IBARANI 2:8 - Wunta Mempori

⁸ luwuakoano anu Ipokompe'urumakoomo a toto ngkaru-Do.” Hangano i larono mokompe'urumakoo luwuakoano ndi Ondae, nahina maupo te'asa anu Dopesusuao. Sine kanandio-andio napi tomengkitao, nine luwuakoano Dopokompe'urumakoomo ndi Ondae.

IBARANI 2:8 ပူးပေါင်းရင်းမြစ်များ

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Po'unde-unde 8:6

Sine Iweweuomo mingki mengkena kana Omiu Ue Ala, ka Iramba-rambaakonomo marambaa ka pompelangkai.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I YOHANE 13:3

Doto'orio i Yesu, nine luwuakoano Dopeweengakonomo Ama-Do ndi Ondae ka nine Dohawe inso ndi Ondae Ue Ala ka mekule ndi Ondae Ue Ala.

I YOHANE 3:35

Ondae i Ama mehohawao Ana-Do ka Dopeweengakonomo luwuakoano ndi Ondae.

1 KORINTI 15:27

Hangano luwuakoano Donangiomo a ntoto ngkaru-Do. Sine tewala pinau, nine ”luwuakoano ninangiomo,” ka mengkaaomo, nine Ondae-Do isa'a anu numangio luwuakoano a ntoto ngkaru-Do i Kerisituu atuu nahi tewinso i larono.

IBARANI 1:13

Ka ndi semake i olodo mala'eka atuudo Dohori mepau, ”Pentoromo i koana-Ku, ranta Kuweweu ira iwali-Miu gagi pelandaano karu-Miu?”

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.

IBARANI 2:5

Hangano komba a luwuno mala'eka Dopokompetuunduo wawontolino anu ta hawe, anu pinauto andio.

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –