Imama 1:13 - Wunta Mempori

¹³ Ihi kompono ka witino asalakono wino'ohiako uwoi. Luwuno dompesombaakono sando mpesomba ka tinunu i wawono meda pontunua pesomba. Onaemo pesomba tinunu, pesomba tinunuako api anu woono mokomawongkoo aroa-Do i Ue.

Imama 1:13 ပူးပေါင်းရင်းမြစ်များ

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

2 Tawarika 4:6

Iweweuo mbo'u hopulu bolusa pewo'ohia ka inaao olima i koanano ka olima i manggalino gagi pewo'ohia. I tu'ai mia dompowo'ohi hapa anu kinere weweua pesomba tinunu, sekono ”Tahi” atuu gagi pewo'ohiado sando mpesomba.

Yehesikieli 40:38

Hinao mbo'u asa bolongko, pewowa pewinsoano a bansalano pewowa langkai; i ra'ai powo'ohiado mia pesomba tinunu.

Imama 1:9

Ihi kompono ka witino asalakono wino'ohiako uwoi ka sando mpesomba tumunuo luwu i wawono meda pontunua pesomba, gagi pesomba tinunu anu woono mokomawongkoo aroa-Do i Ue.

Imama 2:11

Sompo pesomba kaanga anu pinesombaakomiu ndi Ondae i Ue asalakono sinalo nahi peragi, hangano hapamo koa anu wineweu saru ragi ke siu hoani nahi moiko imentunuo gagi pesomba ndi Ondae i Ue anu tinunuako api.

Imama 2:2

Ka i'amba pesomba atuu iwawao a luwuno anano i Haruni, luwuno sando mpesomba atuu. Sando mpesomba mo'ala inso a mpesomba atuu asa raku tarigu, lana ka luwuno dupa, ka i'amba tumunuo luwuno atuu i wawono meda pontunua pesomba gagi pepopoto'ori, pesomba tinunuako api anu woono mokomawongkoo aroa-Do i Ue.

Imama 3:5

Luwuno anano i Haruni asalakono mentunuo i wawono meda pontunua pesomba, i wawono pesomba tinunu anu kontongaano tinunu i wawono api, gagi pesomba tinunuako api anu woono mokomawongkoo aroa-Do i Ue.

Imama 4:31

Sine luwuno taba asalakono iponsiao, kana taba pinonsia inso a mpesomba tekadudui, ka i'amba sando mpesomba tumunuo i wawono meda pontunua pesomba anu woono mokomawongkoo aroa-Do i Ue. Ba kanandanio sando mpesomba moweweu pesintuwuano mia atuu, ranta kai pohawe te'oninino halano.

Imama 6:14

”Ndiomo songka mongkona pesomba kaanga. Luwuno anano i Haruni asalakono mewawao i aro-Do i Ue i arono meda pontunua pesomba.

Imama 8:21

Sine ihi kompono ka witino wino'ohi a uwoi. Ka i'amba i Musa tumunuo luwuno bimba laki atuu a meda pontunua pesomba. Onaemo pesomba tinunu anu woono mompokomawongko, asa pesomba tinunu ndi Ondae i Ue, kana parenta-Do i Ue ndi Musa.

Podoaa 15:3

ka komiu popesombaako pesomba tinunu ndi Ondae i Ue, inso a nsapi ke inso a asa bawaa bembe bimba, moiko pesomba tinunu ke pesomba sinumbele, moiko gagi pesomba po'ihii pontanga pinesusua, ke pesomba a moputeno aroa ke pesomba i tempono oleo langkaimiu, weweua anu woono mokomawongko Ira i Ue,

Podoaa 15:4

ka mia anu mowawa pesombano ndi Ondae i Ue asalakono mompesombaako gagi pesomba kaanga asa ntia hopulu efa tarigu moiko ntu'u sinaloako lana asa ntia opaa hini.

Podoaa 28:11

Ia wula monguramiu asalakono impopesombaako gagi pesomba tinunu ndi Ondae i Ue: orua sapi lakino mongura, asa bimba lakino, opitu bimba anu tinuwuno asa nta'u anu nahina tataano,

Podoaa 28:8

Bimba lakino anu susua, asalakono weweuo i tempono ngkiniwia. Asalakono weweuo mengkena kana pesomba kaanga i tempono mo'oru ka pesomba tinawano gagi pesomba tinunu anu woono mokomawongko Ira i Ue.”

Winali 12:27

Asalakono imempatindao pesomba tinunumiu, moiko bau maupo reano, i wawono meda pontunua pesomba ndi Ondae i Ue, Ue Alamiu, sekono reano pesomba sinumbelemiu asalakono inuwu a wawo meda pontunua pesomba ndi Ondae i Ue, Ue Alamiu, sine moiko imengkaano bauno.