IBARANI 4:13 - Wunta Mempori

¹³ Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

IBARANI 4:13 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

2 Tawarika 6:30

po'ineeomo Iperorongeakono i suruga po'ianga-Miu mpiha. Po'ineeomo I'ampunio, Iweweuo ka sumuloo sompo mia menunu saru luwuno wineweuno, hangano Omiu tumo'orio aroano. Mentee ntu'u butu koa Omiu anu tumo'orio aroano luwuno anano mia,

Ayubi 26:6

Po'iangado mia mate te'ungkahi i aro-Do Ue Ala, po'ianga matea mbo'u nahina ulono.

Ayubi 34:21

Hangano mata-Do dumagaio sala ntumuwuno mia, ka Dokitao luwuno pelempano;

Ayubi 38:17

Nde te'ungkahike pewowa langkaino matea ndi omue, ke horikoke kumitao pewowa langkai worikidi?

Po'unde-unde 139:4

Hangano eloku napi poluarako pau, menteeano, luwuno Ito'oriomo, oo Ue.

Po'unde-unde 44:21

Ande-andeno kimengkolupeo nee-Do Ue Alamami, ka mentandeo kaemami a mpinesombai susua,

Po'unde-unde 7:9

Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Po'unde-unde 90:8

Salamami Inaao i aro-Miu, tendeano maupo anu tewuni a laro wantano rupa-Miu.

Powadi 15:11

Tolinodo mia mate ka matea te'ungkahi i aro-Do i Ue, tamoako mbo'u aroano anano mia!

Powadi 15:3

Mata-Do i Ue kongko a luwuno po'ianga, kumitao mia moweweu mosa'o ka mia moweweu moiko.

Powadi 5:21

Hangano luwuno pesalaano mia te'ungkahi i arono pongkita-Do i Ue, ka luwuno pelempano mia Dodagaio.

Puu Pontutulu 12:14

Menteeano Ondae Ue Ala Ira wawao luwuno wineweu a mpebitaraa anu tinonda a luwuno anu tewuni, ke atuu moiko, ke atuu mosa'o.

Yeremia 16:17

Hangano mata-Ku te'aro a luwuno peleludo. Luwuno atuu nahi tewuni inso a pongkita-Ku, ka sala mpoweweudo mbo'u nahi tererei inso a pongkita-Ku.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 23:24

Ande-andeno asa mia mewuni a mpo'ianga tewuni, nde nahi Aku kumitaoke? kanandiomo pau-Do i Ue. Kombake Kubuketio langi ka tolino? kanandiomo pau-Do i Ue.

Yeremia 29:23

hangano mpoweweu iramo benge-bengea i Isaraeli, mpososabo iramo saru kombiano pe'asa miado ka mpompau iramo pau mpegaupi anu nahi Kuparentaako ira. Ongkue isa'a anu tumo'orio ka sumakosiio, kanandiomo pau-Do i Ue.”

Danieli 2:22

Ondaemo anu mosabao luwuakoano anu nahi kinookoo ka tewuni. Ondae tumo'orio hapa anu kongko a laro wongi-wongi, ka mewine kongko ndi Ondae.

I MATIU 6:4

Po'ineeomo pompowee anu mentee atuu ka itewuni iwineeako, ka Ondae Amamu kumitao anu tewuni Ira sumuloakomu.”

I YOHANE 2:24

Sine Ondae i Yesu isa'a nahi Dope'ala-ala ira, hangano Doto'ori ira luwu,

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

I YOHANE 4:16

Dopotae i Yesu ndi onae, ”Lakomo, poboiomo tamamu ka i'aiwa i ndi'ai.”

WINEWEUDO TINENA 17:31

Hangano Dopakosiomo aasa oleo, a tempo isua Dobitarao temoleo wawontolino anu ta umanggao aasa mia anu Dopakosiomo, umari-Do moweeako ira luwuno mia aasa pompokomanasa mongkona atuu onaemo wangu Ira inso i olodo mia mate.”

ROMA 2:16

Mongkona atuu ta mengkaa a oleo, menunu saru Lele Mawongkoa anu kupaleleo, Ondae Ue Ala Ira bitarao luwuakoano anu tewuni i laro aroano mia, hangano Ondae i Yesu Kerisituu.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”