IBARANI 7:26 - Wunta Mempori

²⁶ Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

IBARANI 7:26 ပူးပေါင်းရင်းမြစ်များ

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Peluarakoa 28:36

Omue asalakono moweweu lempe inso a wulaa mpena ka unggorio i wawono kana monggori sinsi pontondoni, ”Mempori ndi Ondae i Ue.”

Yesaya 53:9

Mia menaao kaburuno i olodo mia mosa'o gauno, ka kaburuno kongko i olono mia kaea, maupo nahi pobobarasai ka pompopo'oo nahina a laro ngangano.

Yehesikieli 44:27

A oleo ipewinso mbo'u a mpo'ianga mempori, a kintala i larono, ta moweweu pesomba a mpo'ianga mempori, onae asalakono mompesombaako pesomba po'onini halano, kanandiomo pau-Do Ue Ala.

Podoaa 29:26

Ia oleo ko'olima pesombaakonomo osio sapi lakino, orua bimba lakino ka hopulu ka opaa bimba lakino anu tinuwuno asa nta'u anu nahina tataano,

I MATIU 27:18

Lano ito'orio, nine dompeweengakonomo i Yesu hangano kohilido.

I MARAKUSU 16:19

Umari-Do i Yesu mepauako ira kanatuu, tetande Iramo lumako i suruga, ka Do'amba mentoro i koana-Do Ue Ala.

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

I LUKASI 23:22

Mepau i Pilatu anu kopentoluno ndi ondae, ”Mosa'oa hapa anu menteeano iweweuomo mia andio? Nahina maupo te'asa sala-Do anu hinaweku ndi Ondae, anu tekona saru pohuku mate. Gagi aku sumepi ira, ka ku'amba motola Ira.”

I LUKASI 23:41

Ontae lano tekona tohinuku, hangano montarima kita sulono anu menunu saru wineweuto, sine mia andio nahina te'asa wineweu-Do anu sala.”

I LUKASI 23:47

Mansano kumitao petewawado sorodadu hapa anu gagi, i'unde-unde Ira Ue Ala, ipotae, ”Mentee ntu'u, mia andio mia mentee!”

I LUKASI 24:26

Kombake i Mesia asalakono tebobarasaiako luwuno atuu ka Dopewinso a marambaa-Do?”

I LUKASI 24:46

Dopotaeako ira, ”Hinao teburi kanandio: I Mesia asalakono tebobarasai ka mewangu inso i olodo mia mate a oleo anu ko'otolu,

I YOHANE 14:30

Nami hadio mbo'u Kupepauakomiu, hangano anu pabawa i wawontolino andio hawe ka onae nahina pabawano maupo tedei a ngkoroi-Ku.

I YOHANE 8:29

Ka Ondae, anu tumena Akumo, Dokongkomi Aku. Nahi Dopo'inee Aku asa-asa-Ku, hangano Kuweweuo mpiha hapa anu Dopemoikoo.”

WINEWEUDO TINENA 3:14

Sine nahi imentarima Ira Anu Mempori ka Mentee, saru me'ineheakono asa mia anu mompepate gagi pompowee ndi omiu.

WINEWEUDO TINENA 4:27

Hangano menteeano mpepumpu iramo a laro ngkota andio i Herode ka i Pontiu Pilatu saru luwuno tongku ka suku tongku Isaraeli umewai Ira i Yesu, Tetenaa-Miu anu mempori, anu inurapi-Miu,

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

IBARANI 7:11

Onaemo pu'uno, ande-andeno a imamado to Lewi hinaweomo sompoano ntu'u – nde hangano imamado atuu bawaa Isaraeli mpontarima iramo Taura – hapake pu'uno da kinere asa mia susua pinakosi gagi sando mpesomba langkai montonda atorano i Melekisede ka anu mongkona onae nahi pinau montonda atorano i Haruni?

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.

1 PETURU 2:22

Nahi Dotehala, ka pompopo'oo nahina a laro nganga-Do.

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.

1 YOHANE 2:2

Ka Ondaemo mompokosintuwu a luwuno halato, ka komba butu halato, sine halado mbo'u asa wawontolino.

1 YOHANE 3:5

Ka imento'orio, nine mepokomengkaa Iramo, ka Dopahihio luwuno hala, ka ndi Ondae nahina hala.

MENGKAAA 3:7

”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.