IBARANI 4:3 - Wunta Mempori

³ Hangano ontae anu mpompe'ala-ala, kita mpewinso a mpo'ianga penaa-naaa kana anu pinau-Do, ”Ranta ka Kupesumpa a laro ntekuda-Ku: Nahi ira mpewinso a mpo'ianga penaa-naaa-Ku,” maupo umariomo anggaa-Do mompu'u ipinokogagi wawontolino.

IBARANI 4:3 ပူးပေါင်းရင်းမြစ်များ

Tegagia 1:31

Dokitao Ue Ala luwuno anu pinokogagi-Do atuu, mengkaa tedoa moiko. Ka i'amba gagiomo ngkiniwia ka gagiomo mo'oru; onaemo oleo ko'onoo.

Po'unde-unde 95:11

Onaemo pu'uno, ka Kupesumpa a laro ntekuda-Ku, ”Nahi ira hori mpewinso a wita penaa-naaa-Ku.”

Peluarakoa 20:11

Nde onoo oleo Ondae i Ue mokogagio langi ka wawontolino, tahi ka luwuno ihino, ka menaa-naa Ira a oleo ko'opitu. Onaemo pu'uno Ondae i Ue rumonsoo oleo Saba ka mokomemporio.

Yesaya 28:12

Mepau Iramo ndi ondae, ”Onaemo andio po'ianga penaa-naaa, poweeako iramo penaa-naado mia anu mokendo; ndiomo po'ianga tetoroa!” Sine nahi domebehe mperorongeakono.

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

Yehesikieli 20:38

Aku monsiao inso ndi omiu luwuno mia anu umewa ka mpebungkui Aku. Aku wawa ira mpeluarako inso i wita andio, po'iangado gagi mia hawe, sine nahi ira mpewinso i wita Isaraeli. Ka komiu mento'orio nine Ongkuemo Ue.

I MATIU 13:35

ka i'inihii koa pau anu pinaudo nabi, ”Aku mepau pauo potundaano, Aku pauo anu tewuni mompu'u ipinokogagi wawontolino.”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

IBARANI 3:11

onaemo ka Kupesumpa a laro ntekuda-Ku: Nahi ira mpewinso a mpo'ianga penaa-naaa-Ku.”

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

IBARANI 9:26

Hangano tewala kanandio asalakono mararu Dotebobarasai mompu'u ipinokogagi wawontolino andio. Sine kanandio-andio butu koa pohona Dopokomengkaao koroi-Do, a tempo pokotompa ka Do'oninio hala a pompesombaako-Do koroi-Do.

1 PETURU 1:20

Bininiki Iramo se'eluno ipinokogagi wawontolino, sine – hangano omiu – ka Do'amba mepokomengkaa a pokotompaano tempo.