Imama 12:8 - Wunta Mempori

⁸ Sine tewala nahi polio mompatinda asa bimba, asalakono i'alao orua manu-manu wurokou ke orua anano manu-manu marapati, anu asa gagi pesomba tinunu ka anu asa mbo'u gagi pesomba po'onini hala. Sando mpesomba atuu asalakono moweweu pesintuwua tiano beine atuu, ka morinaomo.”

Imama 12:8 ပူးပေါင်းရင်းမြစ်များ

Imama 1:14

Tewala pesombano ndi Ondae i Ue onaemo pesomba tinunu inso a manu-manu, asalakono ipesombaakono pesombano atuu inso a manu-manu wurokou ke inso a anano manu-manu marapati.

Imama 12:7

Sando mpesomba atuu asalakono mesombaakono i aro-Do i Ue ka moweweu pesintuwua tiano beine atuu. Kanatuumo beine atuu ipinokomorina inso a peluarakoano rea. Onaemo songka mongkona beine anu umari me'anaako tama ke beine.

Imama 13:1

Ondae i Ue mepau ndi Musa ka ndi Haruni,

Imama 14:21

Tewala mia atuu mongkokolaro ka nahi polio, asalakono ipo'ala te'asamokoa bimba laki gagi pesomba pontolosi sala weweua pesomba tinande kai wineweu pesintuwua tiano mia atuu; asa ntia hopulu efa mbo'u tarigu moiko ntu'u sinaloako lana weweua pesomba kaanga ka asa logi lana,

Imama 14:22

saru orua manu-manu wurokou ke orua manu-manu marapati pototono pompolino. Manu-manu anu asa gagi pesomba po'onini hala ka anu asa mbo'u gagi pesomba tinunu.

Imama 15:14

A oleo ko'oalu onae asalakono mo'ala orua manu-manu wurokou ke orua anano manu-manu marapati, ka i'aiwa i aro-Do i Ue, a mpewowa Kema Tepotowoa ka ipeweengakono manu-manu atuu a sando mpesomba.

Imama 15:15

Sando mpesomba asalakono mesombaakono, anu asa gagi pesomba po'onini hala ka anu asa mbo'u gagi pesomba tinunu. Kanandiomo sando mpesomba moweweu pesintuwua tiano mia atuu i aro-Do i Ue hangano uwoino.

Imama 15:29

A oleo anu ko'oalu asalakono i'alao orua manu-manu wurokou ke orua anano manu-manu marapati ka iwawaomo ndi sando mpesomba a mpewowano Kema Tepotowoa.

Imama 4:26

Sine luwuno taba asalakono itunuo a wawo meda pontunua pesomba, kana koa mbo'u tabano pesomba tekaduduia. Kanandiomo sando mpesomba moweweuakono mia atuu pesintuwua a halano, ranta kai pohawe te'oninino halano.

Imama 5:11

Sine tewala nahi polio mompatinda orua manu-manu wurokou ke orua anano manu-manu marapati, asalakono iwawao gagi pesomba hangano halano atuu asantia hopulu efa tarigu moiko ntu'u gagi pesomba po'onini hala. Nahi moiko iponaakono lana ke dupa i wawono, hangano onaemo pesomba po'onini hala.

Imama 5:7

Sine, tewala nahi polio mompatinda bembe ke bimba, anu gagi pontolosi sala hangano hala anu iweweuomo atuu, asalakono ipesombaakono ndi Ondae i Ue orua manu-manu wurokou ke orua anano manu-manu marapati. Asa gagi pesomba po'onini hala ka anu asa mbo'u gagi pesomba tinunu.

I MATIU 21:12

Ka Do'amba i Yesu mewinso a Raha-Do Ue Ala ka sumaari ira luwu mia anu mpepangidi ka mpe'oli a kintalano Raha-Do Ue Ala. Dowalite ira meda pontobosia doi ka luwuno bangkudo anu mpo'asa marapatii

2 KORINTI 8:9

Hangano imento'oriomo pompehohawa-Do Ueto i Yesu Kerisituu, nine Ondae, anu hangano omiu gagi mongkokolaro, maupo kaea Ira, ka igagi mengkaea hangano mongkokolaro-Do.