IBARANI 5:9 - Wunta Mempori

⁹ ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

IBARANI 5:9 ပူးပေါင်းရင်းမြစ်များ

Po'unde-unde 45:17

Luwuno anamu ta umeu ira uempu'umu omue komotoro ira gagi langkai potorodo i asa wawontolino.

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Po'unde-unde 51:8

Menteeano, Omiu memoikoo moleo aroa, ka nahi teto'ori Omiu pauakune ponto'ori anu mentee.

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

Sakaria 6:15

Mia inso i olaiano ira me'aiwa mpetonda mpowangu raha-Do i Ue. Ka komiu mento'orio nine Ondae Ueno luwuakoano anu tumena aku aiwa ndi omiu. Mongkona andio ta gagi, tewala mentee ntu'u imperorongeakono pau-Do i Ue, Ue Alamiu.”

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I LUKASI 13:32

Dosangki ira i Yesu, ”Imelakomo ka imempauakono serigala atuu: Ongkue monsaari onitu nsa'o ka mompokotompa mia, a oleo andio ka tisomo, ka ko'otolu oleono Akumo umari.

I YOHANE 19:30

Umari-Do uminuo i Yesu anggoro mo'olo atuu, motae Iramo, ”Umariomo!” Ka Do'amba metuundu ka Dopeweengakono penaa-Do.

WINEWEUDO TINENA 3:15

Kanandiomo Ondae, Petewawa a ntuwua, impepate Iramo, sine Dowangu Iramo Ue Ala inso i olodo mia mate; ka mongkona luwuno atuu omamimo sakosii.

WINEWEUDO TINENA 4:12

Ka nahina tekaduduia maupo ndi sema sangkadio ndi Ondae, hangano i totono langi andio nahina nee susua anu wineeako a mia anu mokongkadudui kita.”

WINEWEUDO TINENA 5:32

Ka omamimo sakosii inso a luwuakoano atuu, omami ka Penaa Mempori, anu inso ndi Ondae Ue Ala a luwuno mia anu merorongeako Ira.”

ROMA 1:5

Omami mpohawe pompehohawa inso ndi Ondae ka potoro tinena anu tumaate ira luwu tongku, ka dompompe'ala-ala ka mpetenunu a nee-Do.

ROMA 10:16

Sine komba luwuno mia mentarimaomo lele moiko atuu. I Yesaya isa'a motae, ”Ue, isemake anu me'ala-alao pompalelemami?”

ROMA 15:18

Hangano nahi aku sapa mepau mongkona hapa anu susua, sangkadio mongkona hapa anu Doweweuomo i Kerisituu hangano ongkue, onaemo wawa ira tongku susua ka dompomperorongeako, hangano pau ka wineweu,

ROMA 2:8

sine pontekudaako ka bamburu ndi ondae anu mpo'ungke tiano koroido ondaedo, anu nahi dompetenunu a menteea, tendeano mpetenunu a wineweu mosa'o.

ROMA 6:17

Sine pontarimakasimo ndi Ondae Ue Ala! I ndi'upua omiu lano atano hala, sine kanandio-andio mpetenunu komiumo tompaano aroamiu a pompaguru anu pinotilaloakoomo ndi omiu.

2 KORINTI 10:5

Kimengkale-kaleo sompo pe'akalano mia ka mobangkuo sompo bente anu winanguno pompelangka-langkaino mia anu umewaio ponto'ori mongkona Ondae Ue Ala. Kimempabawaio luwuno pinewowolo ka mokompetuunduo ndi Ondae i Kerisituu,

PILIPI 2:12

Hei luwumiu pepaekompo anu pinehohawaku, mpomperorongeako komiu mpiha; onaemo pu'uno ime'anggaomo mpiha tekaduduiamiu saru medoito ka mpondende, komba butu kana i tempono da kukongko, sine laluaopo mbo'u kanandio-andio tempono nahi kukongko,

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

2 TIMOTIU 2:10

Onaemo pu'uno kupedatoo tumembio luwuno atuu tiado mia bininiki-Do Ue Ala, ka dompohawe koa mbo'u tekaduduia ndi Ondae i Kerisituu Yesu saru marambaa anu nahina tampulaano.

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

IBARANI 11:40

Hangano Ondae Ue Ala Dopatindaakitamo aasa anu lalu moiko; Ba nahi saru ontae nahi dompohawe hawe a sompoano.

IBARANI 11:8

Hangano pompe'ala-ala i Burahima metenunu, tempono ipinoboi ka ipelungka lumako i wita anu ta tumarimao gagi tia pusakano, ka i'amba melungka nahi to'orio po'ianga anu te'aroano.

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

IBARANI 9:12

ka mewinso Iramo pohona a laro po'ianga mempori ranta nahina tampulaano komba saru mowawa reano bimba lakino ka reano ana nsapi, sine saru mowawa rea-Do Ondae-Do. Ka saru atuu mohawe Iramo tepotolaa anu nahina tampulaano.

IBARANI 9:15

Onaemo pu'uno Ondaemo peposombu inso a aasa pedandia anu wo'ohu, ka dompokotarimao ondae anu mempinoboi iramo tia anu nahina tampulaano anu dinandi, hangano mate Iramo tumolosio luwuno polimpaia anu wineweuomo i larono pedandia anu amba-ambano.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

YUDASI 1:21

Impekariaomo koroimiu kanandio a laro pompehohawa-Do Ue Ala saru mensikorio pe'aroa-Do Ueto, i Yesu Kerisituu, tiano tuwua anu nahina tampulaano.