Imama 17:4 - Wunta Mempori

⁴ sine nahi wawao a mpewowano Kema Tepotowoa kai pinesombaako gagi pesomba ndi Ondae i Ue i arono Kema Mempori-Do i Ue, mongkona atuu asalakono pinototoiako a mia atuu gagi pasua rea; mia atuu mo'uwuomo rea ka asalakono pinokotampula inso i tonga-tongano tongkuno.

Imama 17:4 ပူးပေါင်းရင်းမြစ်များ

Tegagia 17:14

Tama anu nahi tinindi, anu nahi sinesei kuli anuno, mia atuu asalakono pinokotampula inso i olono suku tongkuno. Ihapuomo pedandia-Ku.”

Po'unde-unde 32:2

Me'uraomo mia, anu salano nahi Dopototoio i Ue, ka anu nahi pe'aroa mompopo'oo!

Peluarakoa 12:15

Opitu oleo tehineno imempokaa roti anu nahi peragi. Oleo ko'aasa ragi anu kongko a laro rahamiu imentadio, nde i larono opitu oleo atuu, isema mia anu mongkaa hapamo koa anu meragi, mia atuu linuarako inso a bawaa Isaraeli.

Peluarakoa 12:19

Opitu oleo tehinenio kasihina ragi i rahamiu, nde mia anu mongkaa hapamokoa anu meragi, asalakono mia atuu linuarako inso a bawaa Isaraeli, moiko mia hawe maupo to Isaraeli.

Peluarakoa 30:33

Mia anu moweweu salono kanatuu, ka ihahiakono a mia biasa asalakono pinokotampula inso a tongkuno.”

Peluarakoa 30:38

Isemamo koa anu moweweu salono dupa kanatuu, kai woo woono, asalakono pinokotampula inso i olono tongkuno.”

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yehesikieli 20:40

Hangano, a wawo ntorukuno-Ku anu mempori, a wawo ntorukuno Isaraeli anu ondau, kanandiomo pau-Do Ue Ala, i ra'ai, i wita atuu, luwuno suku Isaraeli luwuno ira mpesomba ndi Ongkue. I ra'ai Aku memoiko komiu ka i ra'ai Aku tumuntuo inso ndi omiu luwuno pesomba pinesusua luwuno pesomba kaanga anu tebiniki, saru luwuno anu pinokomemporimiu.

Imama 1:3

Tewala pesombano anu tinunu inso a nsapi, asalakono ipesombaakono anu lakino ka nahina tataano. Asalakono iwawao a mpewowano Kema Tepotowoa, kai moiko i aro-Do i Ue.

Imama 17:10

”Sompo mia inso a tongku Isaraeli ka inso a mia hawe anu mpo'ia i tonga-tongado anu mpokaa maupo reano hapamokoa, Ongkue-Ku umewaio anu mongkaa rea atuu ka mokotampulao inso i tonga-tongano tongkuno.

Imama 17:14

Hangano rea atuumo penaano luwuno anu tuwu. Onaemo pu'uno mepau Akumo a nto Isaraeli: Reano hapamokoa anu tuwu si mengkaano, hangano rea atuumo penaano luwuno anu tuwu. Sompo mia anu mengkaano asalakono pinokotampula.

Imama 17:3

Sompo mia inso a nto Isaraeli anu monsumbele sapi ke bimba ke bembe i larono ke i bungkuno pekemaa,

Imama 17:5

Tinoono ka domewawao to Isaraeli pesomba sinumbele anu wela pinesombaakodo a mpada, kanandio-andio ndi Ondae i Ue a mpewowano Kema Tepotowoa ka dompeweengakono a sando mpesomba ka ipesombaakono ndi Ondae i Ue gagi pesomba tekaduduia.

Imama 17:9

sine nahi wawao a mpewowano Kema Tepotowoa kai pinesombaako ndi Ondae i Ue, manasa mia atuu asalakono pinokotampula inso a tongkuno.”

Imama 18:29

Hangano sompo mia anu moweweu maupo hapamokoa inso a luwuno anu mokoburu atuu, mia atuu asalakono pinokotampula inso i tonga-tongano tongkuno.

Imama 20:16

Tewala asa beine morangkuhi kondehora maupo hapamokoa ka ipewowaliakono, beine ka kondehora atuu asalakono ipinepate. Ondae asalakono hinuku mate ka reado dotembio ondaedo.

Imama 20:18

Tewala asa tama moturi saru asa beine anu tekonai i'aluo wulano, isungkeakono anuno beine atuu ka beine atuu sumungkeo mbo'u peluarakono rea ka tama atuu umungkahio pewaluno peluarakoano rea; orua ira asalakono pinokotampula inso i tonga-tongano tongkudo.

Imama 20:3

Ongkue isa'a anu umaropio mia atuu ka mokotampulao inso i tonga-tongano tongkuno. Hangano ipeweengakono asa inso a luwuno anano ndi Moloko saru tinoono weweuo mokoburu po'ianga mempori-Ku ka lumaloo memporino nee-Ku anu mempori.

Imama 3:2

Asalakono inaao kaeno a wawo uluno pesomba atuu, ka isumbeleo i arono pewowa Kema Tepotowoa. Ka i'amba luwuno anano i Haruni, sando pesomba atuudo asalakono mesiwuiakono reano liimbu a meda pontunua pesomba.

Imama 7:18

Tewala a oleo ko'otolu bau pesomba tekaduduia atuu da kinaa, nahi Dotarimao i Ue mia anu mompesombaako ka pesomba atuu nahi rineke, tendeano gagi asa anu mokoburu, ka mia anu kumaano asalakono itembio salano onaeno.

I YOHANE 10:7

Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo.

I YOHANE 10:9

Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

ROMA 4:6

Kana koa mbo'u i Daudi pauo me'ura mia anu Dopementeeo Ue Ala komba me'empehiako wineweuno,

ROMA 5:13

Hangano napi hina songka Taura, hinaomo hala i wawontolino. Sine hala atuu nahi dinoa ba nahina songka Taura.

ROMA 5:20

Sine songka Taura tiniangi, ka igagi kohadi-hadiono hala; ka ba isua itetiangi hadio hala, i ra'ai pompehohawa gagi hadio ntu'u,

Winali 21:8

Iweweuomo pesintuwua tiado bawaa-Miu Isaraeli anu Itolosi iramo atuu, Ue. Siimo Ipopotembiako ira reano mia anu nahina salano i tonga-tongano bawaa-Miu Isaraeli.” Hangano rea atuu, wineweuomo pesintuwua tiado.