IBARANI 8:10 - Wunta Mempori

¹⁰ ”Ka onaemo andio pedandia anu Kuweweuo saru suku Isaraeli umarino tempo atuu,” kanandiomo pau-Do i Ue. ”Aku numaao songka-Ku a mpinewowolo molinodo ka burio i laro aroado, ka Aku gagi Ue Alado ka ondae gagi bawaa-Ku.

IBARANI 8:10 ပူးပေါင်းရင်းမြစ်များ

Peluarakoa 24:4

I Musa burio luwuakoano pau-Do i Ue atuu. Tisomono mo'oru onae mowangu pontunua pesomba a mpuu torukuno atuu, saru hopulu ka orua tugu menunu saru hopulu ka orua tongku Isaraeli.

Peluarakoa 24:7

I'alao Wunta Pedandia atuu, ibasaako ira meroku i arodo tongku atuu ka dompotae, ”Luwuakoano pau-Do i Ue kami meweweuo ka mentondao.”

Peluarakoa 34:1

Mepau Iramo i Ue ndi Musa, ”Pompa'omo te'orua watu mengkena anu amba-ambano. Aku burio ia orua watu buriano songka atuu luwuno songka anu teburi a watu anu amba-ambano, anu pinerawo-rawomu atuu.

Peluarakoa 34:27

Mepau Iramo i Ue ndi Musa, ”Burio luwuno pau andio, hangano me'empehiako pau andio Aku mowutu pedandia saru omue ka to Isaraeli.”

Penani Maramba 2:16

Ongkuemo me'ueo pinehohawaku, ka ongkue onae me'ueo anu mompakambi bimba i tonga-tongano sisi bonse.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Yeremia 32:38

Ondae ira megagi bawaa-Ku ka Ongkue gagi Ue Alado.

Yeremia 32:40

Aku mowutu pedandia nahina tampulaano saru ondae, nine nahi Aku mebungkui ira, tendeano moweweu moiko ndi ondae. Aku numaao i laro aroado dumoitoa-Kune, ka si dome'olai inso ndi Ongkue.

Yehesikieli 37:27

Po'ianga-Ku mbo'u ta kongko ndi ondae ka Aku gagi Ue Alado ka ondae gagi bawaa-Ku.

Yehesikieli 39:22

Suku Isaraeli ira mento'orio nine Ongkuemo Ue, Ue Alado, mompu'u oleo atuu ka nahina tampulaano.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Sakaria 8:8

Aku wawa ira mpekule, ka dompo'ia i tonga-tongano Yerusale. Ka ondae mbo'u ira megagi bawaa-Ku ka Ongkue ta gagi Ue Alado a laro mpetenunu ka menteea.”

I MATIU 22:32

Ongkuemo Ue Alano i Burahima, Ue Alano i Saki ka Ue Alano i Yako? Ondae komba Ue Alado mia memate, tendeano Ue Alano mia tuwu.”

ROMA 11:27

Ka onaemo andio pedandia-Ku saru ondae, tewala Ku'oniniako ira halado.”

1 KORINTI 6:16

Ke nahi imento'orioke, nine isema anu mompe'asaako beine belesu, gagi me'asa ngkoroiakono? Hangano, kanandiomo pauno Wunta Mempori, ”Oruano ira gagi me'asa ihi.”

2 KORINTI 3:3

Hangano mengkaaomo, nine omiu wunta-Do i Kerisituu, anu binuri a pompekakaakomami, komba binuriako tinta, sine saru Penaa inso ndi Ondae Ue Ala anu tuwu, komba a dopi watu, tendeano a dopi i laro aroano mia.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 11:16

Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.

YAKOBU 1:18

A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

YAKOBU 1:21

Onaemo pu'uno imentadiomo luwuakoano anu mokoburu ka anu mosa'o anu hadio ntu'u atuu ka imentarimaomo te molusa-lusa pau anu tepaho i laro aroamiu, anu pabawa kumaduduio sumangamiu.

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako: