Imama 10:1 - Wunta Mempori

¹ I Nadabi ka i Abihu, luwuno anano i Haruni, singge ira mo'ala pontunuado, monaakono api i larono saru monaa dupa i wawono api atuu. Kanandiomo dopompesombaako ndi Ondae i Ue api susua anu nahi Doparentaako ira i Ue ndi ondae.

Imama 10:1 ပူးပေါင်းရင်းမြစ်များ

1 Mokole 18:38

Ka i'amba metiiomo api-Do i Ue kumaano pesombaa tinunu, keu, watu ka wita atuu, sekonopo uwoi a pangkoro pingko isile'io.

Po'unde-unde 141:2

Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

Peluarakoa 24:1

Mepau Iramo i Ue Ala ndi Musa, ”Porakemo pe'aro ndi Ongkue, omue ka i Haruni, i Nadabi ka i Abihu ka pitu pulu mia inso i olono luwudo mia memota'u to Isaraeli ka impenggolontumo mpesomba inso i olaiano.

Peluarakoa 24:9

Mporake iramo i Musa ka i Haruni, i Nadabi ka i Abihu saru pitu pulu mia inso i olono luwuno mia memota'u to Isaraeli.

Peluarakoa 27:3

Omue poweweu mbo'u ba te'opia kawali ponaapa awuno, sikopa, loea kodei ponsiwuino, sarampano ka polu pontunua halo. Luwuno parewa atuu asalakono weweuo inso a mala.

Peluarakoa 28:1

”Wawao i Haruni akamu ka luwuno anano ndi omue inso i olodo to Isaraeli ka dompopekakaako gagi sando mpesomba ndi Ongkue, i Haruni saru i Nadabi, i Abihu, i Eleasa ka i Tamari, luwuno anano i Haruni.

Peluarakoa 31:11

lana po'urapi ka dupa inso a luwuno rampa anu mo'ahi woono tiano po'ianga mempori. Asalakono ka domeweweuo montonda kana anu Kutenaakomiu.”

Peluarakoa 37:29

Onae moweweu lana po'urapi anu mempori ka dupa ntu'u inso a luwuno rampa anu mo'ahi woono, wineweuno mia pande monsalo rampa.

Peluarakoa 38:3

Onae moweweu luwuno parewano meda pontunua pesomba atuu: luwuno kawali, sikopa, loea kodei ponsiwui, sarampa ka polu pontunua halo. Luwuno parewa atuu wineweu inso a mala.

Peluarakoa 40:27

I wawono meda pontunua pesomba atuu i Musa montunu dupa mo'ahi woono, kana parenta-Do i Ue ndi onae.

Peluarakoa 6:23

Anano i Kora, onaemo: I Asira, i Elikana ka i Abiasapa; onaemo pepe'etuado to Kora.

Peluarakoa 8:27

Asalakono kami melako i pada one, otolu oleo pelempaa olaino, i ra'ai kami mpopesombaako pesomba mami ndi Ondae i Ue, Ue Ala mami, kana anu Dopauakami.”

Yeremia 19:5

Dompontade iramo pompesombaiado Baala pontunuado anado gagi pesomba tinunu a Baala, asa anu nahi Kuhori meparentaako ke pauo ka anu nahi hori hina i laro aroa-Ku.

Yeremia 32:35

Domewangu ira po'ianga pompesombaiado Baala i Lembono Beni-Hinomi, ka dompesombaakono anado tama ka beine ndi Moloki, maupo nahi Kuhori meparentaako ndi ondae. Ka mbo'u nahi hori hina i laro aroa-Ku ka dompoweweu mokoburua andio, ranta mokontehalao Yehuda.

Yeremia 44:15

Ka i'amba luwuno tama, anu tumo'orio nine kombiado mpontunu pesomba a luwuno pinesombai susua, ka luwuno beine anu kongko i ra'ai, asa tepumpua langkai, maupo luwuno mia anu mo'ia i wita Masiri ka Patirosi mesangki ndi Yeremia, kanandio,

Yeremia 44:8

Tembio ka impokotesingkao tekuda-Ku hangano wineweuno kaemiu, saru mpotunu pesomba a luwuno pinesombai susua i wita Masiri anu pinewinsokimiu komiu mpo'ia gagi mia hawe i ra'ai? Tembio ka imebehe gagi pontotonaa ka mokoko'iia i olodo luwuno tongku i tolino?

Yeremia 7:31

Mpowangu iramo luwuno po'ianga pompesombaia meneeako Topeti i Lembono Beni-Hinomi pontunuado anado tama ka beine. Mongkona atuu nahi Kuhori meparentaako ka nahi hori hina a laro aroa-Ku.

Imama 16:1

Umari mateano orua ira anano i Haruni, anu gagi tempono do'umpeda i aro-Do i Ue, mepau Iramo i Ue ndi Musa,

Imama 16:12

Onae asalakono mo'ala pontunua anu bukeako waro api inso i wawono meda pontunua pesomba anu i aro-Do i Ue, saru asa raku buke dupa mo'ahi woono anu ginili ranta motutu, ka i'amba wawao mewinso i bungkuno pelingo.

Imama 22:9

Ondae asalakono mpe'ini mpiha ndi Ongkue, kasi domentehala a ngkoroido ka memate hangano halano. Hangano domelelaloomo memporino parenta atuu. Ongkuemo Ue anu mokomempori ira.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

Podoaa 16:46

Mepauomo i Musa ndi Haruni, ”Alaomo pontunua halo, naaomo api i larono inso i wawono meda pontunua pesomba ka ponaakono dupa. Lakomo pontuturako a bawaa ka weweuako iramo pesintuwua, hangano tensingkaomo tekuda-Do i Ue, ka pohuku mompu'uomo.”

Podoaa 26:61

Sine i Nadabi ka i Abihu mate, tempono dopompesombaako pesomba api susua i aro-Do i Ue.

Podoaa 4:18

”Ipekokoongakono koa suku Kehati ka luwuno pepe'etuado kasi domentampula inso i tonga-tongado to Lewi.

Winali 12:32

Luwuakoano anu kuparentaa komiu asalakono impetenunu meweweuo, si mentiangio ke mengkurangio.

Winali 17:3

Mia atuu lumako mesomba a luwuno anu pinesombai susua ka menggolontu mesomba ndi onae, ke a mata oleo ke a wula ke a luwuno sorodadu i langi, mongkona anu Ku'ontoomo atuu.

Winali 4:2

Si mentiangio hapa anu kuparentaa komiu ka si mengkurangio, tendeano impe'inimo a luwuno parenta-Do i Ue, Ue Alamiu, anu kupohaweakomiu.

IBARANI 9:4

I tu'ai hinao meda pontunua pesomba pontunua dupa inso a wulaa, ka burua pedandia, anu luwuno inapiiako wulaa; i larono burua pedandia atuu ninaa pido-pido wulaa me'ihi manna, tukono i Haruni anu horio mentumba ka watu anu meburiako pedandia,