IBARANI 3:12 - Wunta Mempori

¹² Impetangkoromo, hei luwuno pepaekompo, ka si hinawe te'asa mia i olomiu anu mosa'o aroano ka anu nahi pompe'ala-ala hangano ihapu Ira Ue Ala anu tuwu.

IBARANI 3:12 ပူးပေါင်းရင်းမြစ်များ

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

Ayubi 21:14

Sine dompotae ndi Ondae Ue Ala: Olaimo inso ndi omami! Nahi kimebehe mento'ori ira pesalaa-Miu.

Ayubi 22:17

Ondae atuu mpepau ndi Ondae Ue Ala, ”Olaimo inso ndi omami!” ka ”Anu Tedoa Pabawa mokompoweweu hapa ndi omami?”

Po'unde-unde 18:21

Ondae i Ue weweu aku menunu saru menteeku, Ondae paguru aku menunu saru memporino kaeku.

Powadi 1:32

Mentee ntu'u, mia anu napi hina pinembasaino ta mateako moteano aroano, ka mia monge-monge ta mateako nahi pomperiono.

Yesaya 59:13

mpe'ewa kamimo ka humapu Ira i Ue, ka mepansia inso ndi Ondae Ue Alamami. Mpontoo kami porontua ka mpoweweu anu molengku, mentiaako pegaupi a laro aroa ka mpe'anaakono a mpau.

Yeremia 11:8

Sine, nahi dobehe mperorongeakono ke mpo'aroo birido. Ondae singge mentondao moteano aroado anu mosa'o ranta ka Kupotiiako ira luwuno pau pedandia, anu umariomo Kupeparentaako ka i wineweu, sine nahi domeweweuo.”

Yeremia 16:12

Omiu isa'a mpoweweu laluaopo mosa'o sekonopo uempu'umiu! Kitao, omiu singge mia montonda aroano anu motea ka mosa'o sekonopo merorongea-Kune.

Yeremia 17:5

Kanandiomo pau-Do i Ue, ”Tetotonaaomo mia anu momperorohi mia, anu mehonda a rosono koroino, ka anu aroano olai inso ndi Ondae i Ue!

Yeremia 17:9

Aroa atuu hadio akalano lumaloio luwuakoano, ka nahi tepomule; isema anu mokonto'orio?

Yeremia 18:12

Sine dompotae: Siimo nahina tuduno! Hangano omami kami mentuwu montonda tinoomami ka singge mia ta moweweu montonda aroano anu motea ka mosa'o.”

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yeremia 3:17

I tempo atuu Yerusale ta pinau kadera poparentaa-Do i Ue, ka luwuno tongku ira mpepumpu i ra'ai, i Yerusale a nee-Do i Ue, ka nahi ira mpelelu tumondao aroado anu motea ka mosa'o.

Yeremia 7:24

Sine nahi domebehe mperorongeakono ke menta'oo birido, tendeano mentondao luwuno tinoo ka moteano aroado anu mosa'o, ka ondae mpopokitao bungkudo ka komba arodo.

Yehesikieli 14:5

ka Kupopandeio aroado suku Isaraeli, anu luwudo mentonda ira lahumoado onaemo ka domepansia inso ndi Ongkue.

Hosea 1:2

Tempono Ondae i Ue mompu'u mepau molalo i Hosea, mepau Iramo ndi Hosea, ”Lakomo, kombiaomo asa beine belesu ka pe'ue iramo ana belesu, hangano wita andio inehedo mpebelesu saru mpebungkui Ira i Ue.”

I MATIU 16:16

Ka sumangkiomo i Simo Peturu, ”Omiumo i Mesia, Ana-Do Ue Ala anu tuwu!”

I MATIU 24:4

Sumangki Ira i Yesu ndi ondae, ”Impetangkoromo ka si dompopo'oo komiu mia!

I MARAKUSU 13:23

Impopesu'uimo! Se'eluomo Kupauakomiu luwuno andio.”

I MARAKUSU 13:33

”Impopesu'uimo ka impetangkoromo! Hangano nahi imento'orio ba te'ipia ihawe tempono.

I MARAKUSU 13:9

Sine omiu andio, impetangkoromo! Komiu mempineweengako a majelisi agama ka komiu mentinunduhi a raha tepumpua ka komiu mewinawa i arodo anu mempabawa ka luwuno mokole hangano Ongkue, gagi sakosiido.

I LUKASI 21:8

Dosangki ira, ”Impetangkoromo, ka si ntepopo'oo. Hangano hadio mia ira mehawe mpeneeako nee-Ku ka dompotae: Ongkuemo Ondae, ka: Rangkuomo tempono. Si mentonda ira.

ROMA 11:21

Nde ba nahi Dopehohawa ira Ue Ala lano sampano, nahi Ira mehohawa komiu mbo'u.

1 KORINTI 10:12

Onaemo pu'uno isema anu potaeno, nine onae moroso mentade, ipompesu'uimo ka si tebangku!

KOLOSE 2:8

Impetangkoromo, ka si hina anu umo'ahitiakomiu pompaguruno anu mooa ka nahi mentee montonda pompaguru mapa'api-api inule ka rupa-rupa penaa anu pabawaio wawontolino, sine komba montonda Ondae i Kerisituu.

1 TESALONIKA 1:9

Hangano ondaedo isa'a mentutuluo mongkona omami, ba kana'umpe imentotowo kami ka ba kana'umpe impepokule ndi Ondae Ue Ala inso a luwuno lahumoa ka mekakaako Ira Ue Ala anu tuwu ka mentee,

IBARANI 10:31

Mongkokongiri ntu'u, tewala tedonta a ngkae-Do Ue Ala anu tuwu.

IBARANI 10:38

Sine mia-Ku anu mentee ta tuwu hangano pompe'ala-ala, ka tewala onae monsuka, ka ndi onae nahi Aku memoikoo.”

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

IBARANI 3:10

Onaemo pu'uno ka Kutekuda a anu mentuwu asa api atuu, ka Kupepau: Wela tesosaelo aroado, ka nahi domento'orio pesalaa-Ku,

IBARANI 3:19

Kanandiomo tomengkitao, nine nahi dompokompewinso hangano nahi dompompe'ala-ala.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.