Imama 10:9 - Wunta Mempori

⁹ ”Si po'inu anggoro ke inua mompokomolangu, omue saru luwuno anamu tempono impewinso i larono Kema Tepotowoa, kasi memate. Onaemo asa pompakosi ndi omiu asa mpinu'u hawe nahina tampulaano.

Imama 10:9 ပူးပေါင်းရင်းမြစ်များ

Peluarakoa 27:21

I larono Kema Tepotowoa i arono pelingo anu lumingoo burua songka, i Haruni ka luwuno anano patindao hulu atuu mompu'u ngkiniwia ranta hawe mo'oru i aro-Do i Ue. Onaemo atuu pompakosi anu tinonda ranta nahina tampulaano a nto Isaraeli hawe a inuledo.”

Powadi 20:1

Anggoro atuu pasinggiri, inua mokora atuu mompokogagi pohohoi, nahi komba pande mosongka mia anu kobangku-bangku hangano onae.

Yesaya 28:7

Sine mia mbo'u i ndi'ai memokolili ulu hangano anggoro ka mokolili hangano ara. Moiko sando mpesomba maupo nabi memokolili ulu hangano ara, memarisuako anggoro; ondae memokoliliako ara, mokolili ulu a pongkita, mobea asambali a pomputusi.

Yehesikieli 44:21

Luwuno sando mpesomba si dompo'inu anggoro tempono dompewinso a kintala i larono.

Hosea 4:11

Anggoro ka uwoi anggoro mokontetadio pinewowolo mentee.

Imama 10:8

Ondae i Ue mepau ndi Musa,

Imama 3:17

Ndiomo aasa pompakosi mpiha ndi omiu hawe a inulemiu i sompo po'iangamiu: osi'i ntu'u imengkaano taba ka rea.”

Podoaa 6:20

Ka i'amba sando mpesomba tumandeo luwuno atuu i aro-Do i Ue gagi pesomba tinande. Luwuno atuu gagi anu mempori a sando mpesomba, saru rada pesomba tinande ka pa'a pesomba pinesusua. Umarino atuu ka i'amba mia anu meweengakono tumuwuno ndi Ondae i Ue atuu moiko ipo'inu anggoro.”

Podoaa 6:3

asalakono ipoko'olaio koroino inso a anggoro ka inua anu mompokomolangu, nahi po'inu inua anu wineweu inso a wua anggoro ka nahi pongkaa wua anggoro, moiko anu da sarai inopu maupo anu pinokomokari.

I LUKASI 1:15

Hangano onae ta langkai i aro-Do i Ue ka onae nahi ta mo'inu anggoro ke inua mompokomolangu ka onae ta bukeako Penaa Mempori mompu'u inso a mpe'anakaano ineno;

EPESU 5:18

Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

1 TIMOTIU 3:8

Kanandio koa mbo'u luwuno diakee asalakono mia mempinelangkai, ka si pesampa elo, ka si marampo'inu, ka si po'ungke urano a nsala anu molengku,

1 TIMOTIU 5:23

Si koa mbo'u butu mo'inu uwoi, tendeano tiangiakonomo anggoro tedei, hangano kompomu nahi madoo ka koroimu mararu imolema.

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,