Imama 1:10 - Wunta Mempori

¹⁰ Tewala pesombano anu tinunu inso a asa bawaa bembe bimba, moiko atuu bembe ke bimba, asalakono ipesombaakono anu lakino ka nahina tataano.

Imama 1:10 ပူးပေါင်းရင်းမြစ်များ

Tegagia 4:4

i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i Ue merioo i Abeli saru pesombano atuu,

Tegagia 8:20

Ka i'amba i Noho mowangu meda pontunua pesomba ndi Ondae i Ue. I'alao ba opia kondehora inso a luwuno pinotuwu anu nahina tataano, ka inso mbo'u a luwuno manu-manu anu nahina tataano ka ipesombaakono pesomba tinunu a wawo meda pontunua pesomba atuu.

Peluarakoa 12:5

Moiko impo'ala ana bimba ke bembe, sine asalakono anu nahina tataano, lakino, metinuwu asa nta'u.

Yehesikieli 43:22

A oleo ko'orua omue asalakono mesombaakono asa bembe lakino anu nahina tataano gagi pesomba po'onini hala ka mia asalakono mokomemporio meda pontunua pesomba atuu kana umariomo ipinokomemporiako sapi lakino.

Imama 14:10

A oleo ko'oalu asalakono i'alao orua bimba lakino nahina tataano, asa bimba waino umuruno asa nta'u anu nahina tataano ka otolu ntia hopulu efa tarigu moiko ntu'u sinaloako lana gagi pesomba kaanga saru asa logi lana.

Imama 16:3

Kanandiomo i Haruni ba tamewinso i larono po'ianga mempori atuu, iwawao asa sapi laki mongura anu ta gagi pesomba po'onini hala ka asa bimba laki anu ta gagi pesomba tinunu.

Imama 16:5

Inso a bawaa Isaraeli onae asalakono mo'ala orua bembe lakino ta gagi pesomba po'onini hala ka asa bimba lakino ta gagi pesomba tinunu.

Imama 22:19

ka Dotarima komiu i Ue, asalakono pesomba atuu sapi lakino, bimba ke bembe nahina tataano.

Imama 23:12

A oleo imentandeo tine'u atuu asalakono impesombaakono asa bimba umuruno asa nta'u anu nahina tataano gagi pesomba tinunu ndi Ondae i Ue,

Imama 3:1

”Tewala pesombano onaemo pesomba tekaduduia ka anu pinesombaakono atuu sapi, lakino ke waino, asalakono ipesombaakono anu nahina tataano i aro-Do i Ue.

Imama 4:23

ka tewala hala anu iweweuomo atuu pinauako ndi onae, asalakono iwawao asa bembe lakino anu nahina tataano gagi pesomba.

Imama 4:3

ka tewala anu moweweu hala atuu sando mpesomba anu inurapi, ranta kai pokontehala ira bawaa, onae asalakono mompesombaako ndi Ondae i Ue asa sapi laki mongura anu nahina tataano gagi pesomba po'onini hala, hangano hala anu iweweuono atuu.

Imama 5:15

”Tewala asa mia moweweu nahi petenunu ka nahi pe'inungako moweweu hala mongkona asa anu mempori ndi Ondae i Ue, anu gagi tolosino salano asalakono ipompesombaako ndi Ondae i Ue asa bimba lakino anu nahina tataano inso a asa bawaa bembe bimba, anu pinonaako olino montonda sikala, sikala a mpo'ianga mempori gagi pesomba pontolosi saala.

Imama 9:2

Ipotaeakono i Haruni, ”Alaomo tiamu asa sapi mongura gagi pesomba po'onini hala ka asa bimba lakino gagi pesomba tinunu, oruano nahina tataano umarino atuu pesombaakonomo i aro-Do i Ue.

Maleaki 1:14

Tetotonaaomo anu mompopo'oo, anu hinao asa kondehora lakino i olodo bawaano pinotuwuno, ka ipontangaakonomo, sine ipesombaakono kondehora anu hinao tataano ndi Ondae i Ue. Hangano Ongkue andio Mokole anu langkai, pau-Do Ueno luwuakoano, ka nee-Ku dinoitoako i olodo luwuno tongku.

Podoaa 15:5

Meronga pesomba tinunu ke pesomba sinumbele atuu, asalakono impesombaakono mbo'u asa ntia opaa hini anggoro gagi pesomba tinawa, a sompo bimba anu pinesombaako.

Podoaa 19:2

”Ndiomo pompakosi songka anu Dopeparentaako i Ue saru mepau: Pauako iramo to Isaraeli, ka dompowawa ndi omue asa sapi waino motaha nahina tataano ka nahina makurano, ka napi hori pinasanga.

Podoaa 6:14

Asalakono ipesombaakono gagi pesomba ndi Ondae i Ue asa bimba lakino tinuwuno asa nta'u anu nahina tataano ta gagi pesomba tinunu ka asa bimba waino tinuwuno asa nta'u anu nahina tataano ta gagi pesomba po'onini hala, ka asa bimba lakino anu nahina tataano ta gagi pesomba tekaduduia,

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.