IBARANI 6:9 - Wunta Mempori

⁹ Sine, hei pepaekompoku luwu-luwu anu kinekewoiku, maupo kimpotae kanandio mongkona omiu, kimpe'ala-alao, nine hinao ndi omiu anu lalu moiko, anu mowawa tekaduduia.

IBARANI 6:9 ပူးပေါင်းရင်းမြစ်များ

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

I MARAKUSU 16:16

Isema anu mompe'ala-ala ka ibinaho ta kinadudui, sine isema anu nahi pompe'ala-ala ta hinuku.

WINEWEUDO TINENA 11:18

Mansado merongeo mongkona atuu, rodoomo aroado, ka do'amba me'unde-unde Ira Ue Ala, dompotae, ”Gaagi a luwuno tongku susua mbo'u Ondae Ue Ala moweeako ira tepidia anu wawa ira a ntuwua.”

WINEWEUDO TINENA 20:21

mesakosii aku mpiha a nto Yahudi ka a nto Yunani, ka dontepidi ndi Ondae Ue Ala ka mpompe'ala-ala ndi Ondae Ueto, i Yesu Kerisituu.

1 KORINTI 10:14

Onaemo pu'uno, pepaekompo luwu-luwu anu pinehohawaku, ime'olaiakonomo mpesomba a lahumoa!

2 KORINTI 12:19

Moro tehineomo imengkolaro-laro, nine kami mepokomentee i aromiu. I aro-Do Ue Ala ka a nee-Do i Kerisituu kipepau: luwuno andio, pepaekompo anu mempinehohawaku, ka igagi wanguno pompe'ala-alamiu.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

2 KORINTI 7:10

Hangano pompemasusa montonda po'ehe-Do Ue Ala mompokotepidi anu mowawa tekaduduia ka anu nahi ta pine'o'oleako, sine pompemasusa anu inso i wawontolino andio mowawa matea.

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

IBARANI 10:34

Lano memarasai komiumo saru mia anu mehinuku ka tempono irinontu arataamiu, mawongko aroamiu mentarimao mongkona atuu, hangano imento'orio, nine hinao arataamiu anu lalu moiko ka anu kongko mpiha.

IBARANI 10:39

Sine ontae komba mia anu memposuka ka memate, sine mia anu pompe'ala-ala ka anu mpohawe tuwua.

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.

1 PETURU 2:11

Pepaekompoku luwu-luwu anu pinehohawaku, kupatudu komiu, kana mia mehawe ka anu mpo'ungke tuwua, ka ime'olaiakono luwuno po'eheno koroi anu meteahako umewaio sumanga.

2 PETURU 3:1

Pepaekompo anu kinekewoi, ndiomo wunta anu ko'orua, anu kuburiakomiu. I larono orua wunta atuu ku'usahao poponto'orimiu anu mentee hangano luwuno pompopoto'ori,

1 YOHANE 2:7

Pepaekompo luwu-luwu anu kinekewoi, komba parenta wo'ohu anu kuburiakomiu, tendeano parenta tehineomo anu hinaomo ndi omiu inso a pompu'ano. Parenta tehineomo atuu onaemo pau anu imerongeomo.

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.