Imama 17:8 - Wunta Mempori

⁸ Asalakono pauako ira: Sompo mia inso a nto Isaraeli ke inso a mia hawe anu mpo'ia i tonga-tongado, anu mompesombaako pesomba tinunu ke pesomba sinumbele,

Imama 17:8 ပူးပေါင်းရင်းမြစ်များ

2 Samueli 24:25

I ra'ai i Daudi mowangu meda pontunua pesomba ndi Ondae i Ue ka mompesombaako pesomba tinunu saru pesomba tekaduduia. Do'induomo i Ue pekakai tiano wita atuu ka pohuku menaa-naaomo umalu ira to Isaraeli.

Imama 17:10

”Sompo mia inso a tongku Isaraeli ka inso a mia hawe anu mpo'ia i tonga-tongado anu mpokaa maupo reano hapamokoa, Ongkue-Ku umewaio anu mongkaa rea atuu ka mokotampulao inso i tonga-tongano tongkuno.

Imama 17:4

sine nahi wawao a mpewowano Kema Tepotowoa kai pinesombaako gagi pesomba ndi Ondae i Ue i arono Kema Mempori-Do i Ue, mongkona atuu asalakono pinototoiako a mia atuu gagi pasua rea; mia atuu mo'uwuomo rea ka asalakono pinokotampula inso i tonga-tongano tongkuno.

Imama 17:7

Siimo mbo'u dompopesombaako pesombado a onitu kana bembe, hangano mesomba a onitu bembe onaemo monsosabo. Onaemo atuu anu asalakono gagi pompakosi ranta nahina tampulaano ndi omiu hawe a inulemiu.

Imama 17:9

sine nahi wawao a mpewowano Kema Tepotowoa kai pinesombaako ndi Ondae i Ue, manasa mia atuu asalakono pinokotampula inso a tongkuno.”

Imama 3:7

Tewala ipesombaakono asa bimba gagi pesombano, asalakono iwawao i aro-Do i Ue.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

Yosua 22:11

Domerongeomo to Isaraeli paudo mia: ”Mpowangu iramo pontunua pesomba inuleno i Rube, inuleno i Gadi ka asantia to Manase, pontunua pesomba me'aro i Kana'a i Gelilo iwiwino koro Yarade, i asambalino witado to Isaraeli.”

Yosua 22:15

Mansado mehawe ia inuleno i Rube, inuleno i Gadi, tongku Manase anu asantia atuu, mpotae iramo ia mia tuudo, kanandio,

Yosua 22:16

”Kanandiomo potaedo luwuno bawaa-Do i Ue, tembio kai mpoweweu anu nahi menunu i aro-Do Ue Alado to Isaraeli, ka kanandio impebungkui ira i Ue, ka impowangu pontunua pesomba omiu-miu, nde ba kanandio i'ewai ira Ondae i Ue oleo andio?

Puu Mpobitara 6:26

Wanguomo pontunua pesombaa tia-Do i Ue, Ue Alamu, tepo'api moiko ia mantandeano bente atuu, ka u'amba umalao sapi laki anu ko'orua hieno ka pesombaakonomo, pesomba tinunuako keu karuno pelahumoaa anu tinuehimu atuu.”

1 Samueli 10:8

Omue asalakono kometii i Giliga mese'elungi aku, penootio aku aiwa ndi omue mompesombaako pesomba tinunu ka pesomba tekaduduia. Asalakono komesikori opitu oleo ranta ka kuhawe ndi omue pauakomu hapa anu ta wineweumu.”

1 Samueli 16:2

Ipotae i Semueli, ”Kana'umpe ka aku lumako? Tewala irongeo i Saulu, ta mepate aku.” Pau-Do i Ue, ”Wawao asa sapi da mongura kau pauo, ’aku aiwa mompesombaako pesomba ndi Ondae i Ue.’

1 Samueli 7:9

Ka i'amba i Semueli mo'ala asa ana bimba anu da mo'uo ka ipesombaakono ndi Ondae i Ue gagi pesomba tinunu asa ngkoroi. I Semueli mekakaiako ira to Isaraeli ndi Ondae i Ue ka Dosangkio i Ue.