana, katapi anu molino unino, tinondaako gambusu.

Podoaa 29:39

Onaemo luwu anu asalakono imeweweuako Ira i Ue ia luwuno oleo langkaimiu gagi luwuno pesomba tinunumiu, luwuno pesomba kaangamiu, luwuno pesomba tinawamiu ka luwuno pesomba tekaduduiamiu, saru luwuno pesomba pontangamiu ka luwuno pesomba a moputeno aroamiu.”

Podoaa 10:10

A luwuno mbo'u oleo imemawongko, a luwuno maroaamiu ka sompo pompu'uano wula, asalakono imempuurio napiri atuu ia tempo mpopesombaako luwuno pesomba tinunumiu ka luwuno pesomba tekaduduiamiu; tinoono kai merinambe i aro-Do Ue Alamiu. Ongkuemo Ue, Ue Alamiu.”

I YOHANE 5:1

Umarino atuu hinao oleo langkaido to Yahudi, ka Ondae i Yesu melungka lumako i Yerusale.

Nahumi 1:15

Kitaomo! A wawo luwuno torukuno pelempaado mia anu mpowawa lele, anu mpopalele rodoa ka manangaia. Rame-rameomo oleo langkaimu, oo Yehuda, owahiomo pontangamu! Hangano nahi ta hina mbo'u mia lambaha sumapoiko; onae pinokotampulaomo mpiha!

Yoeli 1:14

Pesusuaomo oleo puasa, paleleomo tepumpua langkai; pumpu iramo mia memota'u ka luwuno palili wita a raha-Do i Ue, Ue Alamu, ka impeboolimo ndi Ondae i Ue.

Ponsabangi 1:4

Luwuno sala lumako i Sioni bukeako pompemasusa, hangano nahina anu me'aiwa a mporame-ramea; boni-boniomo luwu pewowa langkaino, mpompau iramo pinemasusado sando mpesombano; tedoa iramo pompemasusa ana beineno; ka onaeno tedoa masusa aroano.

Yesaya 33:20

Kitaomo Sioni, kota tepumpua langkaito! Matamu ta kumitao Yerusale, po'ianga anu rodo, kema anu nahi pelimba-limba, pandorano kongkono mpiha nahi binuta, ka luwuno kolorono nahi ta tebite.

2 Tawarika 30:5

Domeweweuo pompakosi ka ipinalele a luwuno Isaraeli, inso i Bereseba hawe i Dani, ka dome'aiwa luwu i Yerusale merame-rameo Pasa-Do i Ue, Ue Alado to Isaraeli, hangano napi hadio anu rumame-rameo kana anu teburi.

2 Mokole 10:20

Motae mbo'u i Yehu, ”Impesusuaomo tepumpua langkai ndi i Ba'ala!” Onaemo ka domempaleleo.

Imama 23:44

Kanandiomo ipauako ira i Musa a nto Isaraeli pau mongkona luwuno oleo langkai anu pinakosi-Do i Ue.

Imama 23:21

A oleo mbo'u atuu asalakono impaleleo tepotowoa mempori ka si mpo'angga maupo anggaa hapamokoa anu mobea ranta nahina tampulaano a luwuno po'iangamiu asa mpinu'umiu.

Peluarakoa 32:5

Mansano kumitao i Haruni anu gagi atuu, mowanguomo meda pontunua pesomba i arono ana nsapi atuu. Ka i'amba mebooli, ”Tisomo oleo langkai-Do i Ue!”

KOLOSE 2:1

Hangano ineheku, ka imento'orio, ba kana'umpe mobeano kupeteahakoakomiu, ka ondae anu i Laodikia ka luwuno, anu napi domento'ori aku,

KOLOSE 2:16

Onaemo pu'uno si mpo'inee ira mia mehuku komiu mongkona kaanga ka inua ke mongkona oleo langkai, wula wo'ohu ke oleo Saba;

Imama 23:1

Ondae i Ue mepau ndi Musa,

1 Tawarika 23:31

ka sompo mpopesombaako luwuno pesomba tinunu ndi Ondae i Ue ia oleo Saba, wula wo'ohu ka oleo langkai, menunu saru porokono anu lano pinakosiomo i aro-Do i Ue.

Yehesikieli 44:24

I larono asa kara-kara ondae asalakono domegagi puu mpobitara ka mpobitara montonda luwuno atora-Ku. Ondae asalakono mpe'ini a luwuno songka ka pompakosi-Ku a luwuno oleo langkai-Ku ka mpokomemporio oleo Saba-Ku.

2 Tawarika 2:3

Ka i'amba i Salomo montena mia ndi Hurami, mokole i wita Tirusi, saru pe'oliwi, ”Weweuakunemo kana anu uweweuo ndi Daudi, amaku, tempono upo'oliwi keu arasi ndi ondae tiano powangu langkanae po'iangado.

Esera 3:5

Mompu'u i tempo atuu, mpopesombaako iramo anu wela pinesombaako, ka pesomba tinunu a pompu'uano wula ka sompo oleo langkai pinokomempori-Do i Ue, saru sompo mia mpopesombaako pesomba moleono aroano ndi Ondae i Ue.