Imama 17:5 - Wunta Mempori

⁵ Tinoono ka domewawao to Isaraeli pesomba sinumbele anu wela pinesombaakodo a mpada, kanandio-andio ndi Ondae i Ue a mpewowano Kema Tepotowoa ka dompeweengakono a sando mpesomba ka ipesombaakono ndi Ondae i Ue gagi pesomba tekaduduia.

Imama 17:5 ပူးပေါင်းရင်းမြစ်များ

Tegagia 21:33

I Burahima mompaho asa mpu'u keu tamarisika i Bereseba, ka i ra'aimo ipoboio nee-Do i Ue, Ue Ala anu nahina tampulaa-Do.

Tegagia 22:13

Ka i'amba i Burahima mewolili ka ikitao asa bimba lakino i bungkuno, anu tekai tanduno a haro. I Burahima umalao bimba atuu, ka i'amba mesombaakono gagi pesomba tinunu, euno anano.

Tegagia 22:2

Mepau Ira, ”Alaomo i Saki, anamu anu asa-asano, anu pinehohawamu, lakomo i wita Moria ka pesombaakonomo i ra'ai gagi pesomba tinunu i asa torukuno anu Aku pauakomu.”

Tegagia 31:54

Ka i'amba i Yako mompesombaako pesomba sinumbele a ntorukuno atuu ka i'olu ira pe'etuno mpongkaa. Ondae mpongkaa ka mperato a ntorukuno atuu.

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

1 Mokole 3:2

Butumokoa, tongku atuu da mpopesombaako pesombado a pongku-pongkuno wita pompesombaa, hangano raha po'iangano nee-Do i Ue napi winangu hawe i tempo atuu.

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

2 Mokole 16:4

Onae mompesombaako pesomba ka montunu pesomba a luwuno po'ianga pesombaa a luwuno pongku wita ka i totono sompo keu anu marombo.

2 Mokole 17:10

Domewangu ira tugu lahumoa ka luwuno karuno pelahumoaa i wawono sompo pongku wita anu mantande ka i totono sompo keu anu marombo;

2 Tawarika 28:4

Ipesombaakono ka montunu pesomba a luwuno po'ianga pompesombaa a wawo mepongkuano ka i totono sompo keu anu marombo.

Peluarakoa 24:5

Ka i'amba tumena ira mia mongura inso a tongku Isaraeli, ka dompopesombaako pesomba tinunu ka mposumbele ba te'opia sapi laki gagi pesomba tekaduduia ndi Ondae i Ue

Yehesikieli 20:28

Umarino Kuwawa ira i wita anu Kudandiakono sumpa Aku weeako ira, tendeano ondae mpengkita a sompo pongku anu mantande ka sompo keu anu marombo, ka i'amba pinesombaako luwuno pesombado i ra'ai ka mpompowee pesomba anu mompokotesingka tekuda-Ku. I ra'ai ondae mpohaweo mbo'u luwuno pesomba anu mana mo'ahi ka mpesombaakono luwuno pesomba tinawado a mpo'ianga atuu.

Yehesikieli 22:9

I olomu mehinawe anu pompau pegaupi anu tinoodo mpo'uwu rea ka mia anu mpongkaa pesomba a wawo luwuno pongku pesombaa. Luwuno mbo'u mia anu mpoweweu mokoburu kongko i tonga-tongamiu.

Yehesikieli 43:27

Umarino tampula luwuno oleo atuu, a oleo ko'oalu ka potilalono luwuno sando mpesomba ira menahuo luwuno pesomba tinunumu ka luwuno pesomba tekaduduiamu a wawo meda pontunua pesomba atuu ka Aku memoikoko, kanadiomo pau-Do Ue Ala.”

Yehesikieli 44:15

Sine, luwuno sando mpesomba to Lewi inso a inuleno i Sadoki anu mpo'angga a mpo'ianga mempori-Ku tempono to Isaraeli mepansia inso ndi Ongkue, ondaemo anu ira me'umpeda ndi Ongkue mpoweweu pesomba ka mpo'angga i aro-Ku pompesombaako ndi Ongkue taba ka rea, kanandiomo pau-Do Ue Ala.

Imama 17:4

sine nahi wawao a mpewowano Kema Tepotowoa kai pinesombaako gagi pesomba ndi Ondae i Ue i arono Kema Mempori-Do i Ue, mongkona atuu asalakono pinototoiako a mia atuu gagi pasua rea; mia atuu mo'uwuomo rea ka asalakono pinokotampula inso i tonga-tongano tongkuno.

Imama 17:6

Sando mpesomba asalakono ipesiwuiakono reano a meda pontunua pesomba anu-Do i Ue i arono pewowano Kema Tepotowoa ka tumunuo tabano gagi woono anu mokomawongko Ira i Ue.

Winali 12:2

Asalakono imeropu ira ntu'u luwuno po'ianga pesombaa anu pinesombaido tongku anu liniahakomiu atuu, moiko a ntorukuno ondau, a pongku wita ka i totono sompo keu anu marombo.