IBARANI 3:9 - Wunta Mempori

⁹ I ra'ai uempu'umiu me'ara-arahakoa-Kune po'arahako, maupo domengkitao luwuno wineweu-Ku, pato pulu nta'u tehineno.

IBARANI 3:9 ပူးပေါင်းရင်းမြစ်များ

Po'unde-unde 95:9

i tempono dome'ara-arahako Aku uempu'umiu, me'arahako Aku, kahinaano domengkitao wineweu-Ku.

Peluarakoa 19:4

Omiu isa'a mengkitao anu wineweu-Ku a nto Masiri, ka ba kana'umpe Kutande komiu a wawo mpanino kongka wawa komiu ndi Ongkue.

Peluarakoa 20:22

Mepau Iramo i Ue ndi Musa, ”Kanandiomo pauako ira to Isaraeli: Imensakosiiomo, nine Ongkue mepau ndi omiu inso i langi.

Amosi 2:10

Kahinaano Ongkuemo anu tumaate komiu mpeluarako inso i wita Masiri ka wawa komiu i larono pato pulu nta'u i pada one, ka impetorokio witado to Amori.

Podoaa 14:33

ka luwuno anamiu ira mpelakopi gagi puu mpopakambi i pada one ilarono pato pulu nta'u ka ira mentembio nahi petenunumiu ranta luwuno wata ngkoroimiu pingko i pada one.

I LUKASI 7:22

Ka Dosangki ira i Yesu, ”Ilakomo, ka ipauakono i Yohane hapa anu kinitamiu ka rinongemiu. Mia morawu mongkita, mia pungku melempa, mia haki ngkuli mesaki gagi toompa, mia mobongo moronge, mia mate winangu ka a mia memongkokolaro pinaleleako lele moiko.

WINEWEUDO TINENA 13:8

Sine i Elimasi – kanandiomo neeno a mpau Yunani –, puu ponsihiri atuu, umewai ira ka i'ungkeakono mokopansiao guberenuu atuu inso a pompe'ala-alano.

WINEWEUDO TINENA 7:36

Onaemo anu wawa ira mpeluarako saru mompokohina anu mengkinohali-haliako ka hadio petondoni i wita Masiri, i Tahi Motaha ka i pada one, patopulu nta'u tehineno.

Winali 11:7

Hangano, imengkitaakonomo matamiu luwuno wineweu-Do i Ue anu langkai.

Winali 29:2

I Musa moboi ira luwuno to Isaraeli, ka i'amba motae ndi ondae kana itotono andio. Imengkitaomo luwuno anu wineweu-Do i Ue i wita Masiri i arono matamiu ndi Pirao, luwuno pegawaino ka luwuno witano.

Winali 4:3

Ukitaakonomo matamu hapa anu wineweu-Do i Ue a Baala-Peori. Hangano, luwuno mia anu tumondao Baala-Peori umariomo Doropu ira i Ue, Ue Alamiu inso i tonga-tongamiu,

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

Winali 8:4

Sangkamiu nahi gagi mosa'o a ngkoroimiu ka karumiu nahi gagi kamba i larono pato pulu nta'u andio.

Yosua 23:3

Imengkitaomo luwuno anu wineweu-Do i Ue, Ue Alamiu, ia luwuno tongku i ndi'ai hangano omiu, nde Ondae i Ue, Alamu, Ondae anu me'iwaliakomiu.

Yosua 24:7

Mpebooli ira ndi Ondae i Ue, onaemo ka Dopokowongi-wongio olo miu ka to Masiri, ka Dopokonte'ilio tahi, ka domemate mo'opo. Imengkitaakonomo matamiu, hapa wineweu-Ku ia nto Masiri. Umari atuu mapata'u-ta'u tehineno impo'ia i pada one.

Yosua 5:6

Nde patopulu nta'u tehineno to Isaraeli atuu dompelempa molaloo pada one, memate iramo luwu luwudo tongku atuu, onaemo sorodadu anu mpeluarako inso i Masiri, anu nahi domporonge pau-Do i Ue. Ndi ondae atuu Dosumpa iramo Ue, komba ira me'ineheako pewinso ia wita anu domedinandiako Ira i Ue saru mesumpa ndi ondae ue mpu'udo, ira mpeweengakono ndi ontae, wita anu tedoa hadio susu ka siu hoani.