IBARANI 7:25 - Wunta Mempori

²⁵ Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

IBARANI 7:25 ပူးပေါင်းရင်းမြစ်များ

Ayubi 22:17

Ondae atuu mpepau ndi Ondae Ue Ala, ”Olaimo inso ndi omami!” ka ”Anu Tedoa Pabawa mokompoweweu hapa ndi omami?”

Ayubi 23:3

Ha, ande-andeno kuto'orio isua kuhawe Ira, ka moiko ku'aiwa a mpo'ianga-Do.

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yesaya 45:24

saru mpotae: Moleoa ka roso butu hinao ndi Ondae i Ue. Luwuno mia anu tekuda ndi Ondae ta aiwa ndi Ondae ka mohawe mokoko'ii,

Yesaya 53:12

Onaemo pu'uno, Aku tumiaakono rinontu i olodo mia anu langkai potorodo; ka onae ta tumiao rinontu meronga mia memoroso, hangano ipeweengakonomo penaano a laro matea; hangano onae mbo'u tewinso i olodo anu mpe'ewa, kahinaano onae tumembio halano mia hadio, ka mekakai tiado mia anu mpe'ewa.

Yesaya 59:16

Dokitao nine nahina maupo te'asa mia anu mentade, ka Ondae tekonto hangano nahina anu mo'alaako. Ka kae-Do isa'a anu tumulungi Ira, ka moleoa-Domo anu tumulungi Ira.

Yesaya 63:1

”Isema onae anu hawe inso i Edomi, anu hawe inso i Bosora melembaako anu motaha, onae anu mewantaako sangkano, anu melempaako rosono anu langkai?” ”Ongkuemo anu mepau a moleoa ka anu pabawa mongkadudui!”

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Danieli 3:15

Kanandio-andio, tewala mpepatinda komiu, i tempono imerongeo unino tawuwua, siloli, katapi, geso-geso, gambusu, serudami ka mperupa-rupa anu me'uni, impenggolontumo mpesombaio tinaha anu wineweuku atuu! Sine tewala omiu nahi mpesomba, i tempo koa mbo'u atuu komiu mempinetadiako a laro api anu kolanga-langa. Pinesombai isuake anu polio motola komiu inso a ngkaeku?”

Danieli 3:17

Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 3:29

Onaemo pu'uno, kuluarakono parenta nine sompo mia inso a tongku, suku ke pau isuamo koa, anu mompau pontetewehi ndi Ondae Ue Alano i Sadaraki, i Mesaki ka i Abenego, ta binatu-batu ka rahano ta pinobangku gagi howuno anu terawo, hangano nahina pinesombai susua anu polio mompotola kanatuu.”

Danieli 6:20

Mo'o-mo'oru ntu'u tempono tebosi towea, mokole mewangu ka mompari-pari lumako a aano singa.

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

I YOHANE 14:13

ka hapa anu inemamiu a nee-Ku, Aku weweuo, ka Dopinokomaramba i Ama i larono Ana.

I YOHANE 14:16

Aku umemao ndi Ondae i Ama, ka Ira moweeakomiu aasa Pontulungi anu susua, ka ikongkomi komiu ranta nahina tampulaano,

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

ROMA 5:10

Hangano tewala ontae, tempono da me'ewa, mepinokosintuwu saru Ondae Ue Ala hangano mate-Do ana-Do, tamoako ontae, anu kanandio-andio mempinokosintuwu kitamo, manasa kita mengkinadudui hangano tuwu-Do!

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

ROMA 8:34

Ondae i Kerisituu Yesu, anu umari mate? Tendeano laluaopo mbo'u: anu mewangu Iramo, anu mentoro i koana-Do Ue Ala, anu tendeano gagi Puu Mpo'alaakoto?

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

EPESU 2:18

Nde hangano Ondae ontae anu orua ntia a laro aasa Penaa mpohawe pesalaa mewinso ndi Ondae i Ama.

EPESU 3:12

Ndi Ondae tompohawe mosiaa ka sala mewinso ndi Ondae Ue Ala ka mempine'ala-ala hangano pompe'ala-alato ndi Ondae.

EPESU 3:20

Ondaemo, anu mokompoweweu laluaopo ntu'u hadio sekonopo anu pinekakaiakoto, ke anu pinewowoloto, kana anu mengkaa inso a mpabawa anu mo'angga i laroto,

PILIPI 3:21

anu Ira balio koroito anu mongkokolaro andio, ranta ka ikana koroi-Do anu maramba, montonda pabawa-Do anu mokompetuunduo luwuakoano ndi Ondae.

1 TIMOTIU 2:5

Hangano Ondae Ue Ala atuu Asa-asa-Do ka Asa-asa-Do koa mbo'u anu gagi po'oloti olo-Do Ue Ala ka mia, onaemo mia Ondae i Kerisituu Yesu,

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

IBARANI 2:18

Nde hangano Ondae isa'a tebobarasaiako po'ara-arahako, ka Dopokotulungi ira anu me'inara-arahako.

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

IBARANI 5:7

A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.

IBARANI 7:16

anu gagi sando mpesomba komba mepu'uako luwuno atorano mia, sine mepu'uako tuwua anu nahi pokomate.

IBARANI 7:19

– hangano songka Taura nahina ntu'u ipowawa sompoano ntu'u – sine kanandio-andio pinosaba pomperorohia anu moikoopo, anu moko'umpeda kita ndi Ondae Ue Ala.

IBARANI 7:24

Sine, hangano nahi Dobali ranta nahina tampulaano, potoro-Do sando mpesomba nahi pokompelimba a mia susua.

IBARANI 7:8

Ka i ndi'ai luwuno mia anu ira memate mpontarima tia hopulu, ka i ra'ai Ondae, anu mongkona Ondae sinakosii, nine tuwu Ira.

IBARANI 9:24

Hangano Ondae i Kerisituu komba mewinso Ira a mpo'ianga mempori wineweuno kaeno mia anu butu koa gambarano inso anu menteeano, sine i laro nsuruga isa'a Dotepo'aroako Ira Ue Ala hangano ontae.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,