IBARANI 9:11 - Wunta Mempori

¹¹ Sine Ondae i Kerisituu hawe Iramo gagi Sando Mpesomba Langkai tiano luwuno anu moiko anu ta hawe: Dotelaloiomo kema anu lalu langkai ka anu lalu soompo, anu komba wineweuno kaeno mia, – pengkonaano anu nahi tewinso pinokogagi andio, –

IBARANI 9:11 ပူးပေါင်းရင်းမြစ်များ

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

Po'unde-unde 40:7

Omiu nahi pemoikoo pesomba sinumbele ka pesomba kaanga, sine I'ungkahiomo biriku; pesomba tinunu ka pesomba po'onini hala nahi Ituntuo.

Yesaya 59:20

Ira hawe gagi Puu Pontolosi tiano Sioni ka tiado inuleno i Yako anu ntepidi inso a mpe'ewado, kanandiomo pau-Do i Ue.

Yeremia 33:8

Aku mokomentee ira inso a luwuno salado ka hala anu wineweudo ndi Ongkue. Aku umoninio luwuno sala, hala, ka pe'ewado ndi Ongkue.

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

I MATIU 11:3

ka i'amba tumena ira ana guruno mpesikeno ndi Ondae, ”Omiumoke anu Ira hawe atuu ke asalakono kami mposikori mia susua?”

I MATIU 2:6

Ka omue Beteleme, wita Yahuda, komba omuemo anu lalu kodei i olodo anu moparenta i Yahuda, hangano inso ndi omue ta mesabaako asa mia petewawa, anu ta pakambi ira bawaa-Ku to Isaraeli.”

I MARAKUSU 14:58

Kimerongeomo ipotae mia andio: Aku betao Raha mempori wineweuno kaeno mia andio ka i larono otolu oleo Aku wanguo anu susua, anu komba wineweuno kaeno mia.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 4:25

Sumangki beine atuu ndi Ondae, ”Kuto'orio, nine i Mesia Ira hawe, anu nineeako mbo'u i Kerisituu; ba Dohawe, Ira pauakami luwuakoano.”

WINEWEUDO TINENA 7:48

Sine Ondae Anu Lalu Mantande nahi Dopo'ia a laro hapa anu wineweuno kaeno mia, kana anu pinauno nabi:

2 KORINTI 4:18

Hangano nahi kimperioo anu tengkita, tendeano anu nahi tengkita, hangano anu tengkita sarai koa, sine anu nahi tengkita nahina tampulaano.

2 KORINTI 5:1

Hangano kimento'orio, nine tewala rinongka kema po'iangato i tolino andio, Dopatindaomo Ue Ala aasa po'iangato i suruga, aasa po'ianga anu nahina tampulaano, anu komba wineweuno kaeno mia.

KOLOSE 2:11

Ndi Ondae mentinindi komiumo, komba petindi anu wineweuno mia, sine pontindi-Do i Kerisituu, onaemo pololohia koroi anu tehala,

IBARANI 10:1

A laro songka Taura butu koa hinao eo-eono tekaduduia anu ta hawe, ka komba pengkonaano inso a ntekaduduia atuu. Onaemo pu'uno saru pesomba anu mengkena, anu sompo ta'u ipinesombaako mpiha, nahi ta polio songka Taura mokosompo ira anu me'aiwa mpo'ala tia i larono.

IBARANI 12:27

Pau ”Pohonapo mbo'u” tumisoo tebalia a hapa anu pinokolelu, hangano onae pinokogagi ka ipo'ia mpiha hapa anu nahi telelu.

IBARANI 13:14

Hangano i ndi'ai nahina ta po'iangato mpiha; tome'ungkeo kota anu ta hawe.

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.

IBARANI 7:1

Hangano i Melekisede onaemo mokole i Salemi ka sando mpesomba-Do Ue Ala Anu Lalu i Wawono; onae lumako tumotowoo i Burahima tempono ipekule i Burahima inso numangi ira mokole, ka rumonsoo.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.