IBARANI 7:27 - Wunta Mempori

²⁷ anu komba kana luwuno sando mpesomba langkai susua, anu sompo oleo asalakono mpompesombaako pesomba hangano halado ondaedo ka umarino atuu ka i'amba hangano halado bawaano, hangano mongkona atuu Doweweuomo pohona tiano ranta nahina tampulaano, tempono Dopesombaakono koroi-Do Ondae-Do gagi pesomba.

IBARANI 7:27 ပူးပေါင်းရင်းမြစ်များ

Yehesikieli 43:19

weeako iramo sando mpesomba to Lewi inso a inuleno i Sadoki asa sapi lakino mongura tiano pesomba po'onini hala, hangano ondaemo anu moiko umpeda ndi Ongkue ka dompoweweu pesombaa, kanandiomo pau-Do Ue Ala.

Imama 16:11

I Haruni asalakono mompesombaako sapi lakino anu ta gagi pesomba po'onini halano onaeno ka moweweu pesintuwua tiano ka somborino. Asalakono isumbeleo sapi lakino atuu.

Imama 16:15

Umarino atuu onae asalakono sumumbeleo bembe lakino anu ta gagi pesomba po'onini halado tongku atuu ka wawao reano mewinso i bungkuno pelingo. Rea atuu asalakono wineweu kana iweweuo reano sapi lakino; asalakono itawisiakono i wawono ka i arono tutuwino pesintuwua atuu.

Imama 16:6

Ka i'amba i Haruni asalakono mompesombaako sapi lakino anu ta gagi pesomba po'onini halano ka kanandiomo ta gagi pesintuwua tiano ka somborino.

ROMA 6:10

Hangano mate-Do onaemo matea a hala, pohona ka ranta nahina tampulaano, ka tuwu-Do onaemo tuwua ndi Ondae Ue Ala.

EPESU 2:22

Ndi Ondae mewinangu komiu koa mbo'u gagi po'ianga-Do Ue Ala, a laro Mpenaa.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 5:1

Hangano sompo sando mpesomba langkai, anu bininiki inso I olodo mia, pinakosiako mia a mpenggoeado saru Ondae Ue Ala, ka ipesombaakono pesomba ka pesomba hangano hala.

IBARANI 5:3

anu asalakono onae mompesombaako pesomba hangano hala, komba butu tiado bawaa, sine tiano koa mbo'u koroino.

IBARANI 8:4

Ba Dondio i tolino andio, nahi Ira ntu'u gagi sando mpesomba, hangano i ndi'ai hinaomo mia anu mpompesombaako pesomba montonda songka Taura.

IBARANI 9:12

ka mewinso Iramo pohona a laro po'ianga mempori ranta nahina tampulaano komba saru mowawa reano bimba lakino ka reano ana nsapi, sine saru mowawa rea-Do Ondae-Do. Ka saru atuu mohawe Iramo tepotolaa anu nahina tampulaano.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

IBARANI 9:25

Ka Ondae komba mewinso temararu Dopesombaakono koroi-Do isa'a, kana Sando Mpesomba Langkai sompo ta'u dompewinso a mpo'ianga mempori saru rea anu komba reado ondaedo.

IBARANI 9:26

Hangano tewala kanandio asalakono mararu Dotebobarasai mompu'u ipinokogagi wawontolino andio. Sine kanandio-andio butu koa pohona Dopokomengkaao koroi-Do, a tempo pokotompa ka Do'oninio hala a pompesombaako-Do koroi-Do.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

IBARANI 9:7

sine i larono kema anu ko'orua butu koa Sando Mpesomba Langkai anu mewinso pohona i larono asa nta'u, ka asalakono saru rea anu ipesombaakono hangano koroino onaeno ka hangano luwuno polimpaia, anu wineweudo bawaano nahi dompokonto'orio.