Imama 13:3 - Wunta Mempori

³ Asalakono sando mpesomba paresao haki a ngkuli atuu. Tewala wulu a mpo'iangano haki atuu baliomo gagi mopute, ka haki atuu tengkita ondaloopo inso a ngkuli, manasa atuu onaemo haki ngkuli anu mesaki. Tewala ikitao sando mpesomba mongkona atuu, asalakono ipokomanasaomo mia atuu mokoburu.

Imama 13:3 ပူးပေါင်းရင်းမြစ်များ

Tegagia 13:3

Onae melempa inso i wita Nege, inso a mperatoa lumako a mperatoa, hawe umpeda i Beteli, po'iangano kemano amba-ambano pinontade, olono Beteli ka kota Ai,

Yehesikieli 16:30

Langkai ntu'u po'eheno koroimu atuu, kanandiomo pau-Do Ue Ala, omue anu weweuo luwuno andio, poweweuno asa beine belesu tinutundali.

Yehesikieli 44:23

Ondae asalakono paguru ira bawaa-Ku mongkona teposisinggeno olono anu mempori ka anu nahi mempori ka pauako ira teposisinggeno olono anu mokoburu ka anu morina.

Hosea 7:9

Mia hawe kumaano ka ipingko rosono, sine onaeno nahi to'orio; uwano mbo'u hadioomo, sine onaeno nahi pokonto'orio.

Imama 10:10

Asalakono imposinggeo olono anu mempori ka nahi mempori, olono anu mokoburu ka nahi mokoburu,

Imama 13:10

Tewala montonda pomparesano sando mpesomba a ngkulino hinao mempiho anu bali wuluno gagi mopute ka hinao ihi anu mebunsu a ngkamba atuu,

Imama 13:2

”Tewala a ngkulino asa mia hinao mempiho ke tangkulobo, ke meboti-boti anu ta gagi haki ngkuli anu mesaki, asalakono kai winawa ndi sando mpesomba Haruni, ke ndi asa i olodo luwuno anano, sando mpesomba atuudo.

Imama 13:20

Tewala montonda pomparesano meloba mopute atuu tengkita ondaloopo sekono kuli ka wuluno baliomo gagi mopute, asalakono sando mpesomba mokomanasao mia atuu mokoburu, hangano haki ngkuli mesaki anu tuwu a mpo'iangano kamba atuu.

Imama 13:4

Sine tewala anu hina a ngkulino atuu butu meloba-loba mopute ka nahi tengkita ondaloopo inso a ngkuli, wuluno mbo'u nahi bali gagi mopute, sando mpesomba asalakono umukoo mia atuu opitu oleo tehineno.

Imama 13:8

Tewala montonda pomparesano sando mpesomba tangkulobo atuu tetiangi malua a ngkuli, sando mpesomba asalakono mokomanasao onae mokoburu; haki atuu haki mesaki.

Imama 14:37

Tewala montonda pomparesano tondonino a rereno raha atuu kana melengku-lengku mololowulu ke mororontaha ka tengkita ondaloopo inso a rere atuu,

Imama 14:54

Onaemo songka mongkona sompo haki ngkuli anu mesaki, kumbi ulu,

Imama 14:56

mongkona kamba, tangkulobo ka meloba mopute,

Imama 5:3

Tewala onae tepodanggiako anu mokoburu inso a mia, mokoburua hapamo koa anu weweuo kai mokoburu anu nahi pokonto'orio, sine lembuino ito'orio, asalakono onae saala.

Hagai 2:11

A ntanggala rua pulu ka opaa wula ko'osio, ta'u anu ko'orua poparentaano i Dariusu, haweomo pau-Do i Ue ndi nabi Hagai, kanandio,

Maleaki 2:7

Hangano wiwino asa sando mpesomba mekariao ponto'ori ka mia mo'ungke pompaguru inso a ngangano, hangano onaemo tinena-Do Ueno luwuakoano.

I MATIU 16:19

Ndi omue Aku meweengakono kunsino Poparentaa Suruga. Hapa anu winutumu i wawontolino andio ta winutu i suruga ka hapa anu pinotolamu i wawontolino andio ta pinotola i suruga.”

I YOHANE 20:23

Tewala ime'ampunio halano mia, halano inampuni, ka tewala impotaeakono mia halano mo'ia mpiha, halano mo'ia mpiha.”

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

ROMA 7:7

Tewala kanandio, hapake kita mpotae? Nde halake songka Taura atuu? Mentee ntu'u naahi! Sine, tendeano hangano songka Taura ka kuto'oriomo hala. Hangano nahi kuto'orio koa mbo'u hapa atuu mosisiri, ba nahi pauo songka Taura, ”Si mosisiri!”

1 TIMOTIU 1:20

i olodo i Himeneu ka i Alesande, anu kupeweengako iramo ndi Mosa'o, ka dontepidi mpompepaukiako.

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

IBARANI 13:7

Impewowolo ira koa petewawamiu, anu mempauomo pau-Do Ue Ala ndi omiu. Impepenteeo tompaano tumuwudo ka imempandirio pompe'ala-alado.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.