Imama 1:3 - Wunta Mempori

³ Tewala pesombano anu tinunu inso a nsapi, asalakono ipesombaakono anu lakino ka nahina tataano. Asalakono iwawao a mpewowano Kema Tepotowoa, kai moiko i aro-Do i Ue.

Imama 1:3 ပူးပေါင်းရင်းမြစ်များ

Tegagia 22:13

Ka i'amba i Burahima mewolili ka ikitao asa bimba lakino i bungkuno, anu tekai tanduno a haro. I Burahima umalao bimba atuu, ka i'amba mesombaakono gagi pesomba tinunu, euno anano.

Tegagia 22:2

Mepau Ira, ”Alaomo i Saki, anamu anu asa-asano, anu pinehohawamu, lakomo i wita Moria ka pesombaakonomo i ra'ai gagi pesomba tinunu i asa torukuno anu Aku pauakomu.”

Tegagia 22:8

Sumangki i Burahima, ”Ondae Ue Ala anu mompatinda ana bimba weweua pesomba tinunu tia-Do, Anaku.” Kanandiomo dopelempa orua ira meronga-ronga.

Tegagia 8:20

Ka i'amba i Noho mowangu meda pontunua pesomba ndi Ondae i Ue. I'alao ba opia kondehora inso a luwuno pinotuwu anu nahina tataano, ka inso mbo'u a luwuno manu-manu anu nahina tataano ka ipesombaakono pesomba tinunu a wawo meda pontunua pesomba atuu.

2 Tawarika 29:32

Porokono pesomba tinunu anu winawado bawaa, onaemo sapi pitu pulu, bimba lakino asa etu ka anano bimba rua etu. Luwuno gagi pesomba tinunu tia-Do i Ue.

2 Tawarika 35:12

Ka do'amba mponsiao pesomba tinunu anu ta pineweengako mia anu komba to Lewi montonda petiaa a mpepe'etuado, ka ipinesombaako ndi Ondae i Ue kana anu teburi a laro wuntano i Musa. Kanatuu koa mbo'u domeweweuo a luwuno sapi.

Po'unde-unde 110:3

Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

Po'unde-unde 40:8

Ka ku'amba motae, ”Mentee ntu'u, ongkue aiwa; a laro paluluno wunta hinao binuri mongkona ongkue;

Peluarakoa 12:5

Moiko impo'ala ana bimba ke bembe, sine asalakono anu nahina tataano, lakino, metinuwu asa nta'u.

Peluarakoa 24:5

Ka i'amba tumena ira mia mongura inso a tongku Isaraeli, ka dompopesombaako pesomba tinunu ka mposumbele ba te'opia sapi laki gagi pesomba tekaduduia ndi Ondae i Ue

Peluarakoa 29:18

Ka i'amba luwuno bimba atuu, asalakono tunuo a wawo meda pontunua pesomba. Onaemo pesomba tinunu, pesomba anu mo'ahi woono ndi Ondae i Ue, pesomba anu tinunu a api tia-Do i Ue.

Peluarakoa 29:4

Asalakono kau wawao i Haruni saru luwuno anano a mpewowano Kema Tepotowoa, ka wo'ohiako ira uwoi.

Peluarakoa 29:42

Onaemo pesomba tinunu anu wineweu mpiha i olomiu ranta hawe a inulemiu a mpewowano Kema Tepotowoa i aro-Do i Ue. I ra'aimo Aku tepohaweakomu mepau ndi omue.

Peluarakoa 32:6

Tisomono mo'o-mo'oru mpopesombaako iramo pesomba tinunu ka pesomba tekaduduia. Ka do'amba tongku atuu mpentoro mpongkaa ka mpo'inu, umarino atuu mpentade pada mpewoo-woo.

Peluarakoa 35:21

Umarino atuu mehawe iramo sompo mia anu telelu aroano, mpowawa pesomba pinesusua anu moleo aroano ndi Ondae i Ue, poweweu Kema Tepotowoa, ka luwuno pesombaa i larono, ka sangka mempori.

Peluarakoa 35:29

Sompo tama ke beine, anu moleo aroano mowawa te'asa rupa tiano anggaa petena-Do i Ue ndi Musa ka iwineweu. To Isaraeli mewawao gagi pompowee a po'eheno aroado ndi Ondae i Ue.

Peluarakoa 35:5

Impo'alamo inso i olomiu pesomba pinesusua tia-Do i Ue. Sompo mia anu telelu aroano, mowawa gagi pesomba pinesusua tia-Do i Ue: wulaa, salaka, mala,

Peluarakoa 36:3

Ondae mentarimao inso ndi Musa luwuno pesomba pinesusua anu mewinawado to Isaraeli pakea a anggaa mowangu po'ianga mempori. To Isaraeli da kongkodo mpowawa pompowee a po'eheno aroado ndi Musa sompo mo'oru.

Peluarakoa 38:1

I Besale'eli moweweu meda pontunua pesomba inso a ngkeu akasia, olima hiku ondauno ka olima hiku maluano, gagi mensiu opaa mengkena ondauno ka maluano, sine mantandeno otolu hiku.

Yesaya 1:11

”Hapa tuduno ndi Ongkue pesombamu anu ntehohadio?” Pau-Do i Ue; ”Kute'osaakonomo luwuno pesomba tinunu kana bimba lakino ka tabano ana nsapi anu mewalo. Reano sapi ka anano bembe-bimba lakino nahi Kupe'eheo.

Yehesikieli 20:40

Hangano, a wawo ntorukuno-Ku anu mempori, a wawo ntorukuno Isaraeli anu ondau, kanandiomo pau-Do Ue Ala, i ra'ai, i wita atuu, luwuno suku Isaraeli luwuno ira mpesomba ndi Ongkue. I ra'ai Aku memoiko komiu ka i ra'ai Aku tumuntuo inso ndi omiu luwuno pesomba pinesusua luwuno pesomba kaanga anu tebiniki, saru luwuno anu pinokomemporimiu.

Yehesikieli 40:39

A laro bansalano pewowa langkai atuu hinao orua meda i asambalino i ndi'ai ka orua meda i asambalino raane, ponsumbelea pesomba tinunu, pesomba po'onini hala, ka pesomba pontolosi sala.

Imama 1:10

Tewala pesombano anu tinunu inso a asa bawaa bembe bimba, moiko atuu bembe ke bimba, asalakono ipesombaakono anu lakino ka nahina tataano.

Imama 14:10

A oleo ko'oalu asalakono i'alao orua bimba lakino nahina tataano, asa bimba waino umuruno asa nta'u anu nahina tataano ka otolu ntia hopulu efa tarigu moiko ntu'u sinaloako lana gagi pesomba kaanga saru asa logi lana.

Imama 16:7

Onae asalakono umalao orua bembe lakino atuu ka iwawao i aro-Do i Ue i arono pewowano Kema Tepotowoa.

Imama 17:4

sine nahi wawao a mpewowano Kema Tepotowoa kai pinesombaako gagi pesomba ndi Ondae i Ue i arono Kema Mempori-Do i Ue, mongkona atuu asalakono pinototoiako a mia atuu gagi pasua rea; mia atuu mo'uwuomo rea ka asalakono pinokotampula inso i tonga-tongano tongkuno.

Imama 17:8

Asalakono pauako ira: Sompo mia inso a nto Isaraeli ke inso a mia hawe anu mpo'ia i tonga-tongado, anu mompesombaako pesomba tinunu ke pesomba sinumbele,

Imama 17:9

sine nahi wawao a mpewowano Kema Tepotowoa kai pinesombaako ndi Ondae i Ue, manasa mia atuu asalakono pinokotampula inso a tongkuno.”

Imama 23:12

A oleo imentandeo tine'u atuu asalakono impesombaakono asa bimba umuruno asa nta'u anu nahina tataano gagi pesomba tinunu ndi Ondae i Ue,

Imama 23:18

Meronga saru roti atuu asalakono impesombaakono opitu bimba umuruno asa nta'u anu nahina tataano, asa sapi lakino mongura ka orua bimba lakino. Luwuno atuu asalakono gagi pesomba tinunu ndi Ondae i Ue, meronga saru pesomba kaanga ka luwuno pesomba tinawa, asa pesomba tinunu anu woono mokomawongko Ira i Ue.

Imama 3:1

”Tewala pesombano onaemo pesomba tekaduduia ka anu pinesombaakono atuu sapi, lakino ke waino, asalakono ipesombaakono anu nahina tataano i aro-Do i Ue.

Imama 4:15

Luwudo mia memota'u bawaa asalakono menaao kaedo i wawo uluno sapi laki atuu i aro-Do i Ue, ka i'amba sapi atuu asalakono sinumbele i aro-Do i Ue.

Imama 4:23

ka tewala hala anu iweweuomo atuu pinauako ndi onae, asalakono iwawao asa bembe lakino anu nahina tataano gagi pesomba.

Imama 4:3

ka tewala anu moweweu hala atuu sando mpesomba anu inurapi, ranta kai pokontehala ira bawaa, onae asalakono mompesombaako ndi Ondae i Ue asa sapi laki mongura anu nahina tataano gagi pesomba po'onini hala, hangano hala anu iweweuono atuu.

Imama 4:32

Tewala pesomba anu winawano asa bimba gagi pesomba po'onini hala, asalakono iwawao anu waino ka nahina tataano.

Imama 5:15

”Tewala asa mia moweweu nahi petenunu ka nahi pe'inungako moweweu hala mongkona asa anu mempori ndi Ondae i Ue, anu gagi tolosino salano asalakono ipompesombaako ndi Ondae i Ue asa bimba lakino anu nahina tataano inso a asa bawaa bembe bimba, anu pinonaako olino montonda sikala, sikala a mpo'ianga mempori gagi pesomba pontolosi saala.

Imama 5:18

Asalakono iwawao ndi sando mpesomba asa bimba lakino anu nahina tataano inso a asa bawaa bembe bimba anu umariomo pinonaako olino, gagi pesomba pontolosi sala. Sando mpesomba atuu asalakono moweweu pesintuwua tiano mia atuu a wineweuno anu nahi pe'inungakono ka nahi pokonto'orio atuu, ranta kai pontarima te'oninino halano.

Imama 6:2

”Tewala asa mia moweweu hala ka melelu nahi petenunu ndi Ondae i Ue kai pompopo'oo pe'asa miano mongkona sangka anu pine'ala-alaako ndi onae, ke pinepenaa ndi onaeke anu rinontuno; ke tewala onae momporo'i mpe'asa miano,

Imama 6:8

Ondae i Ue mepau ndi Musa,

Imama 7:16

Tewala pesomba sinumbele anu pinesombaako atuu gagi pesomba pontanga ke pesomba po'eheno aroa, asalakono bauno ikinaa a oleo ipinesombaako, sine toreano moiko ikinaa tisomono.

Imama 8:18

Umarino atuu winawaomo bimba lakino pesomba tinunu. I Haruni ka luwuno anano menaao kaedo a wawo uluno bimba lakino atuu.

Imama 8:21

Sine ihi kompono ka witino wino'ohi a uwoi. Ka i'amba i Musa tumunuo luwuno bimba laki atuu a meda pontunua pesomba. Onaemo pesomba tinunu anu woono mompokomawongko, asa pesomba tinunu ndi Ondae i Ue, kana parenta-Do i Ue ndi Musa.

Imama 9:2

Ipotaeakono i Haruni, ”Alaomo tiamu asa sapi mongura gagi pesomba po'onini hala ka asa bimba lakino gagi pesomba tinunu, oruano nahina tataano umarino atuu pesombaakonomo i aro-Do i Ue.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.

Maleaki 1:14

Tetotonaaomo anu mompopo'oo, anu hinao asa kondehora lakino i olodo bawaano pinotuwuno, ka ipontangaakonomo, sine ipesombaakono kondehora anu hinao tataano ndi Ondae i Ue. Hangano Ongkue andio Mokole anu langkai, pau-Do Ueno luwuakoano, ka nee-Ku dinoitoako i olodo luwuno tongku.

Podoaa 15:3

ka komiu popesombaako pesomba tinunu ndi Ondae i Ue, inso a nsapi ke inso a asa bawaa bembe bimba, moiko pesomba tinunu ke pesomba sinumbele, moiko gagi pesomba po'ihii pontanga pinesusua, ke pesomba a moputeno aroa ke pesomba i tempono oleo langkaimiu, weweua anu woono mokomawongko Ira i Ue,

Podoaa 15:8

Tewala asa sapi imeweweuo gagi pesomba tinunu ke pesomba sinumbele, moiko gagi po'ihii pontanga pinesusua maupo gagi pesomba tekaduduia ndi Ondae i Ue,

Podoaa 19:2

”Ndiomo pompakosi songka anu Dopeparentaako i Ue saru mepau: Pauako iramo to Isaraeli, ka dompowawa ndi omue asa sapi waino motaha nahina tataano ka nahina makurano, ka napi hori pinasanga.

Podoaa 23:19

Ondae Ue Ala komba mia, ranta ka Dopegaupi ka komba anano mia, ranta ka Dope'o'ole. Nde Ira mepau ke ka nahi Doweweuo ke mepau ka nahi Do'ihiio?

Podoaa 23:27

Ka i'amba motaeomo i Bala ndi Bilea, ”Aiwamo aku wawako a mpo'ianga susua. Bara'ura mentee a pongkita-Do Ue Ala tewala ondae utotonaakune inso a mpo'ianga atuu.”

Podoaa 23:3

Motae i Bilea ndi Bala, ”Pentademo i horino pesomba tinunumu. Ongkue aku lumako, bara'ura Ondae i Ue Ira hawe tepohaweakune, ka maupo hapa anu pinokomengkaa-Do ndi ongkue aku pauakomu.” Ka i'amba lumako i wawono asa pongku wita anu londa.

Podoaa 23:30

Ka i'amba weweuo i Bala kana anu pinauno i Bilea ka mompesombaako asa sapi lakino ka asa bimba lakino i wawono sompo meda pontunua pesomba atuu.

Podoaa 28:11

Ia wula monguramiu asalakono impopesombaako gagi pesomba tinunu ndi Ondae i Ue: orua sapi lakino mongura, asa bimba lakino, opitu bimba anu tinuwuno asa nta'u anu nahina tataano,

Podoaa 28:19

ka asalakono impopesombaako ndi Ondae i Ue gagi pesomba tinunu a api, gagi pesomba tinunu: orua sapi lakino mongura, asa bimba lakino ka opitu bimba anu tinuwuno asa nta'u; asalakono impo'ala anu nahina tataano.

Podoaa 28:31

Sangkadio inso a pesomba tinunu anu wela pinesombaako ka pesomba kaangano, asalakono imeweweuo luwuno atuu saru luwuno pesomba tinawano. Asalakono impo'ala anu nahina tataano.

Podoaa 29:13

Asalakono impopesombaako pesomba tinunu, pesomba tinunu a api, gagi woo mokomawongko Ira i Ue: hopulu ka otolu sapi lakino mongura, orua bimba lakino, hopulu ka opaa bimba lakino anu tinuwuno asa nta'u; asalakono luwuno atuu nahina tataano;

Podoaa 29:2

I tempo atuu asalakono imeweweuo asa ntia pesomba tinunu gagi woo anu pinemawongko-Do i Ue, onaemo asa sapi mongura, asa bimba lakino, opitu bimba lakino anu tinuwuno asa nta'u anu nahina tataano;

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

I YOHANE 1:36

Ka mansano kumita Ira i Yesu telalo, ipotae, ”Kita Iramo Ana bimba-Do Ue Ala!”

I YOHANE 10:7

Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo.

I YOHANE 10:9

Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo.

2 KORINTI 8:12

Hangano tewala inso i aroamiu mompowee, asalakono pompoweemiu ta tinarima, tewala pompoweemiu atuu me'empehiako hapa anu hina ndi omiu, komba me'empehiako hapa anu nahina ndi omiu.

2 KORINTI 9:7

Po'ineeomo singge mia mompowee montonda po'eheno aroano, si komba masusa aroa ke hangano dinadai, hangano Ondae Ue Ala mehohawao mia anu mompowee a mawongkono aroa.

EPESU 2:18

Nde hangano Ondae ontae anu orua ntia a laro aasa Penaa mpohawe pesalaa mewinso ndi Ondae i Ama.

EPESU 5:27

ka ikanandio bawaa Donaao i aro-Do ka imaramba nahina tataano ke tengkuru ke pengkenano, sine ka imempori bawaa ka nahina tataano.

Winali 12:27

Asalakono imempatindao pesomba tinunumiu, moiko bau maupo reano, i wawono meda pontunua pesomba ndi Ondae i Ue, Ue Alamiu, sekono reano pesomba sinumbelemiu asalakono inuwu a wawo meda pontunua pesomba ndi Ondae i Ue, Ue Alamiu, sine moiko imengkaano bauno.

Winali 15:21

Sine tewala hinao tataano, tewala tiimpa karu ke morawu, tendeano maupo hapa tataano anu nahi moiko, si mensumbeleo tia-Do i Ue, Ue Alamiu.

Winali 17:1

”Si mpesombaakono ndi Ondae i Ue, Ue Alamiu, sapi ke bimba anu hinao tataano, ke maupo hapa anu nahi moiko. Hangano anu kanatuu onaemo mokoburu-Do i Ue, Ue Alamiu.”

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.