IBARANI 9:7 - Wunta Mempori

⁷ sine i larono kema anu ko'orua butu koa Sando Mpesomba Langkai anu mewinso pohona i larono asa nta'u, ka asalakono saru rea anu ipesombaakono hangano koroino onaeno ka hangano luwuno polimpaia, anu wineweudo bawaano nahi dompokonto'orio.

IBARANI 9:7 ပူးပေါင်းရင်းမြစ်များ

2 Samueli 6:7

Tensilaomo tekuda-Do i Ue ndi Usa. Ondae Ue Ala mepateo i ra'ai hangano salano atuu. Kanandiomo imate i ra'ai umpeda a Burua-Do Ue Ala.

2 Tawarika 33:9

Sine i Manase sumosaelo ira Yehuda ka palilino Yerusale, ranta ka dompoweweu anu mosa'o laluaopo sekono luwuno tongku anu Dosolangi iramo i Ue inso i arodo to Isaraeli.

Po'unde-unde 19:12

Tetenaa-Miu mbo'u montarima pepopoto'ori inso ndi onae, mohawe tambo langkai saru me'ini ndi onae.

Po'unde-unde 95:10

Pato pulu nta'u Kumokoburuakono inule asa api atuu, onaemo ka Kupepau, ”Ondae bawaa anu ntesosaelo aroado, nahi domento'orio pesalaa-Ku.”

Peluarakoa 30:10

I larono asa nta'u pohona i Haruni asalakono moweweu pesintuwua i wawono tandu-tanduno. Onae asalakono moweweu pesintuwua a meda pontunua pesomba atuu i larono asa nta'u pohona saru rea pesomba po'onini hala, pesomba pesintuwua ranta hawe ia inulemiu. Meda pontunua pesomba atuu tedoa mempori ndi Ondae i Ue.”

Yesaya 28:7

Sine mia mbo'u i ndi'ai memokolili ulu hangano anggoro ka mokolili hangano ara. Moiko sando mpesomba maupo nabi memokolili ulu hangano ara, memarisuako anggoro; ondae memokoliliako ara, mokolili ulu a pongkita, mobea asambali a pomputusi.

Yesaya 29:14

menteeano, Aku weweu ira mbo'u mongkona anu kinohali-haliako a tongku andio, kinohali-haliako anu mompokotededengke; ponto'orido mia anu mponto'ori ta tetadi, ka pandedo mia anu mempande ta tampula.”

Yesaya 3:12

Bawaa-Ku! Nana'ote mpokonsii ira, beine meparenta ira. Hei bawaa-Ku, luwuno petewawa mpompokontesaa, sala anu tinondamiu dompokopansiao!

Yesaya 9:16

Onaemo pu'uno, Ondae i Ue nahi Dopehohawa ira mangalitaudo, ka nahi Dopehohawa ira nana'ote nahina amado ka tuwu beinedo, hangano luwudo mpebungkui Aku ka mpoweweu mosa'o, ka sompo nganga mpepau anu nahi moiko. Maupo gagiomo luwuno atuu, tekuda-Do napi morini, ka kae-Do da tetaangako.

Hosea 4:12

Bawaa-Ku mpesikeno a ngkeuno, ka tukono moweeakono sangkino, hangano penaa ponsosaboa mokopansia ira, ka ondae mponsosabo binta Ira Ue Alado.

Imama 16:34

Onaemo anu asalakono gagi pompakosi ranta nahina tampulaano ndi omiu, kai wineweu pohona asa nta'u pesintuwua tiado to Isaraeli hangano luwuno halado.” Onaemo kai weweuo i Haruni kana parenta-Do i Ue ndi Musa.

Imama 5:18

Asalakono iwawao ndi sando mpesomba asa bimba lakino anu nahina tataano inso a asa bawaa bembe bimba anu umariomo pinonaako olino, gagi pesomba pontolosi sala. Sando mpesomba atuu asalakono moweweu pesintuwua tiano mia atuu a wineweuno anu nahi pe'inungakono ka nahi pokonto'orio atuu, ranta kai pontarima te'oninino halano.

Amosi 2:14

Anu magasi nami ta mokompolai mbo'u, anu moroso nami mentudu rosono, ka anu moroso ntu'u ka mosia nahi pokompetolahako.

Podoaa 15:25

Sando mpesomba asalakono moweweu pesintuwua tiado luwuno bawaa Isaraeli, ranta ka dompohawe te'oninino hala. Hangano mongkona atuu gagi nahi pine'inungako, ka Ondae mbo'u mpowawa iramo luwuno pesomba gagi pesomba tinunu ndi Ondae i Ue, saru pesomba po'onini hala i aro-Do i Ue hangano anu nahi pine'inungako atuu.

EPESU 4:18

ka ponto'orido anu wongi-wongi, olai inso a ntuwu tepo'asaa saru Ondae Ue Ala, hangano benge-bengea anu kongko i larodo ka hangano moteano aroado.

IBARANI 10:3

Sine tendeano hangano pesomba atuudo sompo ta'u mia pinopoto'oriako nine hinao hala.

IBARANI 6:19

Pomperorohia atuu onaemo ladu anu moroso ka mokorodoo sumangato, anu pineladuakoomo hawe a bungkuno pelingo,

IBARANI 7:27

anu komba kana luwuno sando mpesomba langkai susua, anu sompo oleo asalakono mpompesombaako pesomba hangano halado ondaedo ka umarino atuu ka i'amba hangano halado bawaano, hangano mongkona atuu Doweweuomo pohona tiano ranta nahina tampulaano, tempono Dopesombaakono koroi-Do Ondae-Do gagi pesomba.

IBARANI 9:3

I bungkuno pelingo anu ko'orua hinao mbo'u aasa kema anu nineeako po'ianga anu tedoa mempori.