Imama 2:2 - Wunta Mempori

² Ka i'amba pesomba atuu iwawao a luwuno anano i Haruni, luwuno sando mpesomba atuu. Sando mpesomba mo'ala inso a mpesomba atuu asa raku tarigu, lana ka luwuno dupa, ka i'amba tumunuo luwuno atuu i wawono meda pontunua pesomba gagi pepopoto'ori, pesomba tinunuako api anu woono mokomawongkoo aroa-Do i Ue.

Imama 2:2 ပူးပေါင်းရင်းမြစ်များ

Nehemia 13:14

Oo Ue Alaku, Ipewowolo akumo hangano mongkona atuu, ka sii pahihio luwuno petenunu anu kuweweuomo tiano Raha-Do Ue Alaku ka luwuno anu wineweu i larono!

Nehemia 13:22

Kutena ira mbo'u to Lewi mokomemporio koroido ka me'aiwa medagaio luwuno pewowa langkai kai pinokomempori oleo Saba. Oo Ue Alaku, Ipewowolo akumo hangano mongkona mbo'u atuu ka Ipehohawa akumo montonda petenunu ka pompehohawa-Miu anu langkai!

Peluarakoa 30:16

Asalakono poruru doi pesintuwua inso a nto Isaraeli ka ipinake a mpesombaa i Kema Tepotowoa. Onaemo ta gagi pepopoto'ori a nto Isaraeli i aro-Do i Ue ka gagi pesintuwua tiano penaamiu luwu-luwu.”

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Imama 1:13

Ihi kompono ka witino asalakono wino'ohiako uwoi. Luwuno dompesombaakono sando mpesomba ka tinunu i wawono meda pontunua pesomba. Onaemo pesomba tinunu, pesomba tinunuako api anu woono mokomawongkoo aroa-Do i Ue.

Imama 1:17

Asalakono isopio manu-manu atuu a mpu'u panino sine si teponsia. Ka i'amba sando mpesomba tumunuo i wawono meda pontua pesomba i wawono keu anu kontongaano melanga. Onaemo pesomba tinunu, pesomba tinunuako api anu woono mokomawongkoo aroa-Do i Ue.”

Imama 1:9

Ihi kompono ka witino asalakono wino'ohiako uwoi ka sando mpesomba tumunuo luwu i wawono meda pontunua pesomba, gagi pesomba tinunu anu woono mokomawongkoo aroa-Do i Ue.

Imama 2:16

Asalakono itunuo sando mpesomba gagi tia pepopoto'ori inso a gandu anu inisa atuu, lanano, saru luwuno dupano gagi pesomba ndi Ondae i Ue anu tinunuako api.”

Imama 2:9

Sando mpesomba asalakono monsiao tiano pepopoto'ori inso a mpesomba kaanga atuu, ka i'amba tumunuo i wawono meda pontunua pesomba gagi pesomba tinunuako api anu woono mokomawongkoo aroa-Do i Ue.

Imama 24:7

Asalakono ponaakono dupa ntu'u i wawono sompo tudano. Dupamo atuu anu asalakono gagi pepopoto'ori inso a roti atuu, asa pesomba tinunu ndi Ondae i Ue.

Imama 4:31

Sine luwuno taba asalakono iponsiao, kana taba pinonsia inso a mpesomba tekadudui, ka i'amba sando mpesomba tumunuo i wawono meda pontunua pesomba anu woono mokomawongkoo aroa-Do i Ue. Ba kanandanio sando mpesomba moweweu pesintuwuano mia atuu, ranta kai pohawe te'oninino halano.

Imama 5:11

Sine tewala nahi polio mompatinda orua manu-manu wurokou ke orua anano manu-manu marapati, asalakono iwawao gagi pesomba hangano halano atuu asantia hopulu efa tarigu moiko ntu'u gagi pesomba po'onini hala. Nahi moiko iponaakono lana ke dupa i wawono, hangano onaemo pesomba po'onini hala.

Imama 5:12

Ka i'amba wawao ia sando mpesomba. Sando mpesomba atuu asalakono mo'ala te'asa raku inso a ntarigu atuu gagi tiano pepopoto'ori, ka i'amba tumunuo a wawo meda pontunua pesomba i wawono luwuno pesomba ndi Ondae i Ue anu tinunuako api. Onaemo pesomba po'onini hala.

Imama 6:15

Asalakono sando mpesomba monsiao inso a mpesomba kaanga atuu asa raku tarigu moiko ntu'u ka lana, saru luwuno dupa anu i wawono pesomba kaanga atuu, ka i'amba tumunuo i wawono meda pontunua pesomba, ranta woono mompoko mawongko gagi tiano pepopoto'ori ndi Ondae i Ue.

Podoaa 5:18

Umarino sando mpesomba mopo'aroo beine atuu ndi Ondae i Ue, asalakono ikaleo wuuno beine atuu. Ka i'amba numaao pesomba pepopoto'ori, pesomba kaanga mosiria atuu a pele ngkaeno beine atuu, sekono a ngkaeno sando mpesomba asalakono hinao uwoi mopa'i anu mowawa totonaa.

Podoaa 5:26

Umarino atuu sando mpesomba asalakono mo'ala asa raku inso a mpesomba kaanga atuu gagi tia pepopoto'orino ka tumunuo a wawo meda pontunua pesomba, ka i'amba weeakono beine atuu uminuo uwoi atuu.

WINEWEUDO TINENA 10:4

Ikokontoo mala'eka atuu ka a laro doitono ipotae, ”Hinao hapa, Ue?” Sumangki mala'eka atuu, ”Luwuno pekakaimu ka pontulungimu mewuatakoomo i aro-Do Ue Ala ka Ondae Ue Ala mewowoloko.