Imama 1:14 - Wunta Mempori

¹⁴ Tewala pesombano ndi Ondae i Ue onaemo pesomba tinunu inso a manu-manu, asalakono ipesombaakono pesombano atuu inso a manu-manu wurokou ke inso a anano manu-manu marapati.

Imama 1:14 ပူးပေါင်းရင်းမြစ်များ

Tegagia 15:9

Pau-Do i Ue ndi onae, ”Alaa-Kune asa sapi waino tinuwuno otolu nta'u, asa bembe waino tinuwuno otolu nta'u, asa bimba lakino tinuwuno otolu nta'u, asa manu-manu wurokou ka asa anano manu-manu marapati.”

Imama 12:8

Sine tewala nahi polio mompatinda asa bimba, asalakono i'alao orua manu-manu wurokou ke orua anano manu-manu marapati, anu asa gagi pesomba tinunu ka anu asa mbo'u gagi pesomba po'onini hala. Sando mpesomba atuu asalakono moweweu pesintuwua tiano beine atuu, ka morinaomo.”

Imama 5:10

Manu-manu ko'orua asalakono pinatinda gagi pesomba tinunu menunu saru atora. Kanandiomo sando mpesomba moweweuakono mia atuu pesintuwua hangano hala anu iweweuomo, ranta kai pontarima te'oninino halano.

Imama 5:11

Sine tewala nahi polio mompatinda orua manu-manu wurokou ke orua anano manu-manu marapati, asalakono iwawao gagi pesomba hangano halano atuu asantia hopulu efa tarigu moiko ntu'u gagi pesomba po'onini hala. Nahi moiko iponaakono lana ke dupa i wawono, hangano onaemo pesomba po'onini hala.

Imama 5:7

Sine, tewala nahi polio mompatinda bembe ke bimba, anu gagi pontolosi sala hangano hala anu iweweuomo atuu, asalakono ipesombaakono ndi Ondae i Ue orua manu-manu wurokou ke orua anano manu-manu marapati. Asa gagi pesomba po'onini hala ka anu asa mbo'u gagi pesomba tinunu.

I MATIU 11:29

Imentembiomo tinembi anu Kupopotembia komiu ka impepagurumo ndi Ongkue, hangano Ongkue mauru ka me'urumako ka sumangamiu ta mohawe rodoa.

I MATIU 21:12

Ka Do'amba i Yesu mewinso a Raha-Do Ue Ala ka sumaari ira luwu mia anu mpepangidi ka mpe'oli a kintalano Raha-Do Ue Ala. Dowalite ira meda pontobosia doi ka luwuno bangkudo anu mpo'asa marapatii

I LUKASI 2:24

ka dompopesombaako pesomba montonda hapa anu pinau a songka-Do i Ue, onaemo asa pasa manu-manu wurokou ke orua anano marapatii.

2 KORINTI 8:12

Hangano tewala inso i aroamiu mompowee, asalakono pompoweemiu ta tinarima, tewala pompoweemiu atuu me'empehiako hapa anu hina ndi omiu, komba me'empehiako hapa anu nahina ndi omiu.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,