IBARANI 8:11 - Wunta Mempori

¹¹ Ka nahi ira mempaguru ira mbo'u pe'asa palilido, ka pada ondaedo mpepaekompo saru mpotae: To'ori Iramo i Ue! Hangano luwudo, langkai kodei, ira mento'ori Aku.

IBARANI 8:11 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 30:22

I Hisikia mohaweo luwuno pau mpo'unde-unde a luwuno to Lewi anu momoiko ntu'u a laro pompekakaako-Do i Ue. Kanandiomo mia dompongkaa kaanga oleo langkai atuu i larono opitu oleo, ka dompopesombaako pesomba tekaduduia ka po'unde-unde ndi Ondae i Ue, Ue Alano uempu'udo.

Esera 7:25

Omue Esera, pakeomo ponto'orimu inso ndi Ondae Ue Alamu anu Doweeko, kau potoro ira petewawa, puu mpobitara, ka domebitara ira luwuno palili anu mpo'ia i asa towano Koro Eparata, onaemo luwuno mia anu mponto'ori songka-Do Ue Alamu ka mia anu napi to'orio, asalakono paguruako ira.

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Yeremia 42:1

Ka i'amba mehawe iramo luwuno sorodadu langkai pangkano, i olodo i Yohanani anano i Kareahi ka i Asaria anano i Hosaia, saru luwuno palili, inso anu kodei hawe anu langkai.

Yeremia 42:8

Ka i'amba i Yeremia moboio i Yohanani anano i Kareahi ka luwuno sorodadu langkai pangkano anu perongano saru luwuno palili, inso anu kodei hawe anu langkai.

Yeremia 44:12

Aku umala ira to Yehuda anu da mentuwu anu montoo lumako i wita Masiri ta mo'ia gagi mia hawe i ra'ai. Luwudo ira memate i wita Masiri. Ondae ira ntebangku hangano ponai ka mate hangano mokoninggo; inso anu kodei hawe anu langkai ta mate hangano ponai ka mokoninggoa. Ondae ira megagi pontutundali, mongkokongiria, pontotonaa, ka mokoko'iia.

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Yehesikieli 34:30

Ira mento'orio nine Ongkuemo Ue, Ue Alado, kumongkomi ira, ka ondae suku Isaraeli, ondaemo bawaa-Ku, kanandiomo pau-Do Ue Ala.

Habaku 2:14

Hangano tolino ta bukeako ponto'ori mongkona maramba-Do i Ue, kana uwoi tumutuwio tahi molue.

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

WINEWEUDO TINENA 8:10

Luwuno mia, langkai kodei, mentondao ka dompotae, ”Mia andio onaemo pabawa-Do Ue Ala anu teto'ori gagi Pabawa Langkai.”

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.