IBARANI 6:1 - Wunta Mempori

¹ Onaemo pu'uno aiwamo tomebintao pu'uno amba-ambano inso a pompaguru mongkona Ondae i Kerisituu ka tompelimba a tetiangino anu mentee. Si tomenaao mbo'u pu'uno tepidia inso a luwuno wineweu anu nahina tuduno, ka empehino pompe'ala-ala ndi Ondae Ue Ala,

IBARANI 6:1 ပူးပေါင်းရင်းမြစ်များ

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

I MATIU 21:29

Sumangki anano atuu: Moiko, ama. Sine nahi lako.

I MATIU 21:32

Hangano i Yohane aiwa montiso sala menteea ndi omiu, ka nahi mpe'ala-alao. Sine luwuno puu popumpu sima'ulu ka beine mebelesu mpe'ala-alao. Ka maupo imengkitao, sine lembuino nahi mpe'o'ole ka nahi mpe'ala-alao koa mbo'u.”

I MATIU 3:2

”Intepidimo, hangano Poparenta Nsuruga rangkuomo!”

I MATIU 4:17

Mompu'u tempo atuu Dopaleleo i Yesu, ”Tepidimo, hangano Poparenta Nsuruga rangkuomo!”

I MATIU 5:48

Onaemo pu'uno asalakono ka imemempori, mengkena kana mempori Amamiu anu i suruga.”

I MATIU 7:25

Ka i'amba metiiomo usa ka haweomo mowo, ka i'amba rumumpao angi raha atuu, sine raha atuu nahi tebangku hangano winangu a wawo watu.

I MARAKUSU 1:1

Ndiomo pompu'uano Lele Mawongkoa mongkona Ondae i Yesu Kerisituu, Ana-Do Ue Ala.

I MARAKUSU 6:12

Ka i'amba melako iramo mempaleleo nine mia asalakono ka itepidi,

I LUKASI 6:48

onae mengkena saru asa mia anu mowangu raha: Mia atuu kumekeo onda-ondalo ka inaao pondasino a wawo watu. Tempono hawe mowo ka irumpao raha atuu, nahi telelu raha atuu, hangano raha atuu moroso iwinangu.

I YOHANE 12:44

Sine mebooli Ira i Yesu Dopotae, ”Ba isema me'ala-ala Aku, komba ndi Ongkue ipompe'ala-ala, sine ndi Ondae, anu tumena Aku;

I YOHANE 14:1

”Si sala-laro aroamiu; impe'ala-ala Iramo Ue Ala, impompe'ala-ala mbo'u ndi Ongkue.

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

WINEWEUDO TINENA 11:18

Mansado merongeo mongkona atuu, rodoomo aroado, ka do'amba me'unde-unde Ira Ue Ala, dompotae, ”Gaagi a luwuno tongku susua mbo'u Ondae Ue Ala moweeako ira tepidia anu wawa ira a ntuwua.”

WINEWEUDO TINENA 17:30

Ka nami pinewowolo mbo'u tempo monge-mongea, ka kanandio-andio Dopaleleo Ue Ala a mia, nine isua-suamo koa luwudo asalakono ntepidi.

WINEWEUDO TINENA 2:38

Isangki ira i Peturu, ”Intepidimo ka po'ineeomo singge mia ka ipepebaho a nee-Do i Yesu Kerisituu ka ite'ampuni halamiu, ka komiu mpotarima pompowee Penaa mempori.

WINEWEUDO TINENA 20:21

mesakosii aku mpiha a nto Yahudi ka a nto Yunani, ka dontepidi ndi Ondae Ue Ala ka mpompe'ala-ala ndi Ondae Ueto, i Yesu Kerisituu.

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

1 KORINTI 13:10

Sine tewala hawe anu soompo, ka anu nahi sompo atuu ta moliu.

1 KORINTI 2:6

Maupo kanandio kimempaleleo ponto'ori i olodo anu morosoomo pompe'ala-alado, onaemo ponto'ori anu komba inso i wawontolino andio, ka komba inso a anu mempabawa i wawontolino, onaemo luwuno anu pabawa anu ira mempinokotampula.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

2 KORINTI 7:10

Hangano pompemasusa montonda po'ehe-Do Ue Ala mompokotepidi anu mowawa tekaduduia ka anu nahi ta pine'o'oleako, sine pompemasusa anu inso i wawontolino andio mowawa matea.

EPESU 2:1

I ndi'upua memate komiumo hangano luwuno polimpaimiu songka ka luwuno halamiu.

EPESU 2:5

motuwu kitamo meronga saru Ondae i Kerisituu, maupo tomematemo hangano luwuno salato – hangano pompehohawa mengkinadudui komiu –

EPESU 4:12

ka dopatinda ira mia memempori a mpo'anggaa mompekakaako, a mpowangua koroi-Do i Kerisituu,

KOLOSE 1:28

Ondaemo anu pinalelemami, tewala sompo-sompo mia kimempatudu ira ka sompo-sompo mia kimempaguru ira a luwuno ponto'ori, ka kiwawa ira sompo-sompo mia a morosono pompe'ala-ala ndi Ondae i Kerisituu.

KOLOSE 3:14

Ka i wawono luwuno atuu: impokonaomo pompehohawa, gagi powutu anu mompo'asa ka mompokosompo.

KOLOSE 4:12

Tabeano i Eparasi ndi omiu; onae asa mia inso i olomiu, tetenaa-Do i Kerisituu Yesu, anu mokua wela mekakaiakomiu, ka imemoroso mpentade, gagi mia anu sompo tinuwudo ka anu mpe'ala-alao ntu'u luwuakoano anu po'ehe-Do Ue Ala.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

1 TIMOTIU 6:19

ka ba kanandio mpopumpu aasa arataa gagi pepu'ua anu moiko a ngkoroino i tempo anu ta hawe ka domehaweo tuwua anu menteeano.

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.

IBARANI 12:13

ka pesalaano karumu pokomoleoomo, ka si tepolindu anu modingge, sine gagi tompa.

IBARANI 7:11

Onaemo pu'uno, ande-andeno a imamado to Lewi hinaweomo sompoano ntu'u – nde hangano imamado atuu bawaa Isaraeli mpontarima iramo Taura – hapake pu'uno da kinere asa mia susua pinakosi gagi sando mpesomba langkai montonda atorano i Melekisede ka anu mongkona onae nahi pinau montonda atorano i Haruni?

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

YAKOBU 1:4

Ka po'ineeomo modato aroa atuu ka ipohawe wua anu motaha, ka imegagi soompo ka moondo ka nahina makura maupo te'asa hapamo koa.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

1 YOHANE 4:12

Nahina maupo te'asa mia anu hori kumita Ira Ue Ala. Tewala memambe pehohawa kita, Ondae Ue Ala kongko Ira mpiha i laroto, ka pompehohawa-Do soompo i laroto.