Imama 17:7 - Wunta Mempori

⁷ Siimo mbo'u dompopesombaako pesombado a onitu kana bembe, hangano mesomba a onitu bembe onaemo monsosabo. Onaemo atuu anu asalakono gagi pompakosi ranta nahina tampulaano ndi omiu hawe a inulemiu.

Imama 17:7 ပူးပေါင်းရင်းမြစ်များ

2 Tawarika 11:15

ka mpontoro ira sando mpesombado tiano a mpesombaa, a bembe ka a ana nsapi laki anu wineweuno.

Po'unde-unde 106:37

Ondae mpesombaakono nana'ote ntamado ka nana'ote beinedo a luwuno penaa mosa'o,

Po'unde-unde 106:39

Koroido domengkokoburutiakono hapa anu wineweudo, ka mpososaboako luwuno wineweudo.

Peluarakoa 22:19

Maupo isema anu mewowaliako pinotuwu, manasa onae ta hinuku mate.

Peluarakoa 22:20

Isema anu mompesombaako pesomba a pinseombai susua sangkadio ndi Ondae i Ue, asalakono pinokotampula.”

Peluarakoa 27:21

I larono Kema Tepotowoa i arono pelingo anu lumingoo burua songka, i Haruni ka luwuno anano patindao hulu atuu mompu'u ngkiniwia ranta hawe mo'oru i aro-Do i Ue. Onaemo atuu pompakosi anu tinonda ranta nahina tampulaano a nto Isaraeli hawe a inuledo.”

Peluarakoa 32:8

Tedoa ira ronga mepansia inso a nsala anu Kuparentaako ira. Mpoweweu iramo ana nsapi tinawa ka dompenggolontu mpesombaio. Mpopesombaako ira pesomba ndi onae, ka dompotae: Hei Isaraeli ndiomo Ue Alamiu anu tumaate komiu mpeluarako inso i wita Masiri.”

Peluarakoa 34:15

Si mansa mpoweweu pedandia saru palili i wita atuu, hangano tewala mpososabo ira mpetonda a anu pinesombaido ka mpompesombaako pesomba a anu pinesombaido atuu, ba domansa me'olu komiu ka impetonda mpongkaa pesombado anu sinumbele.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yehesikieli 23:3

Ondae mebelesu i Masiri, ondae mebelesu i tempono da domemongura. I ra'ai wua radado pinisi-pisi, radado da moondo inini-ini.

Yehesikieli 23:8

Onae nahi bintao pebelesuno mompu'u inso i Masiri. Hangano tempono imongura dompewowaliakonomo mia, ka ondae me'ini-inio rada moondono saru mpoweeo pebelesudo ndi onae.

Imama 17:8

Asalakono pauako ira: Sompo mia inso a nto Isaraeli ke inso a mia hawe anu mpo'ia i tonga-tongado, anu mompesombaako pesomba tinunu ke pesomba sinumbele,

Imama 20:5

manasa Ongkue isa'a anu umaropio mia atuu saru asa nsomborino ka mokotampulao inso i tonga-tongano tongkuno saru luwuno mia anu tumondao mososabo, onaemo monsosabo mesombaio i Moloko.

Imama 3:17

Ndiomo aasa pompakosi mpiha ndi omiu hawe a inulemiu i sompo po'iangamiu: osi'i ntu'u imengkaano taba ka rea.”

I YOHANE 12:31

Kanandio-andio kontongaano binitara wawontolino andio: kanandio-andio anu pabawa i wawontolino andio ira mentinende i bungkuno;

I YOHANE 14:30

Nami hadio mbo'u Kupepauakomiu, hangano anu pabawa i wawontolino andio hawe ka onae nahina pabawano maupo tedei a ngkoroi-Ku.

1 KORINTI 10:20

Naahi, hapa anu tinooku onaemo, nine pesombado onaemo pesomba a onitu nsa'o, komba ndi Ondae Ue Ala. Ka nahi kubehe, intepo'asaako ira onitu nsa'o.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

Winali 31:16

Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

Winali 32:17

Ondae mpopesombaako pesomba a penaa mosa'o anu komba Ue Ala, a pinesombai anu nahi domento'orio, pinesombai wo'ohu anu napi tehine ipe'umbaako, anu nahi domedoitoakono uempu'umiu.

MENGKAAA 9:20

Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa,