Imama 1:2 - Wunta Mempori

² ”Pepaumo a nto Isaraeli ka pauako ira: Tewala asa mia inso i olomu ta mompowe pesombano ndi Ondae i Ue, asalakono pesomba anu komiu mpesombaakono atuu inso a mpinotuwu, ke sapi ke asa bawaa bembe bimba.

Imama 1:2 ပူးပေါင်းရင်းမြစ်များ

Tegagia 4:3

Ba opia tempo lembuino, i Kai mompesombaako asa ntia inso a hasilino wita atuu ndi Ondae i Ue gagi pesombano;

Tegagia 4:5

sine i Kai ka pesombano nahi Doperioo. Ka i'amba i Kai gagi tedoa mokula aroano, ka rupano mompemasusa.

1 Tawarika 16:29

Weeako Iramo i Ue marambano nee-Do, wawaomo pesomba ka pewinsomo pe'aro ndi Ondae! Penggolontuumo pesombai Ira i Ue a maramba memporia.

Esera 3:5

Mompu'u i tempo atuu, mpopesombaako iramo anu wela pinesombaako, ka pesomba tinunu a pompu'uano wula ka sompo oleo langkai pinokomempori-Do i Ue, saru sompo mia mpopesombaako pesomba moleono aroano ndi Ondae i Ue.

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Podoaa 15:3

ka komiu popesombaako pesomba tinunu ndi Ondae i Ue, inso a nsapi ke inso a asa bawaa bembe bimba, moiko pesomba tinunu ke pesomba sinumbele, moiko gagi pesomba po'ihii pontanga pinesusua, ke pesomba a moputeno aroa ke pesomba i tempono oleo langkaimiu, weweua anu woono mokomawongko Ira i Ue,

Podoaa 5:15

asalakono mia atuu wawao kombiano a sando mpesomba. Asalakono mia mbo'u atuu mowawa pesomba hangano beine atuu hadiono asa ntia hopulu efa tarigu jelai. Nahi moiko ipontawa lana i wawono maupo monaakono dupa, hangano pesomba atuu onaemo pesomba kaanga mosiria, asa pesomba pepopoto'ori anu mopoto'oriakono mia mongkona mosa'oa.

Podoaa 7:15

asa sapi lakino mongura, asa bimba lakino ka asa bimba lakino tinuwuno asa nta'u weweua pesomba tinunu;

I MARAKUSU 7:11

Sine impotae: Tewala asa mia motaeakono amano ke ineno: Hapa anu hinao ndi ongkue, anu ta tekona ipepotuwuako, pinakeomo tiano pesomba – onaemo pesomba ndi Ondae Ue Ala –

ROMA 12:1

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

ROMA 12:6

Kanandiomo tompohawe pompowee anu mpesingge-singge montonda pompehohawa anu tomewineeako: Tewala pompowee atuu ka topompau anu ta gagi moikoomo tomeweweuo menunu saru pompe'ala-alato.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.