IBARANI 3:6 - Wunta Mempori

⁶ sine Ondae i Kerisituu metenunu gagi Ana anu metewawa a raha-Do; ka raha-Do onaemo ontae, tewala mehawe kita a pokotompaano mpe'ini moroso a pompe'ala-ala ka pomperorohia anu pinemawongkoto.

IBARANI 3:6 ပူးပေါင်းရင်းမြစ်များ

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Yehesikieli 46:10

Mokole merongaako ira; ondae mewinso tempono dompewinso ka meluarako tempono dompeluarako.

I MATIU 10:22

Ka ira me'o'aliaakomiu luwuno mia hangano nee-Ku; sine mia anu mompedato hawe a pokotompaano ta tekadudui.

I MATIU 16:18

Ka Kupauakomu mbo'u: Omuemo i Peturu ka a wawo watu manaha andio Aku wanguo bawaa-Ku ka nahi ta pabawaio matea.

I MATIU 24:13

Sine mia anu mompetea hawe pokotampulaano ta tekadudui.

ROMA 11:22

Onaemo pu'uno imengkitaomo pe'aroa-Do Ue Ala ka motea-Do, onaemo motea Ira a mia anu mentedonta iramo, sine ndi omiu pe'aroa-Do, onaemo tewala mekongko komiu mpiha a mpe'aroa-Do; tewala naahi, komiu koa me'inonini mbo'u.

ROMA 12:12

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

1 KORINTI 3:16

Nahi imento'orioke, nine omiu raha-Do Ue Ala ka nine Penaa-Do Ue Ala mo'ia i laromiu?

1 KORINTI 6:19

Ke nahi imento'orioke, nine koroimiu onaemo raha-Do Penaa Mempori anu mo'ia i laromiu, Penaa Mempori anu hinawemiu inso ndi Ondae Ue Ala, — ka nine omiu komba omiu isa'a mpe'ueo?

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

GALATIA 6:10

Onaemo pu'uno, tekonai da hinao tempoto, aiwamo ka tompoweweu moiko a luwuno mia, sine tamoako lahi a wali-walito pe'asa pompe'ala-ala.

GALATIA 6:9

Si tonte'osa mpoweweu moiko, hangano tewala haweomo tempono, kita mensowi, tewala komba gagi kita memolema.

EPESU 3:12

Ndi Ondae tompohawe mosiaa ka sala mewinso ndi Ondae Ue Ala ka mempine'ala-ala hangano pompe'ala-alato ndi Ondae.

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

1 TESALONIKA 5:16

Imemawongkomo mpiha.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

1 TIMOTIU 3:15

Gaagi tewala nahi kuronga hawe, uto'oriomo ba kana'umpe asalakono mia domentuwu gagi ihino sombori-Do Ue Ala, onaemo bawaa-Do Ue Ala anu tuwu, karu pontumbo ka pu'uno menteea.

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.

IBARANI 10:19

Gaagi, luwuno pepaekompo, hangano rea-Do i Yesu ontae kanandio-andio memosia kitamo mpokompewinso a laro po'ianga mempori,

IBARANI 10:21

ka ontae hinao asa mia Sando Mpesomba Langkai gagi petewawa a Raha-Do Ue Ala.

IBARANI 10:23

Aiwamo tompe'ini moroso a pomperorohiato anu tomemangakuakono, hangano Ondae anu dumandio, nahi bali.

IBARANI 10:35

Onaemo pu'uno si mpotolao pompe'ala-alamiu, hangano langkai tambo anu sumikorio.

IBARANI 11:1

Pompe'ala-ala onaemo pu'uno luwuakoano anu pinerorohito ka tondonino luwuakoano anu nahi tomengkitao.

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

IBARANI 4:11

Onaemo pu'uno moikoomo tompeteahako ka tompewinso a laro mpenaa-naaa atuu, ka si tedonta maupo te'asa mia hangano montonda pandiri nahi pomperorongeako mbo'u atuu.

IBARANI 4:14

Hangano ontae kanandio-andio hinao Sando Mpesomba Langkai Maramba, anu telaloiomo asa wawo langi, onaemo Ondae i Yesu, Ana-Do Ue Ala, moikoomo tompe'ini moroso a mangakua pompe'ala-alato.

IBARANI 4:16

Onaemo pu'uno ime'aiwamo tomemosia me'umpedaakono kadera poparentaa pe'aroa, ka tomentarimao pompehohawa ka mehaweo pe'aroa ka tomehaweo pontulungi a tempono.

IBARANI 6:11

Sine inehemami, ka isingge mpopokitao bobotolino aroamiu anu mengkena mokogagio pomperorohimiu asa pe'umbua anu manasa, hawe a pokotompaano,

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

IBARANI 7:19

– hangano songka Taura nahina ntu'u ipowawa sompoano ntu'u – sine kanandio-andio pinosaba pomperorohia anu moikoopo, anu moko'umpeda kita ndi Ondae Ue Ala.

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 4:17

Hangano kanandio-andio haweomo tempono ipinu'u pobitaraa, ka a raha-Do isa'a Ue Ala anu asalakono amba-ambano binitara. Ka tewala pobitaraa atuu pinu'u ndi ontae, kana'umpeke pokotompaano ondae anu nahi dompe'ala-alao Lele Mawongkoa-Do Ue Ala?

MENGKAAA 2:18

”Ka buriakonomo mala'ekado bawaa i Tiatira: Ndiomo pau-Do Ana-Do Ue Ala, anu mata-Do kana langano api ka karu-Do kana mala:

MENGKAAA 2:25

Sine hapa anu hina ndi omiu, ime'iniomo atuu ranta ka Kuhawe.

MENGKAAA 2:26

Ka ba isema monangi ka weweuo anggaa-Ku hawe pokotompaano, ndi onae Aku weeakono pabawa a luwuno tongku,

MENGKAAA 3:11

Aku ronga hawe. Iniomo hapa anu kongko ndi omue, ka si hina maupo te'asa mia umalao ramba-ramba ulumu.