IBARANI 5:7 - Wunta Mempori

⁷ A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.

IBARANI 5:7 ပူးပေါင်းရင်းမြစ်များ

Po'unde-unde 22:24

omiu anu doitoako Ira i Ue, unde-unde Iramo, luwuno ana'ueno i Yako, unde-unde Iramo, ka imedoitoako Iramo, hei luwuno ana'ueno i Isaraeli!

Po'unde-unde 69:1

Tiano petewawado anu mpenani. Montonda nanino Sisi Bonse. Inso ndi Daudi.

Po'unde-unde 88:1

Penani. Penani po'unde-undeno inuleno i Kora. Tiano petewawa mpenani. Montonda nanino Mahalati Leanoti. Penani pompaguruno i Hemani, to Eserahi.

Yesaya 49:8

Kanandiomo pau-Do i Ue, ”I tempono pinemoiko, Aku sumangkiko, a oleo tekaduduia, Aku tumulungiko. Kudagaikomo ka pakosikomo gagi pedandia tiado luwuno mia, wali tumeahakono tolino ka tumia-tiao wita pusaka anu boni-boniomo,

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yesaya 53:3

Onae tinata ka dome'olaiakono mia, asa mia anu bukeako tebobarasaia ka leleo marasai mompemahaki. Mia mbo'u domentutuwio rupado ba domengkitao; kanatuumo itinata ka ndi ontae nahi tewinso a mporeke.

Imama 2:2

Ka i'amba pesomba atuu iwawao a luwuno anano i Haruni, luwuno sando mpesomba atuu. Sando mpesomba mo'ala inso a mpesomba atuu asa raku tarigu, lana ka luwuno dupa, ka i'amba tumunuo luwuno atuu i wawono meda pontunua pesomba gagi pepopoto'ori, pesomba tinunuako api anu woono mokomawongkoo aroa-Do i Ue.

I MATIU 27:46

Bara'ura langku otolu mebooli Iramo i Yesu meroku, ”Eli, Eli lama sabakhtani?” Pengkonaano: Ue Ala-Ku, Ue Ala-Ku, tembio ka Ibinta Aku?

I MATIU 27:50

Mebooli Ira mbo'u i Yesu meroku ka Do'amba meweengakono penaa-Do.

I MARAKUSU 15:34

Ka a langku otolu mebooli Iramo meroku i Yesu, ”Eloi, Eloi, lama sabaktani?”, anu pengkonaano: Ala-Ku, Ala-Ku, tembio ka Ibinta Aku?

I MARAKUSU 15:37

Ka Do'amba i Yesu mebooli meroku ka meweengakono penaa-Do.

I LUKASI 23:46

Ka Do'amba i Yesu mebooli meroku, ”Oo Ama, A ngkae-Miu Kupeweengakono penaa-Ku.” Ka umari-Do mepau kanandio Dopeweengakono penaa-Do.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 11:35

Ka mengese Iramo i Yesu.

I YOHANE 11:42

Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.”

I YOHANE 17:1

Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

IBARANI 10:10

Ka hangano po'ehe-Domo andio mempinokomempori kitamo ranta nahina tampulaano hangano pompesombaako-Do koroi-Do i Yesu Kerisituu.

IBARANI 10:5

Onaemo pu'u tempono Dopewinso i wawontolino, mepau Ira, ”Pesomba ka anu pinesombaako nahi Ipe'eheo – sine koroi Ipatindaa-Kunemo –.

IBARANI 11:7

Hangano pompe'ala-ala, onaemo i Noho – saru pontiso-Do Ue Ala mongkona hapa anu napi tengkita – saru metenunu ipatindao Bangka kaduduido pe'asa rahano ka hangano pompe'ala-ala atuu ihukuo wawontolino, ka onae tinantui montarima menteea, menunu saru pompe'ala-alano.

IBARANI 12:28

Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

1 YOHANE 4:3

ka sompo penaa, anu nahi pe'ala-ala Ira i Yesu, komba te'inso ndi Ondae Ue Ala. Penaa atuu onaemo penaa anu umewai Ira i Kerisituu ka mongkona onae imerongeomo, nine ta hawe ka kanandio-andio kongkoomo i wawontolino.

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.