IBARANI 4:12 - Wunta Mempori

¹² Hangano pau-Do Ue Ala tuwu ka moroso ka montasoopo sekono ponai isuamo koa anu memata patimbali; onae meduhu tedoa ondalo ranta monsuao sumanga ka penaa, luwuno lodi-lodi ka unto wukulaa; onae polio mosisinggeo pontimbanga ka pinewowolono aroato.

IBARANI 4:12 ပူးပေါင်းရင်းမြစ်များ

Po'unde-unde 110:2

Tuko poparentaamu Ira motolao i Ue inso i Sioni: poparentamo i olodo iwalimu!

Po'unde-unde 119:130

Luwuno pau-Miu anu pinosaba mompokomewine, moweeako ira ponto'ori a mia anu napi hina pinembasaino.

Po'unde-unde 139:2

Omiu tumo'orio tempono kupentoro ke mentade, Omiu mokonto'orio pinewowoloku inso olai.

Po'unde-unde 149:6

Po'ineeomo dompelangkai Ira Ue Ala saru mpebooli meroku, ka saru ponai memata orua a ngkaedo,

Po'unde-unde 45:3

Omue anu tedoa montama i olodo luwuno anano mia, pe'aroa te'uwu a wiwimu, onaemo pu'uno Doronsokomo Ue Ala ranta nahina tampulaano.

Powadi 5:4

sine lembuino onae mopa'i kana upeu, ka montaso kana ponai memata orua.

Puu Pontutulu 12:11

Pauno mia monto'ori kana untuno tuko ponsaari pinotuwu ka luwuno bawaano kana paso anu mentepaho, anu iweeakono asa puu mpompakambi.

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 49:2

Doweweuo ngangaku kana ponai montaso ka mekaria aku a pokongkomino kae-Do. Dopokogagi aku ana mpana anu montaso ka wuni aku a laro ngkadu pana-Do.

Yesaya 55:11

kanandiomo pau-Ku anu meluarako inso a nganga-Ku: onae nahi ta mekule mpena ndi Ongkue, sine onae ta weweuo hapa anu inehe-Ku, ka ta mehasili a hapa anu Kutenaakono.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 23:29

Kombake pau-Ku kana api, kanandiomo pau-Do i Ue ka kana palu-palu anu morawo pongku watu?

I LUKASI 8:11

Ndiomo pengkonaano potundaano atuu: Inii atuu onaemo pau-Do Ue Ala.

I YOHANE 12:48

Ba isema nahi tarima Aku ka nahi tarimao pau-Ku, onae hinaomo puu mpobitarano, onaemo pau anu Kupauomo, onaemo atuu anu ta gagi puu mpobitarano a tampulaano wawontolino.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

WINEWEUDO TINENA 2:37

Mansado merongeo mongkona atuu tedoa te'urense aroado, ka do'amba mpotaeakono i Peturu ka tinena anu mehano, ”Hapamoke kami mpombio, pepaekompo?”

WINEWEUDO TINENA 4:31

Ka tempono kontongaado mpekakai, leluomo po'iangado mpepumpu atuu ka mebukeako ira luwu Penaa Mempori, ka i'amba memosia iramo mempaleleo pau-Do Ue Ala.

WINEWEUDO TINENA 5:33

Rumongeo pau atuu tedoaomo mahaki aroado ka tinoodo mepate ira tinena atuudo.

WINEWEUDO TINENA 7:38

I Musamo andio anu gagi po'oloti a bawaa i pada one i olodo mala'eka anu mepau ndi onae i torukuno Sinai ka uempu'uto; ka onaemo anu tumarimao pau anu tuwu ka ipohaweo ndi omiu.

ROMA 1:16

Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

1 KORINTI 1:24

sine ndi ondae anu mempinoboi, moiko to Yahudi, maupo mia komba to Yahudi, Ondae i Kerisituu onaemo moroso-Do Ue Ala ka ponto'ori-Do Ue Ala.

2 KORINTI 2:17

Hangano nahi kimpengkena saru hadio mia susua anu mpo'ungke urado inso a mpau-Do Ue Ala. Tendeano ndi Ondae i Kerisituu kimempauo a menteeano saru luwuno tinoo anu molino a mpetena-Do Ue Ala ka i aro-Do.

2 KORINTI 4:2

Sine nahi kimentarimao luwuno wineweu tewuni anu mompokoko'ii; nahi kimpompopo'oo ka nahi kimebalio pau-Do Ue Ala. Tendeano kimpokomengkaao menteea ka hangano kanandio kimpeweengakono koroimami ka domentimbangao luwuno mia i aro-Do Ue Ala.

EPESU 5:13

Sine luwuakoano anu iposabaomo mewine atuu gagi tengkita, hangano luwuno anu tengkita onaemo mewine.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

EPESU 6:17

ka imentarimaomo songko tekaduduia ka ponai-Do Penaa, onaemo pau-Do Ue Ala,

1 TESALONIKA 2:13

Ka onaemo pu'uno nahi otu-otu kime'une-unde Ira mbo'u Ue Ala, hangano imentarimaomo pau-Do Ue Ala anu pinalelemami atuu, komba kana paudo mia, sine – ka lano mentee ntu'u kanandio – kana pau-Do Ue Ala, anu mo'angga koa mbo'u i laromiu anu mpompe'ala-ala.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

IBARANI 13:7

Impewowolo ira koa petewawamiu, anu mempauomo pau-Do Ue Ala ndi omiu. Impepenteeo tompaano tumuwudo ka imempandirio pompe'ala-alado.

IBARANI 6:5

ka anu menamio pau anu moiko inso ndi Ondae Ue Ala ka luwuno pompoweeno wawontolino anu ta hawe,

YAKOBU 1:18

A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

MENGKAAA 1:16

Ka a ngkae koana-Do mo'ini Ira opitu anano wula ka inso a nganga-Do meluarako aasa ponai montaso memata orua, ka rupa-Do mewanta kana mata'oleo anu mokula ntu'u.

MENGKAAA 19:15

Ka inso a nganga-Do meluarakoomo aasa ponai montaso anu ta numangio luwuno tongku. Ka Ira pakambiako ira tuko labu ka Ira momporo'i anggoro a mpogilia anggoro, onaemo bamburuno tekuda-Do Ue Ala, Anu Tedoa Pabawa.

MENGKAAA 19:21

Ka luwuno mia susua mempinepateako ponai, anu meluarako inso a nganga-Do Anu Mesawi a ngara atuu; ka luwuno manu-manu memowohiako baudo.

MENGKAAA 2:16

Onaemo pu'uno tepidimo! Tewala nahi kanandio, Aku koa ronga aiwa ndi omue ka Aku meteaako ira mompake ponai anu a nganga-Ku andio.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

Puu Mpobitara 3:16

Ka i Ehu moweweu ponai montaso mompombali, anu ondauno asa hiku, iwunio a laro lembano, ia puu mpa'ano anu koana.