IBARANI 3:1 - Wunta Mempori

¹ Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

IBARANI 3:1 ပူးပေါင်းရင်းမြစ်များ

Po'unde-unde 110:4

Ondae i Ue mesumpa Iramo, ka nahi Ira me'o'ole, ”Omuemo sando mpesomba ranta nahina tampulaano, montonda atorano i Melekisede.”

Yesaya 1:3

Sapi tumo'orio ueno, sine to Isaraeli naahi; kalide tumo'orio dulano ueno, sine bawaa-Ku naahi.”

Yesaya 41:20

ka domengkitao luwuno mia ka mpokonto'orio, menootio ka tumo'orio, nine kae-Do i Ue anu weweuo luwuno andio ka Anu Tedoa Mempori, Ue Alado to Isaraeli, anu mokogagio.

Yesaya 5:12

Katapi ka gambusu, rebana ka siloli, saru anggoro mokomaroao luwuno pogawedo, sine wineweu-Do i Ue nahi pinelangkai ka inangga-Do i Ue nahi pinerio.

Yehesikieli 12:3

Onaemo pu'uno, omue, anano mia, patindaomo tiamu luwuno parewano asa mia tinadi ka pelempamo kana asa mia tinadi tempono meene i arono matado. Lakomo inso a mpo'iangamu kanandio-andio a mpo'ianga anu susua kana asa mia tinadi i arono matado. Bara'ura ira mpokonto'orio nine ondae atuu suku mpe'ewa.

Yehesikieli 18:28

Ipokonto'orio ka tepidi inso a luwuno polalono songka anu wineweuno, ka onae manasa tuwu, onae nahi ta mate.

Hagai 1:5

Kanandio-andio, kanandiomo pau-Do Ueno luwuakoano: Impekokoongakonomo pelempano tumuwumiu!

Hagai 2:15

Ka i'amba mepauomo i Hagai, ipotae, ”Kanatuumo bawaa andio ka tongku andio i aro-Ku, kanandiomo pau-Do i Ue. Kanatuu koa mbo'u anu wineweuno kaedo ka anu pinesombaakodo, gagiomo mokoburu.”

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 20:21

Onaemo ka Dopotae i Yesu pohona mbo'u, ”Rodoa kumongkomi komiu! Mengkena kana Dotena Aku i Ama, kanatuu koa mbo'u Kutena komiu.”

I YOHANE 20:27

Ka Do'amba motaeakono i Toma, ”Naaomo wunga ngkaekumu i ndi'ai ka kitaomo kae-Ku, tasiomo kaemu ka winsoomo a lompe-Ku ka si nahi upompe'ala-ala mbo'u, tendeano pompe'ala-alamo.”

WINEWEUDO TINENA 1:15

A oleo atuu mentadeomo i Peturu i tonga-tongado pepaekompo anu kontongaado mpepumpu atuu, bara'ura asa etu ka rua pulu mia hadiono, ka i'amba motae,

ROMA 11:17

Onaemo pu'uno tewala pinuduomo ba te'opia sampano ka omiu kana tumba susua pinotakoomo i olono ka mpohawe mbo'u tia a hakano saitu anu buke uwoino,

ROMA 15:27

Lano domempakosiomo, sine atuu lano ira meweweuo. Hangano, tewala luwuno tongku susua mpohawe iramo tia arataa rohanido to Yahudi, ka luwuno tongku susua mbo'u atuu asalakono ka domentulungi ira to Yahudi mpoweeako ira arataado.

ROMA 15:8

Tinooku onaemo, nine hangano mentee-Do Ue Ala Ondae i Kerisituu gagi Iramo puu pompekakaakodo mia mpetindi mokorosoo dandi anu Doweeako iramo uempu'uto,

ROMA 9:24

onaemo ontae, anu Dopoboi kitamo komba butu inso i olodo to Yahudi, sine inso mbo'u a luwuno tongku susua,

1 KORINTI 1:2

a bawaa-Do Ue Ala i Korinti, onaemo ondae anu pinokomempori ndi Ondae i Kerisituu Yesu ka anu mempinoboi gagi mia memempori, saru luwuno mia a luwuno po'ianga, anu mpebooli a nee-Do Ueto i Yesu Kerisituu, onaemo Uedo ka Ueto.

1 KORINTI 10:17

Hangano roti aasa, ka ontae maupo tomehadio, mpe'asa ngkoroi, hangano mpohawe kita luwu tia a roti anu aasa atuu.

1 KORINTI 9:23

Luwuakoano andio kuweweuo hangano Lele Mawongkoa, ka kupohawe tia i larono.

2 KORINTI 1:7

Ka pomperorohimami mongkona omiu moroso, hangano kito'orio, nine mengkena kana omiu mpo'ala komiu tia a ntebobarasaimami, mpo'ala komiu koa mbo'u tia a pontareromami.

2 KORINTI 9:13

Ka hangano peteahakomiu a pompekakaakoa atuu, dome'unde-unde Ira Ue Ala hangano pomperorongeakomiu a Lele Mawongkoa-Do i Kerisituu ka hangano pe'aroamiu mpetia luwuakoano saru ondae ka saru luwuno mia,

EPESU 3:6

onaemo nine anu komba to Yahudi, hangano Lele Mawongkoa, megagi ira mbo'u mpompe'umbu pusaka ka luwuno parewa ngkoroi ka mpetonda a laro dandi anu wineeako a ntepo'asaa ndi Ondae i Kerisituu Yesu.

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

EPESU 4:4

aasa koroi, ka aasa Penaa, ba kana'umpe imempinoboi a aasa pomperorohia anu tewinso a mpoboimiu,

PILIPI 3:14

ka melulu a anu tinunggai ka kupohawe pompowee, onaemo pepoboi nsuruga inso ndi Ondae Ue Ala a ntepo'asaa ka Ondae i Kerisituu Yesu.

KOLOSE 1:12

ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

KOLOSE 1:22

kanandio-andio Dopokosintuwuo, a ngkoroi-Do i Kerisituu hangano mate-Do, ka Donaa komiu mempori ka nahina tisoano ka nahina tataano i aro-Do.

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

1 TESALONIKA 5:27

A nee-Do i Ue ku'emao ntu'u ndi omiu, ka ibinasa wunta andio a luwuno pepaekompo.

2 TESALONIKA 1:11

Onaemo pu'uno ka kiwela mpekakaiakomiu mbo'u, ka Dopetekona komiu Ue Ala a mpepoboi-Do ka saru roso-Do mokosompoo po'ehemiu mpoweweu moiko ka mokosompoo inanggano pompe'ala-alamiu,

2 TESALONIKA 2:14

Onaemo ka Dopoboi komiumo hangano Lele Mawongkoa anu pinalelemami, onaemo ka impohawe maramba-Do i Yesu Kerisituu, Ueto.

1 TIMOTIU 6:12

Petandimo a mpetandia pompe'ala-ala anu mentee ka pete'umalaomo tuwua anu nahina tampulaano. Onaemo atuu ka upinoboimo ka upedandiakomo dandi anu mentee i arodo hadio sakosii.

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

2 TIMOTIU 2:7

Pekokoongakonomo hapa anu pinauku; Ondae i Ue Ira moweeko ponto'ori a luwuakoano.

IBARANI 10:19

Gaagi, luwuno pepaekompo, hangano rea-Do i Yesu ontae kanandio-andio memosia kitamo mpokompewinso a laro po'ianga mempori,

IBARANI 10:21

ka ontae hinao asa mia Sando Mpesomba Langkai gagi petewawa a Raha-Do Ue Ala.

IBARANI 10:23

Aiwamo tompe'ini moroso a pomperorohiato anu tomemangakuakono, hangano Ondae anu dumandio, nahi bali.

IBARANI 13:22

Ka kupatudu komiu, luwuno pepaekompo, ka imentarimao a moputeno aroa, maupo butu owowa wuntaku andio ndi omiu.

IBARANI 2:11

Hangano Ondae anu mompokomempori ka ondae anu mempinokomempori, luwudo tepu'u inso a anu Aasa; onaemo pu'uno nahi makoko'ii-Do moboiako ira pepaekompo,

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 3:12

Impetangkoromo, hei luwuno pepaekompo, ka si hinawe te'asa mia i olomiu anu mosa'o aroano ka anu nahi pompe'ala-ala hangano ihapu Ira Ue Ala anu tuwu.

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

IBARANI 6:20

i tu'aimo Dopewinso i Yesu gagi Pese'eluto, tempono Dogagi Sando Mpesomba Langkai ranta nahina tampulaano, montonda atorano i Melekisede.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

IBARANI 7:28

Hangano songka Taura pakosi ira mia anu ipabawai ira molema gagi Sando Mpesomba Langkai, sine sumpa, anu pinau lembui sekono songka Taura, pakosi Ira Ana, anu gagi Iramo soompo ntu'u ranta nahina tampulaano.

IBARANI 9:11

Sine Ondae i Kerisituu hawe Iramo gagi Sando Mpesomba Langkai tiano luwuno anu moiko anu ta hawe: Dotelaloiomo kema anu lalu langkai ka anu lalu soompo, anu komba wineweuno kaeno mia, – pengkonaano anu nahi tewinso pinokogagi andio, –

IBARANI 9:15

Onaemo pu'uno Ondaemo peposombu inso a aasa pedandia anu wo'ohu, ka dompokotarimao ondae anu mempinoboi iramo tia anu nahina tampulaano anu dinandi, hangano mate Iramo tumolosio luwuno polimpaia anu wineweuomo i larono pedandia anu amba-ambano.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 3:5

Hangano kanandiomo gaudo beine mempori i ndi'upua domeramba-rambao koroido, onaemo luwuno beine anu mpomperorohi ndi Ondae Ue ala; mpetuundu ira a ntamado,

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

1 YOHANE 1:3

Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

YUDASI 1:1

Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”